CHAPTER 1: THE THERAPY

Nakatayo lang si Clara sa labas ng study room habang tahimik na nakikinig sa mga ungol ng asawa niyang si Anton. Kung maririnig mo aakalain mong nasasaktan talaga siya sa ginagawang psychological treatment sa loob ng kwarto.

Maya maya bumukas na ang p***o. Lumabas si Anton na medyo namumula ang mukha. Kalmadong lumapit si Clara sa asawa niya.

​"Tapos na ba ang treatment?" tanong niya.

​"Oo," sagot ni Anton habang hinahaplos ang buhok ng asawa. "Nakakatakot balikan yung trauma ko kasama si Dra Bianca pero ang gaan ng feeling after."

​Sumunod na lumabas si Dra Bianca na nakangiti ng matamis. "Panigurado nag alala ka ng sobra Clara nung narinig mo ungol ni Anton no?"

​"Bakit naman?" tipid na sagot ni Clara. "Magaling ka naman na psychologist kaya panatag ang loob ko sayo."

​Nang makaalis ang dalawa mabilis na pumasok si Clara sa study room at dumiretso sa basurahan. Binaligtad niya ang plastic bag at may nahulog na bagay, condom ito.

​Napaiyak na lang si Clara habang tumatawa mag isa. Ang ironic lang na hindi magawa ng asawa niya ang bagay na yun sa kanya pero sa ibang babae kayang kaya pala.

​Three years ago naaksidente sila na naging dahilan ng pagka injure ng lumbar spine ni Anton. Simula noon nagka PTSD siya at hindi na siya makapag perform as a normal na lalaki pagdating kay Clara. Dahil doon kinuha nilang live in psychologist si Dra Bianca para sa araw araw na treatment ng asawa niya.

​Akala ni Clara maayos ang lahat hanggang sa may narinig siyang usapan three nights ago nung bababa sana siya para uminom ng tubig.

​"Di mo talaga mapigilan gumawa ng ingay Anton," landi ni Dra Bianca. "Paano kung marinig ni Clara?"

​"Inosente pa yun hindi niya iisipin na may ginagawa tayo," kampanteng sagot ni Anton.

​"Ayaw mo ba talaga subukan sa kanya?"

​"Tinry ko na kaso di talaga gumagana sa asawa ko eh."

​Doon narealize ni Clara na hindi dahil sa trauma ang mga ungol ng asawa niya kundi sa sarap na binibigay ng personal psychologist nito. Ang tagal niyang sinisi ang sarili niya sa aksidente noon pero isang malaking joke lang pala ang lahat.

​Binalik ni Clara ang condom sa basurahan. Manhid siyang lumabas at umupo sa sala. Maya maya pa bumaba si Anton na fresh na fresh ang dating.

​"Siya nga pala Clara ikaw na ang mag hatid sundo sa anak ni Dra Bianca araw araw," utos ni Anton. "Wala ka naman ginagawa dito sa bahay. Gusto ko kasi i please si Dra Bianca para tulungan niya akong makilala si Investor Z. Kailangan ko ng big time investor para ma secure ang posisyon ko sa kumpanya."

​"So gusto mo ihatid ko siya para sayo?" malamig na tanong ni Clara.

​"Wala ka naman kasing ibang silbi kaya ikaw na ang gumawa nito," minaliit siya ni Anton. "Bakit, maipapakilala mo ba ako Kay investor Z?"

​Kung alam lang sana ng asawa niya na si Clara mismo si Investor Z.

​Pinilit siya ng pamilya niya na mag finance noon pero mas pinili niyang maging isang perfumer. Kahit ganun naging secretly successful investor pa rin siya para sana suportahan ang asawa niya in case magka problema ito sa business. Pero heto ang isusukli sa kanya. At ang kapal din ng mukha ni Dra Bianca na mag claim na kilala siya nito personally.

​Lumapit si Dra Bianca sa kanila. "Naku Anton parang nakakahiya naman yata na si Clara pa ang maghatid sundo sa anak ko."

​"Okay lang yun pumayag na siya," sagot agad ni Anton.

​Tumayo si Clara at tiningnan sila ng diretso. "Wala akong sinabing pumayag ako at hinding hindi ko gagawin yan."

​Dati gusto niya lang sana ng peaceful divorce pero dahil sa mga nalaman niya nagbago na ang isip niya. Gusto na niyang maghiganti.

​Sa gitna ng tensyon nilang tatlo biglang tumakbo ang anak ni Dra Bianca na si Bella papunta sa kanila. "Bang! Bang! Bang! may baril ako!"

​Pagtingin nila pare pareho silang nagulat dahil isang adult toy ang hawak ng bata.

​"Saan mo nakuha yan?!" sigaw ni Dra Bianca na namumutla na.

​"Doon po sa kwarto ni Tita Clara!" turo ni Bella.

​Namula sa hiya at galit si Anton. Inagaw niya ng mabilis ang bagay na yun. Akala niya pa naman sobrang inosente at conservative ng asawa niya.

​Tiningnan niya ng masama si Clara.

"Paano mo nagawang hindi kontrolin ang sarili mo ng ganito? Nakakahiya ka!"