Chapter 21- Sabwatan

Parang kinukutuban na ng hindi maganda si kuya Kiko sa pulis na kasama nila at sa dalawang estrangherong lalaki na naabutan nila na lumabas mula sa bahay nila Marietta.

Habang papasok na silang lahat sa nasabing bahay ay mabilisan niyang hinawakan ang kanang kamay ni Marietta saka niya tinitigan ito ng mahiwaga. Hinayaan muna niyang maunang makapasok sa loob ang tatlo bago sila sumunod na dalawa sa pagpasok.

Habang nangyayari iyon ay dumaan sa harapan ng bahay ang tatlong mga lalaki na barkada nila kuya Kiko at Berdugo sabay bati nila kay kuya Kiko sa pamamagitan ng patawag nito ng malakas sa kinaroroonan nila.

"Hala pare magandang gabi sa inyo! Sinusundo mo na ba si pareng Berdugo?" sigaw ng malakas ng isa sa tatlong lalaki. Dahil sa pagtawag na iyon ay biglang napahinto sina kuya Kiko at Marietta sa pagpasok sa loob saka napalingon sa pwesto nila.

"Hala mga kumpanyero kayo pala! Hala dali! Sama kayo rito sa loob! Dali na pasok na rin kayo!" sigaw na pagyaya ni kuya Kiko sa kani