Chapter four

Sir

Naisipan ko na maagang pumasok ngayon sa school dahil isa lang naman yung klase ko ngayon. It Capstone. Sa totoo lang nahihirapan ako dito sa subject ko na to e. Buti na lang kamo hindi ko kaklase si Cita ngayon.

"Aga mo ata ngayon, Abi?" tanong ni Cathy. Seatmate ko.

Nginitian ko siya. "Maaga kasi akong nagising."

Lumingon ako corridor wala pa masyadong studyante. Maaga pa kasi talaga. Six thirty pa lang. Karamihan kasi seven am nag uumpisa ang klase. Isa rin sa mga dahilan e, wala rin akong kasama sa bahay. Hindi kasi umuwi si Ate. Nag text lang siya na mag o-overtime daw siya. Pumikit ako saglit. Ninanamnam ang katahimikan dulot ng hindi ko kasama si Cita.

Mas gusto ko yung ganito. Mapayapa. Yung tipong hindi ako nagsasalita. Tahimik lang.

"Grabe talaga yung nangyari kahapon  no? Nabalitaan mo ba yun, Abi."

Nilingon ko siya at umiling na lang.

"May holdapan kasi.. Tapos sa harap pa mismo ng school nangyari."

Inignora ko na lang siya. Ayoko kasi talagang makipag usap ngayon. Tinatamad ako. Wala nga si Cita ngayon, pero mukang may kapalitan siya.

Mag kaiba kasi kami ni Cita. Sobra. Tahimik lang ako lagi, samantalang siya napaka loud at outgoing masyado. Ang dami niyang alam tsaka lagi niya akong sinasama sa mga pinpuntahan niya. Minsan kahit ayokong sumama, sumasama na lang ako. Ako lang kasi ang kaibigan ni Cita dito sa school. May pagka m*****a kasi yon. Kaya lagi siya namimisunderstood ng lahat.

"Nasaksak yung isang Prof. natin dito kahapon."

Gulat akong napalingon sa kanya. "Sinong Prof.?"

"Hindi ko kilala basta ang narinig ko lang e, prof. ng sociology.."

"Anong oras daw? Kahapon lang?" tanong ko n arin dahil napukaw na nag atensyon ko.

"Oo. Siguro mga 5 na yun ng hapon. Nagkaklase nga kami nun, tapos yun biglang bumaba halos lahat ng prof. para tignan yung nagayari.."

Mga 5? Naka uwi na ako nun. Three kasi natatapos yung klase namin.

"Kawawa nga.. Yummy pa naman daw.."

"Nahuli na ba yung sumaksak?" tanong ko pa. Grabe lang no? Kami ni Cita may nakita rin kaming gulo. Yun nga lang hindi naman talaga kami dapat madadamay don, kaso lang nangielam kasi si Cita. Tapos ngayon naman isang Professor. Kawawa naman yung family nun.

"Hindi. Nakatakas daw." ani nito. "Tsaka sabi rin kanina na may pupunta daw ditong mga police mamaya para mag tanong tanong."

Napatango ako. Nag usap pa kami sa ibang bagay. Natigil lang kami nung dumating na yung professor namin.

Kahit nakaharap sa computer ay Gustong gusto ko itext si Ate ko kung okay lang siya kaso kinakabahan ako baka mahuli ako ng prof na nag tetext. Hindi ko kasi kaya mag text pag may prof sa harap. Sa pagkakataon na ganito ko hinihiling na sana kasama ko si Cita. Para siya na yung gumawa. Namaster na niya kasi yung ganun.

Napapansin kong hirap sa pag tuturo yung Prof. namin kaya hindi na ako nagulat ng sa kalagitnaan ng pagtuturo niya ay bigla siyang napaupo sa table niya at napahagulgol.

Hindi naman maalis sa amin ang mag alala sa kanya. Grabe kasi yung iyak niya. Baka naapektuhan siya dun sa nangyari. Lahat kasi ng mga instructor at proffessor dito ay magkakaibigan.

