Chapter 34: Who's Simon?

Balak ko na sanang matulog nang biglang kumatok sa kwarto ko si tito Luciano. Wala na akong nagawa kundi ang makisalo sa hapagkainan. Mapupungay ang mga mata niya, bagsak ang balikat at maitim ang ilalim ng mata.

“Tito, may sakit po ba kayo?” Tanong ko, nagpatuloy lang siya sa pagkain.

Hindi ko alam kung anong problema niya pero sana naman sabihin niya sa'kin para matulungan ko siya. Nawawala na ang asawa niya ngayon naman si Rowan. Sa laki ng galit nila sa'kin baka ako pa ang mapagbintangan.

“Nasaan si Rowan, Helena?” Tanong ni tito Luciano, tapos na siyang kumain. Kasabay namin kumain sina Selena, Celine at Simon.

Sa paraan palang ng pananalita niya parang pinagdududahan na niya ako. Ayaw kong mag-isip ng kung ano-ano dahil kanina pa masakit ang ulo ko.

“Hindi ko po alam tito.” Tipid na sagot ko, hindi ko na tinapos ang kinakain ko dahil wala talaga akong gana kumain. Nilagyan ni Simon ng tubig ang baso ko. “Kanina ko pa rin po siya h