Kabanata 40

"HA?! NAG-AWAY sila dahil sa akin, bakit?" gulat kong tanong ng sabihin ni Ate Mil na ako ang dahilan nang pag-aaway ni Kevyn at Nicko habang wala ako sa mansyon. Hindi ko maisip ang dahilan kung bakit ako ang dahilan nang pag-aaway nila. Ano'ng mayroon sa akin para pag-awayan nilang dalawa?

"Narinig lang namin na binabanggit nila ang pangalan mo habang nag-aaway. Nahirapan nga kaming awatin silang dalawa, e," ani Ate Clara.

"Sabi pa ni Sir Kevyn, na huwag ka daw paglaruan ni Sir Nicko," segunda naman ni Andrea, habang ako ay nakatulala pa rin at pilit iniintindi ang mga sinabi nila. Hindi ako makapaniwala na ako ang dahilan ng pag-aaway nila.

'Wag akong paglaruan? Iniisip pa rin ba ni Kevyn na hindi seryoso si Nicko akin at baka paglaruan lang ako nito.

Hindi ko na sila sinagot at agad akong naglakad paakyat sa second floor. Kakausapin ko si Kevyn para malinawan ako sa nangyari. Ni sa hinagap ko hindi ko inisip na ako ang pinag-awayan nila. Anong dahilan nila? Sumasakit ang ulo ko sa