"Pasensya.. p-pasenya na." aniya sa kalagitnaan ng pag iyak niya. Tinabunan pa niya ng kamay ang muka niya para hindi namin makita ang umiiyak niyang muka.

"Ayus lang sir, iiyak mo lang po.." sabi naman nung isa kong kaklase.

"B..bestfriend ko k..asi yun.. Nasaksak kahapon.."

Siniko ako ni Cathy kaya ako napatingin sa kanya. "Bestfriend pala niya." bulong nito sa akin na parang hindi ko narinig yung sinabi ni Sir.

"Sorry, Sir." Sabi ni Cathy. "Ano po ang pangalan niya Sir?"

"Si Instructor Diaz.." sagot ni sir.

Nanlaki yung mata ko. Hala! Instructor ko yun nung 1st year! Sa socio. 1st sem. O my! May iba din akong narinig na nagulat dahil  sa narinig kay Sir.

"Instructor ko yun ng second year ako!" sabi nung isang boses sa likod ko.

"Naging prof.  ko yun sa isa kong back subject!"

Naging maingay sa bulong bulungan ang room namin.

Hindi pala nila ipinaalam sa mga studyante ang nangyari kahapon. Kaso hindi rin nila na kontrol kasi may mga nakakita kaya kumalat.

"Kung hindi mo kayang magturo ngayon Sir, maiinitindihan po namin.."

"Im s..sorry.. So..rry!"

Hindi na nagturo pa si Sir ngayong araw. Naiintindihan ko naman. Nawalan siya ng matalik na kaibigan. Sana lang mahuli na yung gumawa nun kay Sir Diaz. Nakaka habag naman kasi.

Maaga pa pero nandito na kami sa canteen. Isa't kalahating oras pa dapat  bago matapos ang klase namin. Tinext ko na lang si Cita kasi nangungulit na rin. Bumili muna ako ng isang pirasong asado na siopao. Hindi pa naman kasi ko nagugutom, gusto ko lang ngumuya. Kakaupo ko lang sa gilid na lamesa nang makita si Cita na lilinga linga. Marahan kong tinaas ang kamay ko upang mapansin niya. Ngiti naman ang isinukli niya sa akin.

Hindi pa man din siya nakakalapit sa akin ay nag uumpisa na siyang dumaldal.

"Uy! nabalitaan mo ba yung nangyari kahapon?"

Tumango lang ako.

"Grabe no?" medyo malakas na boses na sabi niya nang makalapit na. "Ay, bumili kana agad ng food mo, hindi mo ako hinintay."

Napatingin ako dun sa mga lumingon sa amin dahil sa lakas ng boses ni Cita.

"Hinaan mo konti yung boses mo, Cita."

"Bakit?" masungit na sabi niya.

"Hindi lang tayo ang tao dito."

"Pake ko naman? Hindi naman library itong canteen, kaya huwag silang maarte." sinadya pa ata niyang lakasan iyon. Jusko po! Sana pala hindi ko na lang sinita.

"Oh ano, tara na?" aya niya. Tumango ako at tumayo na. May usapan kasi kami ngayon na sasamahan ko siyang mag mall. Bibili kasi siya ng bago niyang laptop.

"Kilala mo ba kung sinong Prof. yun?" tanong niya habang naglalakad kami sa malawak na field ng school. May malaki pang puno ng Narra doon kaya kahit mainit ang panahon ay malilim pa rin ang nilalakaran namin.

"Si Sir Diaz, daw." sagot ko.

Narinig ko naman na napsinghap siya. "Si ano.. Yung teacher natin nung 1st year sa socio?"

Tumango ako.

"Shit. ayy hala! Andami ng pulis." sabi nito ng matanaw namin ang nagkalat na police sa may parking.

"Tara tignan natin.."

"Ayoko na, Cita. Dumiretso na tayo sa mall. Wala naman tayong maitutulong diyan."

