Video Call

Two weeks na rin nakakalipas mula nung nag umpisa ang klase. Tapos sa loob ng dalawang linggo marami ring nangyari na hindi ko talaga inaasahan.

Lagi pa rin naman kaming magkakasama nila Finn, Lei at Hansel. May mga pagkakataon nga lang na kami lang ni Finn dahil lumalablayp na yung dalawa kaya naman mas lalong naging close kami ni Finn.

Minsan kaming dalawa lang naglalaro dahil busy na yung dalawa sa kani-kanilang lablayp. Eh ayaw naman magjowa ni Finn kasi daw sakit sa ulo. Ayaw nyang masaktan na hindi pa sya handa kaya naman naman hanggang ngayon single sya. Gaya ko.

Minsan sinasama namin sa paglalaro yung nakilala kong si Harry. Ok naman yung laro namin may times lang na sinasabi ni Finn na kaming dalawa nalang. Hindi naman nya sinasabi yung rason kaya naman hinahayaan ko nalang. Pinagbigyan ko rin yung gusto nyang duo lang kami. Dahil dun, isang linggo ko ng hindi nakakalaro ulit si Harry. Kahit chat wala. Kaya naman hindi na ko nag aksaya pa ng panahon ichat o hintayin ang chat nya.

Huli naming pag uusap, busy daw sya.

Wala naman sa akin yun dahil unang una di ko naman talaga sya kilala. Ni picture nga wala eh. Hindi rin kami nag vivideo chat kaya wala talaga kong ideya kung anong itsura nya. Isa pa sa inaalala ko baka kasi may girlfriend sya tapos nalaman na nagkakachat kami at bigla nalang akong awayin.

Mabuti nalang talaga hindi nagtagal ang pagiging chatmate at playmate namin kasi baka pag tumagal macurious pa ko sa kanya. Tapos yun ang magdadala sakin sa kapahamakan.

"Natapos mo ba yung sasagutan sa math?" tanong ni Finn.

Natutop ko bibig ko, "hala, oo nga pala may assignment. Teka, di ko pa ata nagawa."

"Akin na, tulungan na kita," inagaw nya sakin yung bag ko.

"Grabe naman to makahatak ng bag ko! Pag nasira yan palitan mo!"

"Naku, magkano lang naman to. Ilang bag ba gusto mo?" biro pa nya.

"Ilan ba kaya mong ibigay?" tapos tumatawa sya kaya naman natawa na rin ako.

"Santos, punta ka raw sa office ni Mr. Program Chair!" tawag naman ng isa naming kaklase.

Napalingon naman ako, "ha? Bakit daw?"

Nagkibit balikat sya, "malay ko! Bilisan mo na mamaya magkaklase na si Mam Paula."

Kaya tumayo naman ako. Lumingon na rin ako kay Finn para sumenyas na alis muna ko. Tapos lumabas na ko ng room. Hinanap ko muna yung office ng program chair namin. Hindi ko nga kilala yun eh. Ang alam ko lang program chair. Hindi rin kasi madalas sabihin samin na may program chair na bibisita samin.

Nang nasa harap na ko ng pintuan ng office nag inhale exhale muna ko saka binuksan ang pinto. Sinara ko na rin pagpasok ko tapos nagsalita.

"Hello po. Andito na po ako!" sabi ko.

"Ms. Santos?" tanong ng boses na pamilyar sakin.

"Yes po."

"Come here. May importante lang tayong pag uusapan!"

Nakaramdam ako ng kaba habang papalapit sa mesa nya. Tapos ng makarating dun saka ko lang nakilala kung sino ang program chair namin. Si Sir Harith pala. Umupo naman ako sa upuan na nandon.

Tapos huminto sya sa ginagawa nya at humarap sakin. Pinatong rin ang dalawang kamay nya sa mesa, "may idea ka ba kung bakit pinatawag kita?"

Malamang wala. Pupunta ba ko rito kung alam ko na kung para saan ang pagpapapunta mo sakin dito?

"Ah, bakit po ba?"

Tumikhim sya, "may kulang sa video na pinasa mo."

Nagtaka naman ako kasi ten days na ang nakakalipas saka lang nya ko sinabihan about sa pinasa kong video.

"A-ah ganon po ba. Pwede po bang magpasa ulit?" tanong ko.

"Hindi na."

Nataranta naman ako.

"Pero may tanong lang ako."

Lalong lumakas ang kaba ng dibdib ko.

"Kamusta ka naman?"

Hala si sir. Kinukumusta ko!

"Ah.. Ha? Ano po ayos lang naman po."

