Chapter 39

Para akong lantang gulay nang makauwi ako sa aking apartment. Puno ako ng energy noong pumunta ako sa De Marco Group pero ngayon ay wala ng natira ni isa.

Pabagsak akong humilata sa sofa at pumikit ng mariin. Inalala ko ang mga nagyari kanina.

Ni isang detalye ng aking buhay ay walang pinalampas si Zenon. Kulang na lang ay tanungin niya kung ano ang kulay ng underwear ko.

Ang sabi niya kanina ay thirty minutes lang ang interview ngunit umabot na ng isang oras ay sige pa rin hanggang sa hindi ko namamalayan na malapit na pala ang tanghalian.

Hinalukay niya ang lahat lahat hanggang sa kadulu-duluhan ng akin ninuno. Para siyang imbestigador sa dami ng tanong niya. Para akong criminal na iniimbistigahan. Pakiramdam ko ay nahubaran niya ang buo kong pagkatao.

Hindi ko naman magawang magsinungaling kaya ang lahat ng mga sinabi ko ay pawang katotohanan. Mas mahirap na pagtagpi tagpihin ang mga impormasyon kapag magsinungaling pa ako. Mas lalong hindi ako makakapasa kapag natunugan ng lalak