Chapter 14- Worth The Wait

Kahit Hindi Na Ako

#KHNA

LovieNot

Nakahinga ako ng maluwag nang makalapat ang likuran ko sa kama ng sarili kong kwarto. Sa wakas ay nasa unit ko na ulit ako. Dalawang araw din akong namalagi sa unit ni Zeiroh at kanina nga ay nagulat na lang ako nang kausapin niya ako na maayos na ulit itong unit ko.

Bumangon na ako at pumasok sa shower room para maligo. Nagbihis at nag-ayos na rin naman agad dahil gusto ko pa munang dumaan sa La Conchita CS eh. Namiss ko ring tumambay doon.

Tahimik na lumabas ako ng building. Siguro nga ay totoong hiwalay na talaga si Zeiroh at Marie dahil sa hindi ko naman na nakikita ang babae na napapadalaw dito.

Napailing na lang ako at sumakay na ng kotse. Pinaharurot ko na iyon papuntang CS. Pagkarating ko ay agad akong pumanhik sa loob.

"Uy, 'day! It's nice to see you here!" Agad naman akong napalingon sa pinanggalingan ng matinis na boses iyon. Napakurap-kurap pa muna ako.

"Vernitt? Is that you?" masiglang usal ko. Classmate at naging barkada ko rin ito