Kabanata 4

Kabanata 4

Her heart was beating the unusual. Hindi naman siya nagkape nitong umaga pero para bang ninenerbyos siya.

"Suraidah!" panggugulat ni Shiela sa kaniya

"Dios Mio!" napahawak sya sa kaniynag dibdib. "May plano ka bang kitilin ako ng buhay? You're killing me, Shiela!"

"Ginulat lang, killing agad?!"

"Seryuso!"

"Seryuso rin, Suraidah! Ilang araw ka nang wala sa sarili mo! You are not on your shape! Pinabayaan mo ang sarili mo because of Crane?! God! Alam mo naman na hindi ka puwedeng magkaroon ng darks sa under eyes mo! You are a model!"

Umismid na lang siya. Balisa siya sa pag-iisip nang malalim ukol sa nais na mangyari ni Crane. Kinababahala niya ngayon ay baka bigla na lang maisipan ni Crane na magpa-DNA test sila ni Caelan. Posibleng gawin ito ng lalaki nang palihim. Sa yaman ba naman nito ay tiyak magiging madali lang upang magawa ang nais nito.

"Kinakausap kita, Suraidah. Bukas ay may shoot ka sa studio." Umiling ang kaibigan niya. "Ano ang gagawin natin kung magiging visible pa ang dark spots sa ilalim ng mga mata mo?"

"Shiela, please, huwag mo muna akong pangaralan. Hindi rin naman ma-proseso ng utak ko ang mga sinasabi mo. Isa pa ay may concealer naman."

"Te, hindi natatakpan ng concealer kung ano ang sinasabi ng mga mata mo! So please..."

Humalukipkip sa harap niya ang kaibigan niya at manager/handler niya sa pagmomodelo sa parehong pagkakataon.

Nawala na naman siya sa sarili. Iniisip niya ang bagay na bumabagabag sa kaniya.

"And why is that?" Shiela sighed. "Akala ko ba ay hindi mo na iisipin si Crane!"

"Correction, Shiela, hindi siya ang iniisip ko. I am thinking about what he was planning to do. Kahit na sinabihan ko siya na hindi na gagawin iyon ay napapaisip pa rin ako na posible niyang gawin ang bagay na iyon."

"Suraidah, tama na ang pag-iisip tungkol diyan. Nasa bahay naman ng mga magulang mo ngayon si Caelan. Ang mabuti pa ay magpa-salon tayo. Kailangan mo ng pamper. Hindi ka puwedeng magmukhang manang sa shoot bukas."

"Anong shoot ang mayroon ako bukas?"

Humingang malalim si Shiela. Mayamaya'y umirap ito nang ilang beses.

"This is what I am telling you, Suraidah! Dahil sa pag-iisip mo kay Crane—" Tinitigan niya nang masama ang kaibigan. "—Fine! Dahil sa pag-iisip mo tungkol sa posibleng gawin ng Baby Daddy mo ay nakalimutan mo na ang schedules na pinadala ko sa iyo noong nakaraang araw pa!"

"Shiela, mas magiging stress ako kapag palagi ka na lang bumubunganga."

"Fine! Mayroon ka lang naman importanteng shoot bukas para sa isang TV commercial. And I think dalawa kayo ni Miss Shari."

She stopped fixing what to put inside her handbag. Tumitig siya kay Shiela, waiting for her friend's confirmation.

"S—Shari?"

"No other than, Suraidah!"

"Si S—Shari na—"

"Oh my God! Yes, naalala ko! Siya nga! Si Shari na fiancee ng Baby Daddy mo." Halatang masaya pa ang kaibigan. "Shocks, Suraidah. Akalain mo iyon? Two famous models will work together para sa isang TV commercial?! Tiyak papatok ito sa masa!"

"Hindi ba ako puwedeng umatras, Shiela?"

"Don't be stupid, Suraidah! This is already contracted. Nakabayad na rin ang kompanya nang higit sa kalahati ng TF mo."

