CHAPTER 2

"Is Jasper back yet?" tanong ni Heath, ang tingin ay nakatitig nang husto kay Olivia.

"H-Hindi pa po, sir," sagot ni Olivia na kinakabahan.

Iniwas niya ang kanyang paningin. Hindi magandang tingnan ang makipagtitigan sa lalaki. Baka itong ituring nito itong kawalan ng galang, at mas malala pa, baka makaapekto ito sa career ng kanyang asawa.

Tumango nang dahan-dahan si Heath.

May taas siyang nasa 175 cm, may matalas pero kalmadong tingin, maputi ang balat, at may suot na salamin. Mukha itong aktor. Ang magandang pangangatawan nito at matitigas na braso ay nagpapahiwatig ng disiplinadong gym routine.

Hindi sinasadya ay naikumpara ni Olivia ang lalaki kay Jasper.

Bagama't gwapo rin naman ang asawa niya, tamad ito pagdating sa mga exercise-exercise na ‘yan. Ang tiyan nito ay nagsisimula na ring lumaki, malayo sa matitigas na six-pack na dati ay mayroon ito.

Kilala na ni Olivia si Heath Madrigal.

Naging senior niya ito sa college, ang mismong senior na nagpaiyak sa kanya noong orientation. Noon, nasa last semestre na si Heath, pero nagagawa pa rin nitong paglaruan ang mga bagong estudyante.

"Hmm." Tumikhim si Heath nang mapansing nakatayo lang na parang tuod si Olivia sa harap niya, ang tingin nito ay nananatili sa babae na tila ba sinusuri niya ito nang husto.

Doon lang napagtanto ni Olivia, ang manipis na daster na suot niya ay dumidikit sa kanyang katawan dahil sa matinding pawis niya.

Bakas ang hugis ng kanyang pulang bra sa ilalim ng puting tela.

Napasinghap siya. Napayuko siya habang nag-aapoy ang kanyang mga pisngi. Wala na siyang paraan para itago pa ito.

Dala ng instinct, sinubukan niyang takpan ang sarili, pero huli na ang lahat.

“May I come in?” muling tanong ni Heath.

Mabilis na tumango si Olivia. "O-Opo, sir. Tuloy po kayo."

Tumabi siya para paraanin ito.

Nang lagpasan ito ni Heath, isang tipid na ngiti ang sumilay sa mga labi niya.

"Maupo po kayo, sir."

"Thanks. May appointment kami ni Jasper. I happened to be nearby, so I decided to drop by,” kaswal na wika ni Heath habang nauupo sa sofa.

Tumango si Olivia, hindi sigurado kung ano ang isasagot.

"Nasa kusina lang po ako, sir," magalang niyang sabi. "Pasensya na po sa inconvenience."

"Not at all," sagot ni Heath.

Paalis na sana siya nang—

"Sabi ni Jasper, nagtatrabaho ka raw dati?" tanong ni Heath, na nagpahinto sa kanya.

Natigilan si Olivia, saka tumango. "Opo, sir."

"Anong trabaho mo?"

"Isa po akong marketing supervisor," sagot niya, habang ang kanyang paningin ay medyo maiwas. Tuwing nababanggit ang trabaho, parang may lungkot na bumabalot sa kanyang mukha.

Napansin iyon ni Heath.

“What a waste,” sabi nito.

Napakunot ang noo ni Olivia. "Bakit niyo po nasabi yan, sir?"

"Ang isang babaeng kasingganda at kasingtalino mo... nakakulong lang sa bahay?" ani Heath, mababa ang tono ng boses at nakatitig sa kanyang mga mata. “You should have gone far in your career.”

Pagpapatuloy nito, tila nag-iisip, “You were brilliant back then. Pinag-usapan sa college ang GWA mo. Pati ang mga professor ay ikinukumpara kaming mga senior sa iyo. And now… you’ve given it all up.”

Napahigpit ang hawak ni Olivia sa kanyang mga daliri.

"Past na po iyon," mahina niyang sabi. "Mauna na po ako, sir."

