Chapter 11- Malate Bar

"Ano ba yan?! Bakit ngayon pa? Napakatrapik pa tapos ang lakas ng ulan," mahinang usal ni Safira sa kanyang sarili habang nakasakay siya sa isang taxi pauwi sa condo na tinutuluyan niya. Nakatanaw lang siya sa labasan mula sa loob ng taxi. Sobrang trapik at sinabayan pa ng malakas na buhos ng ulan dahil sa kasalukuyang bagyo.

"Ahhh Ma'am, mukhang matatagalan pa tayo rito sa mahabang trapik na ito. Palagay ko ay may nangyari pang banggaan diyan banda sa unahan ng sasakyan natin. Nagcacause tuloy ng matinding trapik ngayon sa dinadaan natin," biglang saad ng driver na nasa unahan niya. Tahimik lang si Safira na nakaupo sa likurang bahagi nito habang mataimtiman pa ring naglalakbay ang kanyang paningin sa kabuuan ng mga nakahintong sasakyan sa gitna ng kalsada.

Nakasuot na ito ng mahabang palda, hanging shirt na kulay brown na malaki at nakapusod na kulay itim nitong buhok sabayan pa ng malaki at makapal na salamin na suot suot nito sa kanyang mukha. Nagbalik na naman ang dati niyang to