"I can repay them, Shiela."

"Nag-iisip ka pa ba, Suraidah? Sige, for instance, puwede mong ibalik ang pera ng kompanya. But how about your image? Ano ang gusto mong mangyari? Masisira ka, Suraidah! They probably will tell other companies na huwag makipagtrabaho sa iyo dahil nagca-cancel ka kapag malapit na ang shooting date!"

Bahagya siyang napaupo. Humilamos siya nang walang tubig.

"Shiela, ayaw kong makatrabaho ang fiancee ni Crane. Paano na lang kung sasamahan ng lalaking iyon si Shari? Magkikita na naman kami!"

"Ikaw lang naman ang makikita niya, Suraidah. Kung wala sa area si Caelan ay wala kang dapat na problemahin! Alam mo? Ang bitter mo na nang narating na dito si Crane!"

"S—Shiela, hindi mo ako naiintindihan!"

"Suraidah, alam ko. Naiintindihan ko! Actually, fed up na ako masyado sa kuwento na iyan." She sounded so upset. "Ikaw lang talaga ang nag-iisip nang ganiyan, Suraidah, habang si Crane ay wala nang pakialam sa iyo. You know what? Kapag palagi ka na lang umiiwas sa kaniya kahit na hindi mo kasama ang anak niyo ay magkakaroon siya ng hint na may tinatago ka sa kaniya!"

"Shiela, ayaw ko lang naman na—"

"Suraidah, bilisan mo na riyan. Huwag masyadong magkalkal sa bawat sulok ng utak mo, Te! Nakakabaliw iyan!"

Bumuntong-hinga na lamang siya at wala nang magawa. Baka tama si Shiela na siya lang ang nag-iisip tungkol sa bagay na iyon.

—

Ilang araw na siyang hindi makapag-isip nang maayos. Ilang beses niyang tinago ang DNA test result nila ni Caelan, at ganoon din kadaming pagkakataon niya itong kinukuha sa pinagtaguan niya upang basahin ulit.

Nakailang clinic na siya nang pinag-DNA test-an. Ganoon pa rin ang resulta. Positibo na siya ang ama ni Caelan.

Ang tanong niya ay paano?

Naagaw ng tumutunog niyang phone ang atensiyon niya. Nilapag niya sa ibabaw ng kama ang papel na ilang beses niya nang binasa ngayong araw bago sinagot ang tawag.

"B—Babe, kumusta?"

"B—Babe, I'm sorry," wika niya. "Sorry if nasigawan kita. Gusto ko lang naman na magkaroon tayo nang oras sa isa't isa nang gabing iyon."

"I'm sorry rin, Babe." Narinig niya ang sinsiridad ng boses ni Shari. "Hayaan mo at babawi ako sa iyo."

"Thank you, Babe."

"Sunduin mo ako sa condo bukas. Sa kotse mo ako sasakay at ang PA ko naman ay magpapadrive na lang sa iba."

"Saan pala ang lakad mo bukas?"

"May shoot ako. 3 hours lang ang layo mula rito. I want you to be around while I work. Pero dapat itago mo ang mukha mo, okay?"

"Why? Guwapo naman ako, ah! And the public knows about us."

"That's the point! Baka mamaya ay may makakita sa iyong iba at pagkainteresan ka pa! I won't allow it!"

"Fine! I'll try to disguise. See you tomorrow, Babe."

"Yes, Babe. See you!"

Umupo siya sa kama at ngumiti. Kahit papaano ay gumaan ang pakiramdam niya. Buti naman at nagkaayos na sila ni Shari.

Naglaho ang ngiti niya nang mapadpad sa papel ang mga titig niya.

"What if Shari finds out about C—Caelan?" Napapikit siya nang mariin. "This is not the right time to tell her that I have a son. B—Baka iwanan niya ako at tuluyang masira ang plano naming pagpapakasal."