30 Julie

WALA NA SI Roma sa tabi ko pagkagising ko. I was already wearing an oversized plain shirt also. Wala pa rin akong pang-ibaba, but my thighs were fully and carefully covered with the duvet. Natitiyak kong si Roma ang may gawa nito. Marahil ay nag-aalala siyang baka mahuli kami ng pamilya ko sa naging ayos namin kagabi kaya binihisan na niya ako habang tulog pa ako saka kinumutan nang maayos.

Pansin kong wala na rin ang kambal sa kuna nila kaya tumayo na ako at lumapit sa may kabinet para kumuha ng salawal at ekstrang pajama. Sinuklay ko rin saglit ang magulong buhok ko gamit ang mga daliri ko. Pagkatapos ay niligpit at inayos ko muna ang kama namin bago ako tuluyang lumabas ng kwarto.

Gising na ako pero lumilipad pa rin iyong isip ko sa nangyari sa amin ni Roma kagabi. We had sex before but that was part of the setup we agreed on. Ang nangyari sa amin kahapon ay labas doon at lalo nang walang kinalaman doon. Sabik na sabi