Ni hindi na siya naghintay ng sagot. Tumalikod siya at nagmadaling pumunta sa kusina.

Habang naghahanda ng drinks, umaalingawngaw sa kanyang isipan ang mga sinabi ni Heath.

Kung hindi siya nagbitiw... siguro nga ay promoted na siya ngayon.

Marahil ay iba ang naging takbo ng buhay niya.

Umiling si Olivia, pilit na itinataboy ang mga iniisip.

Pinili niya ang buhay na ito.

Pumayag siyang maging isang housewife.

Pero...

Masaya ba siya?

Hindi niya alam.

Minsan, pakiramdam niya ay hindi ito isang choice, kundi isang kulungan.

"Ano kayang ise-serve ko sa kanya?" bulong ni Olivia habang tumitingin sa paligid. "Kape... karamihan ng tao ay mas gusto ang kape," pasya niya.

Huminto siya sandali.

"Hindi naman siya ganoon katanda... ganoon pa rin ang hitsura niya gaya ng dati. Nakakainis pa rin," dagdag niya sa ilalim ng kanyang hininga. "Sige, kape na lang. Kung hindi niya gusto, problema na niya iyon."

Hindi nagtagal, ang bango ng bagong timplang kape ay humalimuyak sa paligid.

Maingat na dinala ni Olivia ang tray na may umuusok na tasa patungo sa sala.

Suot pa rin niya ang parehong manipis at walang manggas na puting daster.

“The coffee smells wonderful,” komento ni Heath, tumayo habang papalapit siya.

Nagbigay si Olivia ng isang pilit na ngiti.

Habang yumuyuko siya para ilapag ang tasa sa mesa, lumapit naman si Heath—

Nagkadikit ang kanilang mga kamay.

"Mainit ang kape," kaswal na wika ni Heath. “I might spill it.”

Pero sa halip na bumitaw, saglit na humigpit ang hawak ng kanyang mga daliri sa kamay ni Olivia.

Nanigas si Olivia sa kinatatayuan.

Isang kakaibang init ang dumaloy sa kanya, matalas at mabilis, parang kuryente.

Bago pa siya makakilos, dahan-dahang hinaplos ng kamay nito ang kanyang braso.

Nanlaki ang mga mata ni Olivia.

Mabilis siyang umatras ngunit naputol ang kanyang pagkilos nang humarang ang dulo ng sofa, dahilan para makulong siya sa pwesto.

Bumilis ang kanyang paghinga.

Ngumiti lang si Heath.

Muling gumalaw ang kamay nito…

*Ding dong. Ding dong*

Ang biglang tunog ng doorbell ay bumasag sa sandaling iyon.

Nakahinga nang maluwag si Olivia.

Inalis ni Heath ang kanyang kamay at bumalik sa pagkakaupo na para bang walang nangyari. Habang dumadaan si Olivia sa harap niya, bahagya siyang lumapit at bumulong, “You’re still as beautiful… and interesting as before.”

Umakyat ang init sa mukha ni Olivia.

Hindi siya sumagot at nagmadali siyang pumunta sa pinto.

Sa likuran niya, kaswal na kinuha ni Heath ang cellphone, ngunit ang mga mata nito ay nakasunod sa bawat galaw niya.

Nang buksan ni Olivia ang pinto, nandoon na si Jasper, bakas sa mukha ang pagod at inis.

"Bakit ang tagal mong magbukas?" bulyaw nito.

Nanigas si Olivia, mabilis ang tibok ng puso.

Kinabahan siya… paano kung may mapansin ito?

Paano kung malaman ng asawa niya?

"P-Pasensya na, babe..."

"Ready na ba ang lahat? Huwag mo akong ipapahiya. Importante ito," matalas na banta ni Jasper.

Napalunok si Olivia. "Ang boss mo... nandiyan na siya sa loob."

Natigilan si Jasper. "...Ano?"

Gulat at hindi makapaniwala ang rumehistro sa mukha ng lalaki habang nakatingin sa loob ng bahay.