Kabanata 19.2

Naglakad na siya at sumunod naman ako sa kaniya. Ramdam ko rin ang pagsunod ni Sir Louie sa likuran ko.

“San tayo magswiswimming sa weekends?” tanong ni Sir Louie ng makasakay kaming tatlo sa elevator. Napasulyap naman ako kay Sir Kyler na tahimik at diretso lang ang tingin.

“Ah hindi ko pa po alam Sir. Inaya lang din kasi ako.” Sagot ko sa kaniya.

“Hmmf ok, may maganda akong alam na resort baka pwede kong isuggest sa kanila.” Nauna ng lumabas si Sir Kyler a sinundan naman namin ni Sir Louie. Maya maya pa ay huminto siya at humarap samin kaya napahinto rin kaming dalawa ni Sir Louie.

“Anong ginagawa mo rito?” tanong ni Sir Kyler kay Sir Louie.

“Pupuntahan ka?” walang kasiguraduhan niyang sagot.

“Umuwi ka na.” Walang pasubaling saad ni Sir.

“Ito naman eh. Gusto mo sumama sa swimming namin nila Keisha?” lumingon naman sakin si Sir kaya yumuko ako. Tumali