Chapter 22: Make A Move

Dalawang Linggo na ang nakararaan simula nang tagpong iyon. Medyo naging malayo ang loob namin ni Cosimo dahil siya na rin ang umiiwas. Pabor na rin naman sakin iyon dahil hindi na niya ako pinapakialaman. Uuwi ako kung kailan ko gusto at gigising kung kailan ko rin gusto. Para lang akong tenant sa bahay niya. Hindi kami nagkakasabay kumain dahil late na ako minsan umuwi sa gabi. Sa umaga, nakaalis na siya bago pa ako magising. May mga pagkakataon naman na naaabutan niya ako sa sala, nanonood ng TV, pag-uwi niya galing sa trabaho.

Tuwing umaga, lagi kaming magkasama ni Lucas. Pinapapunta niya ako sa office niya para ituro ang mga basic information sa cruise line. Paraan na rin niya iyon para hindi magtakha ang mga Melgarejo sa career ko. Kung palagi akong nasa bahay, nasaan ang patunay na nagtatrabaho ako sa kumpanya ni Lucas?

"Chef, si Cosimo?" Bumaba na ako sa kusina pagkagising ko sa umaga. 

Maaga akong nag