"Good! Okay, pwede ka ng bumalik sa classroom mo."

"Oh.. Okay po! Thank you po!"

Tumango naman sya sakin tapos nginitian ako na ikinabigla ko.

Paglabas ko ng office ang daming tanong sa isip ko. Grabe yung kaba ko kanina. Hindi ko kase malaman kung bakit need pa kong ipatawag kung yun lang pag uusapan namin.

Wala ako sa sarili ko ng makapasok sa room dahil wala kong makuhang sagit sa mga tanong na naiwan sa utak ko.

"Okay ka lang ba?" tanong ni Finn sakin na nagpabalik sa akin sa reyalidad.

"Oo ayos lang. S-sir Harith pala ang program chair naten?"

"Oo. Hindi mo alam?"

"Hindi eh."

"At least ngayon alam mo na!"

Mabilis lang ang pagtakbo ng oras kaya hindi ko namamalayan na malapit ng matapos ang araw. Nang umuwi ako sa bahay naghahanda na ng pagkain si mama. Yung kapatid ko naman busy sa pinapanuod nyang n*****x.

Pumunta ko ng kusina para magpakita kay mama na nakauwi na ko tapos may pabeso pa bago ako dumiretso ng kwarto ko para makapagpalit.

"Ate, sino yung Harry na nagchachat sayo?" nagulat naman ako sa tanong ng kapatid ko.

"Bat mo binuksan yung laptop ko?"

"Hindi ko binuksan. Nakaopen lang naman yun. Lutang ka kasi lagi kaya di mo napansin na naiwan mong bukas yung laptop mo," paliwanag nya.

"Anak, sino nga ba yang Harry na yan? Parang tumatawag kasi kanina. Kumuha kasi ko ng labahan mo nakita kong may tumatawag. Wala ring picture. Ikaw ha, baka nagpapauto ka kung kanino," sabi naman ni mama.

"Mama, Dori.. Pwede ba wag na kayo pumasok sa room ko sa susunod? Pwede namang ako nalang maglabas ng mga damit ko, mama!" paki usap ko na medyo naiiyak.

"May nanliligaw na ba sayo anak? Wag ka mahiya magsabi," hirit pa ni mama.

"Ma, wala naman akong manliligaw. Pwede ba change topic!"

Tinawanan lang ako ng dalawa.

Nakahiga na ko at wala kong balak maglaro ngayon. Dami ko kasing iniisip na tanong. Tama nga sila mama, may tumatawag kanina. Si Harry yun. Isang linggo rin syang hindi nagparamdam tapos biglang tatawag.

Nakareceive naman ako ng chat galing rin sa kanya.

Kamusta araw mo ngayon? Maglalaro ka ba?

Namiss ba nya ko?

Kaya nagtype ako.

Medyo stress lang.. May kaylangan kasi kong tapusin.

Tapos nagreply sya.

Pwede bang tumawag? Video call lang!

Wala sa sarili kong sumang ayon ako kaya nagulat ako ng magring ang phone ko. Tapos sinagot ko rin naman agad.

"Naging busy ako ng buong linggo. Sorry kung di na ko nakakapagchat ah," sabi nya.

"Bat ka nagpapaliwanag? Hindi naman kaylangan yun eh!" sabi ko naman.

"Kasi akala ko nagalit ka."

Natawa naman ako, "bakit naman ako magagalit? Saka hindi naman tayo para mag update ka sakin," tapos tumawa ako.

"Kaylangan bang may label para mag update?"

Napaisip na naman tuloy ako.

"Pwes, pwede ka bang ligawan?"

Di ko alam ang ireresponse ko dahil ang alam ko baka pinagtitripan nya lang ako.

"Dati ka bang baliw? Nung una mukhang may aircon ka pa sa utak ngayon parang bagyo na eh. Nagbreak ba kayo ng jowa mo?" natatawa kong sabi.

"Hindi naman ako dating baliw. Pero ngayon pwedeng mabaliw sayo. Papayag ka ba? At saka anong jowa, single to no! Swerte mo nga pag pumayag kang maging tayo eh! Ikaw ang una!" ayan na naman sya.

"Pano kita papaniwalaan kung pati picture nga sa f******k account mo hindi mo malagay!"

"Let me prove it to you! Wait mo ko bukas!"

Nanlaki mga mata ko,  "ha? San kita hihintayin?"

Tapos bigla nya kong pinatayan ng tawag. Hindi rin naman sya nagchat. Umiling iling nalang ako.

Napaka weirdo!

Pero bat iba yung pakiramdam ko habang kausap ka?