Kabanata 5

Kabanata 5

Napatingin siya sa orasan ng kaniyang phone. She's a bit late. Hinanap nila ni Shiela ang kaniyang dressing room. May nakita silang staff ng kompanya kaya ay tumungo sila rito.

"Miss, saan ang dressing room para kay Suraidah?" tanong ni Shiela.

"Ah, dumiretso na lang po kayo. May nakalagay na name sa itaas ng door. Dalawa pala sila ni Miss Shari. Hindi kasi nagamit ang isang dressing room dahil sira daw ang aircon."

Aalma na sana siya subalit pinigilan siya ni Shiela.

"Sige, Miss. Thank you."

Tumango lang ang staff at agad na itong umalis.

"Shiela, titiisin ko ang room na may sirang aircon, huwag lang kaming magsama ni Shari sa iisang room. Can't you do something about this?"

"Te, hindi na ito ang oras para mag-inarte. Gawin mo na lang ang trabaho mo nang sa ganoon ay matapos na tayo."

"Shiela, nakita mo naman ang sasakyan na tinuro ko sa iyo kanina, hindi ba?" She sighed. "Sasakyan iyon ni Crane. For certain, he was here! B—Baka sinamahan niya si Shari!"

"So? Ano naman ngayon? Fiancee niya si Shari, and I think, walang mali roon!" Shiela lifted her hands. "Nag-usap na tayo kung ano ang dapat mong gawin kapag nandito nga ang Baby Daddy mo, Suraidah. You have to focus on your job. Kapag natapos ang shoot ay aalis din tayo agad."

Tumango na lamang siya at dumiretso na sila ni Shiela patungo sa dressing room.

The mist of luxurious perfume lingered inside her nose as she walked inside the dressing room. Nakita niyang nakaupo si Shari sa harap ng malaking salamin. This woman looked and smelled expensive.

Nakahanda na si Shari.

"Wala ka bang wake up time before ang shoots na pinupuntahan mo?"

"Sorry, Shari. Hinatid ko pa kasi ang anak ko sa bahay ng Mommy at Daddy ko."

"Suraidah, right?"

Tumango siya.

"Ilang years ka na ba sa industry?"

"Almost f—five years."

"Bago ka pa lang pala. Kaya siguro hindi ka marunong mag-value ng time ng mga katrabaho mo."

"Miss Shari, mawalang galang na po. Naghahanda pa naman sila sa studio."

"Manager ka niya?"

Tumango si Shiela.

"Well, pagsabihan mo itong rookie model na hinahandle mo na ayusin niya ang trabaho niya. Hindi porket hindi pa tapos e-set up ang studio ay magpapakupad na siya. She's insulting someone like me who was here an hour ago!"

"Sorry, Shari."

"Alam mo? Kung ako sa iyo pumili na lang ako between maging full time mom o maging modelo."

Umirap si Shari at agad na sinuot ang sunglasses.

Bumihis na rin siya. Mabuti na lang dahil nakapagmake up na siya mula sa bahay kaya ay nag-retouch na lang siya.

"Babe?"

Tumayo ang mga buhok sa likod niya nang marinig ang pamilyar na boses na iyon. Nanigas siya sa kinauupuan niya nang marinig ang tunog ng mga hakbang ng lalaki.

"Babe, here's your drinks." Lumingon sa kaniyang kinauupuan si Crane. "Nandito na pala ang katrabaho mo."

She swallowed. Kulang na lang ay mahulog siya sa upuan nang humawak si Shiela sa balikat niya.

"Hi, Crane. Kilala mo pa ba ako?"

"Oh, Shiela Natividad! Of course! Ikaw iyong ex-girlfriend ng batchmate ko sa St. Luke, right? Ikaw iyong umiyak sa CR dahil nagbreak kayo."

"Huwag mo nang ipaalala iyon," Shiela said.

Kahit hindi siya nakatingin kay Crane ay alam niyang tinuro siya ng lalaki.

"Oh, Crane. Si Suraidah, natatandaan mo rin siya, hindi ba? Siya ang classmate mo sa isang minor subject."

"I know her. We've met several times lately."

Mabuti na lang dahil dumating na ang isang staff. Tinawag na sila para tumungo sa studio kung saan magaganap ang shooting.

Ginawa niya ang lahat upang matapos ang shoot kasama si Shari nang isang take lang. Gladly, the shoot went successful in just one take.

Una siyang lumabas dahil nais niyang umalis na upang makaiwas. When she opened the door, she was surprised.

Nasa loob ang anak niya kasama ang Mamila nito. May hawak na boquet si Caelan at sumigaw ang bata.

"Surprise, Mommy!"

Her eyes widened as she heard familiar steps behind her. Tumakbo patungo sa kaniya ang bata at yumakap si Caelan sa leeg niya. Nakatingin siya sa kaniyang Mommy. Nakita niya na inangat ng Mommy niya ang titig nito sa kung sino man ang nakatayo sa kaniyang likuran.

