Chapter 26- Please, Consider My Offer

BIGLANG napatitig si Cassandra kay Ian dahil sa sinabi ng lalaki sa kaniya. “What?” bulalas pa ng dalaga na hindi sigurado sa mga narinig.

“I said, gusto kong ikaw ang maging ina ng anak ko,” muling ulit naman nito.

Hindi siya nakasagot agad at mataman lamang itong pinakatitigan. Napakurap-kurap pa siya ng mga mata para lang makasigurado na hindi nagkakamali ang kaniyang pandinig.

“Baliw ka ba?” kapagdakan ay wala sa loob na bulalas niya kay Ian.

Nagitla pa siya nang biglang tumawa nang malakas ang binata na tila naaliw sa kaniya. “Yeah, I thought so too,” nakangising tugon nito. 

Nagsalubong naman ang kilay ni Cassandra. “Anong nakakatawa? Napaka-imposible naman talaga ng gusto mo. Ako, magiging ina ng anak mo samantalang kakasabi mo pa lang kanina na may asawa ka na. What the hell with you, pinaglalaruan mo ba ako?” 

Nakaramdam siya ng inis dito. Ang kalungkutang nadama