Kabanata 8

Mama:

Prem gabi na ako makakauwi ha? Ikaw na muna bahala sa mga kapatid mo, hahanap muna ako ng mapaghihiraman ng pera, due date na kasi ng kuryente natin.

Napahilot ako sa sentido ko sa text na natanggap galing kay mama. Naglalakad na din kasi ako papuntang Robinsons ng makauwi na pero napagdesisyonan ko na pumunta nalang ng city, maghahanap ako ng trabaho. Kailangan ko ng kumilos, bahala na kung magkanda leche leche na ang schedule ko, kahit part time job lang papatusin ko na.

Dumiretso pa din ako sa Rob, ‘dun ako sa pedestrian nila tatawid saka sasakay ng jeep papuntang city. Magbabakasali lang ako. Nang makasakay na, kinuha ko na muna ang pamasahe ko sa bag saka ang phone ko para tignan kung anong oras na, 6:30 na din pala, matagal pala natapos ang practice namin kanina.

Bumaba ako sa Jollibee sa Aguinaldo Street, ang gilid kasi ‘nun ay mga boutique, susubuka