CHAPTER NINE

Panay ang punas ni Cassey sa kanyang mga luha na walang humpay sa pagpatak habang nakikinig sa mga kuwento sa kanya ng kanyang Ate Cassidy. Ikinukuwento lang naman nito kung paano ito nakaligtas nang tumaob ang bangkang sinasakyan nila noon. Kung paano ang naging buhay nito sa piling ng adopted parents. At siyempre'y kung paano ito naging isang sikat at magaling na artista sa kabila ng batang edad nito.

Ayon sa kuwento ng kanyang nito ay inanod ito ng malakas na alon hanggang sa nakakapit ito sa isang putol na troso. Nagpalutang-lutang daw ito sa dagat ng dalawang araw  bago hinampas ng malakas na alon na nagdala naman dito patungo sa dalampasigan ng isang private beach resort sa Mindoro. Doon na ito natagpuan ng mga taong umampon dito na siyang may-ari ng resort.

Inalagaan daw ito ng mabuti at itinuring na tunay na anak ng mga Arevalo. Pero bigla raw nag-iba ang trato rito ng adopted mother nito. Pinilit ni