KABANATA 16.2

ANYA

Naging maayos ang practice game ng soccer team kahapon, wala naman kaming na-encounter na gulo ni Sue mula kay Gellan. Hindi ko nga lang maitatanggi na sobrang sama ng aura n’ya kahapon, feeling ko nga kung pinatulan ko pa ang mga matalim n’yang tingin during the soccer game sisipain n’ya ulit ang bola papunta sa mukha ko.

Napapaisip tuloy ako kung anong binabalak ni Gellan ngayong araw against sa akin, sa ilang araw na magkaaway kami alam kong nangangati na siyang gumanti. Pero bago ko siya problemahin uunahin ko muna ang pagbisita ko ngayon kila Mama at Papa.

Halos ilang minuto na rin kaming nasa biyahe ni Sue patungo sa Cavite Divisional Jail kung saan nakakulong ang mga magulang ko, maaga pa naman kaya hindi kami mahuhuli sa klase. At kahit hindi pa visiting hours ngayon dahil maaga pa maaari na kaming bumisita ni Sue dahil kinausap na ni Von ang namamahal sa kulungan.

“Hindi ba natin sasabihin sa kanila ang tungkol sa mission at NCC?” tanong ni Sue. Abala siya sa pagmamaneho