14 - Her Rival

“She looks exhausted. Ano ba kasing ginawa n’yo kagabi at mukhang pagod na pagod si Amelia, huh?” tanong ni Daniel nang makitang mahimbing ang tulog ni Amelia sa swivel chair ni Kraner.

“G*go!” iritabling saad ni Kraner bago kunin ang hawak na plastic ng kaibigan na naglalaman ng lunch nilang dalawa ni Amelia. Hindi na s’ya nakalabas kanina para kumain kaya naman nagpabili na lang s’ya sa mga kaibigan n’ya.

Itinulak n’ya palabas ng opisina n’ya si Daniel bago ito sarhan ng pinto.

Bumaling s’ya kay Amelia na mahimbing pa rin ang tulog. Matapos nitong umiyak kanina sa balikat n’ya ay nakatulog din ito kaagad. Hindi na s’ya nagtanong pa kung anong problema nito at hinayaan na lang itong umiyak.

Kilala ng lahat si Amelia bilang matapang at palaban na babae. Kahit matalas ang dila nito ay may paninindigan naman ito sa mga salitang binibitawan n’ya. Wala s’yang pakialam sa opinyon sa kanya ng ibang tao. Wala s’yang pakialam kung minamata na s’ya ng iba, basta tatayo s’ya’t isasampal sa