"Mommy? Are you surprised?!"

"Y—Yes, My Love. O—Of course," nauutal niyang wika.

"Daddy! Daddy!" Pumiglas ang bata at humiwalay ito sa kaniya. "Daddy! You are here!"

"Oh, Caelan?"

Tumayo siya at humarap kay Crane. Nakita niya na buhat-buhat ng lalaki ang anak niya.

"S—Si Shari?" tanong niya kay Crane habang ang mga mata ay nakatingin sa pinanggalingan ng lalaki. "B—Baka makita ka niya. Hindi ba ay sabi mo na—"

"Anak," putol ng Mommy niya.

Nakuha niya ang nais iparating ng Mommy niya. She cleared her throat. Binigay niya sa Mommy niya ang bulaklak na galing kay Caelan, bago siya lumapit kay Crane at sinubukang kunin ang anak niya.

"Mommy, minsan na nga lang kami magkita ni Daddy, tapos gusto mo akong kunin agad."

"Caelan, we talked about this. Hindi mo nga siya Daddy, 'di ba? Ilang beses ko ba dapat na sabihin ito sa iyo?"

"No, Mommy. Siya ang Daddy ko! I can feel it! I heard you and Tita Ninang talked about him!"

"Your feelings lied to you, A—Anak." Pinilit niyang kunin ang bata. "Iyong narinig mo ay b—baka panaginip mo lang." Binigay niya ito sa kaniyang Mommy. "Sumama ka kay Mamila mo."

"Let's go, Caelan," sabi ng Mommy niya.

"Mamila, siya ang Daddy ko! And I want to talk to him kahit na sandali lang! You always steal the moments I am with my D—Daddy! You guys are bad! You're mean, Mamila! I will tell Daddylo about this!"

Tumalikod siya kay Crane nang sila na lang dalawa ang naiwan sa dressing room. Bumaling siya rito nang makarinig siya ng tunog ng sinaradong pinto.

"M—Mister Laviste?"

"Suraidah Agos, I think we need to talk about Caelan."

Bukod sa takot na baka malaman ng lalaki ang katotohanan ay nakaramdam na rin siya ng hiya. Ilang beses na itong nangyari sa tuwing magkikita sila; iiyak si Caelan at sasabihin nito sa lalaki na anak siya nito.

Well, she was sure that Crane was her son's father. But for good's sake, hindi naman ito alam ng lalaki at wala siyang balak na ipaalam ito kay Crane.

"Mister Laviste, alam kong paulit-ulit na lang, pero sana mapatawad mo ang anak ko. P—Patawarin mo rin ako if I failed to stop him from coming to your way. Nalapit ka pa sa posibilidad na makita ka ni Shari na buhat-buhat ang anak ko. Nilagay kita sa alanganin. I was worried that it might harm your relationship with Shari."

"Suraidah, may ibang gagawin si Shari kaya ay umalis na siya kasama ang PA niya. And I am here to get her things, pero nagkataon na nagkita kami ulit ni Caelan."

"Ganoon p—pa man, I'm so sorry."

"I think you should be more sorry for hiding the truth," wika ng lalaki.

"W—What?"

Lumapit sa kaniya ang lalaki.

"Alam ko na ang totoo, Miss Agos. Caelan is my own blood and flesh. He is my son."

"H—Hindi totoo iyan. Alam mo naman si C—Caelan. He was c—claiming you as his father, b—but you are not, M—Mister Laviste." She clasped her hands. "Huwag mong patulan ang sinasabi ni Caelan. He is just a c—child. H—Hindi niya alam kung ano ang kahulugan ng mga sinasabi niya.

Lumapit sa kaniya ang lalaki. Her eyes followed where his hands landed. Tumayo ang mga balahibo sa bawat parte ng katawan niya ang dumapo sa mga braso niya ang mga kamay ng lalaki.

"Kaya pala ay ganoon ka mag-react nang makita mo ako na kausap ako ni Caelan." He sighed. "Tama ang kutob ko, Miss Agos, na may tinatago ka nga sa akin."

"H—Hindi... W—Wala..."

"Your eyes revealed the truth already, kahit na hindi ko pa naipasagawa ang DNA test namin ni Caelan. Your actions and you, being defensive, pushed me to pursue the DNA test kahit na wala itong consent galing sa iyo."

"M—Mister Laviste..."

"You heard me fucking right, Miss Agos. Pinagpatuloy ko ang DNA Test at lumabas nga na tunay kong anak si Caelan."

"H—Hindi... t—the result might be wrong."

"Kahit ilang beses ka pang mag-deny ay hindi mo mababago kung ano ang nakasulat sa bawat papel na itinago ko sa silid ko at sa katotohanan na ako ang ama ni Caelan."

Her tears travelled down her face.

"Now, I want to know how we happened to have Caelan? Ano ang nangyari, Miss Agos?! Saan n—nangyari?!" gigil na tanong ng lalaki.