54 - Gallery

54

“Senyorita, nakahanda na po ang dinner niyo. Hinihintay na po kayo ni Don Alvarez at Sir Ivo sa baba,” rinig kong tawag ng isang kasambahay sa labas ng kwarto ko.

“Senyorita, baba na raw po kayo!”

Hindi ako tumayo sa pagkakahiga kahit na ilang beses na silang kumatok sa kwarto ko dahil kakain na raw. Kakain? Nagpapatawa ba si lolo? Sa tingin ba niya makakakain pa ako pagkatapos ng mga sinabi niya?

Nakaharap lang sa’kin ang laptop ko habang magka video call pa rin kami ni Yrony. Mukhang narinig iyon ni Yrony kaya tinignan niya ako. Hindi na ako tulad kanina na umiiyak. Sinabi ko lahat sa kanya ang sinabi ni lolo. Naglabas ako ng sama ng loob sa kanya at hindi ko alam kung bakit sa pagsasabi ko sa kanya ng lahat ng iyon ay gumaan ang pakiramdam ko.

Sinabi ko sa kanya kung gaano ako nasaktan sa mga sinabi niya tungkol sa taong nagparamdam sa’kin ng tunay na pagmamahal ng isang pamilya. Hindi ba niya naisip na kung hindi dahil kay papa ay baka patay na ako ngayon? Hindi ko alam kung an