"Sandali lang tayo.." sabi nito sabay hila na sa akin.

Marahan ko pang inayos yung strap ng bagpack ko sa balikat dahil nalaglag pa ito ng tumakbo kami ni Cita.

"Uyy, ano ng balita?" si Cita doon sa isa rin nakikiusyoso. Napalingon ito sa kanya.

Nagkibit balikat yung lalaki na ka schoolmate namin. "Wala daw nakakilala e.. Naka hoodie daw kasi tapos tumakbo agad."

"Hindi nakita sa cctv?" tanong pa ulit ni Cita.

"Nakita nila yung face. Kaya ipapaskil nila diyan mamaya."

"Ah. Sige, salamat." si Cita na tinapik tapik pa yung balikat ng lalaki na akala mo'y matagal na silang mag kaibigan.

Nag iba naman yung hitsura ng lalaki kaya umalis na rin.

"Tara na, Cita.. Kailangan kong makauwi ng maaga.." hinihila ko siya paalis don. Dahil gusto pa ata niyang magtagal doon.

Marami pa ang nakiki usyoso doon na mga studyante. Hindi rin ako masyadong tumitingin sa daan dahil nagpupumilit si Cita na bumalik don.

Paliko na dapat kami nang may mabunggo kami. Matigas na bagay.

"Ayy, Tanga, hindi ka ba tumitingin sa dinadaanan mo?!" hiyaw ni Cita

Hinaplos ko yung ulo ko. Medyo masakit kasi. Jusko po! Ano ba yun? Pakiramdm ko naihampas ko yung ulo ko sa matigas na kahoy.

"Sorry po.." sabi ko at bahagyang yumuko para pulutin yung ballpen nung nabangga namin.

"Patanga tanga kasi!" sabi ulit ni Cita.

Pinalo ko siya sa braso pagkaangat ko. "Tumigil ka nga! Tayo yung nakabunggo sa kanya."

Humarap ako dun sa taong nabunggo namin at inilahad sa kanya yung ballpen. Nanlaki yung mata ko ng makita ko yung mukha niya.

Diyos ko po!

Yung lalaking may rosas na tatto sa gilid!

Napalunok ako. Naramdaman ko naman na natigilan din si Cita.

"Abi.."

"Sorry din. Nag mamadali kasi ako." anito at kinuha yung ballpen sa kamay ko.

"Hindi! Okay lang. Kasalanan naman talaga ni Abi yun. Hindi kasi siya tumitingin sa daan." si Cita. Napalingon ako sa kanya. Nag bago ang ihip ng hangin?

"Anyway, ako si Cita." tapos ay naglahad siya ng kamay na mabilis namang tinanggap nung kaharap namin. "Ito naman si Abi.. Bestfriend ko." naglahad din siya ng kamay sa akin at kinakabahan na tinanggap ko iyon.

"Dylan Rogerr."

"Wow! Sabi nila pag Rogerr daw ang name,  daks daw, totoo ba yun?" walang hiya na pahayag ni Cita. Mabilis ko siyang pasikreto na sinabunutan sa likod. Lalo pa at nakita ko kung paano kumunot ang noo nung lalaking kausap.

"Joke!" agad na bawi ni Cita.

Napailing naman si Dylan Rogerr. Magsasalita sana siya ng lapitan siya naka unipormeng police.

"Sir, pinapatawag po tayo ni Inspector sa Jeep."

"Sige susunod ako Sir." sagot niya.

"Police ka ba?" agad na tanong ni Cita pag kaalis nung kausap na police.

Tumango ito. "Yes." sabi nito. "I have to go now. Mag ingat kayong dalawa. Cita, Abi.." yun lang at umalis na ito.

"Sige Sir! Salamat! sa paalala!" pahabol na hiyaw ni Cita.

"Tang ina! Ang gwapo niya Abi!" ani nito at inalog alog pa ako.