KABANATA 2

Tahimik lang ako nang makarating kami sa resto na nireserve nila para sa amin. Si Mommy, parang hindi maubusan ng sasabihin. Kung anu-ano na ang kinukwento niya.

Pagdating ng order, tahimik lang din akong kumain. Wala akong energy para makipag-usap sa kanila. Uuwi ako pagkatapos kong kumain. Bahala sila kung gusto nilang magstay dito.

Habang abala ako sa pagkain, nakatanggap ako ng mensahe mula kay Ayc, isa sa mga kaklase ko.

"Sa Pinas ka na, 'di ba?" text niya. Agad akong nagreply with a yes. "Reunion bukas, kasama si Sir Knoxx. Sama ka?"

Natigilan ako at napatingin kay Knoxx na masayang nakikipag-usap kay Mommy. Napansin niya yatang nakatingin ako kaya bumaling siya sa akin, pati si Mommy napatingin.

"What's wrong, anak?" maarteng tanong ni Mommy. "May problema ba?"

Tumagal ang titig ko kay Knoxx bago inilipat ang tingin sa aking phone nang tumunog 'yon, si Ayc, tumatawag.

"Reunion namin sa school, sagutin ko lang 'to sa labas," I excused myself. Hindi ko na hinintay ang sagot nila at lumabas ng resto.

"Anong oras ang reunion, Ayc?" tanong ko agad pagkasagot ko sa tawag.

"9AM, sa gym sa school ang assembly tapos nagpareserve raw si Professor Knoxx ng resort to party. Sasama ka naman, 'di ba?" tila hindi siguradong tanong niya.

"Oo, sasama ako," bagot kong sagot. "Nasaan ka ngayon, mag-usap tayo."

Si Ayc ang pinagkakatiwalaan kong kaibigan simula college at alam niya tungkol sa nangyari sa amin ni Knoxx noon, pati sa anak namin, pero 'yong tungkol kay Mommy at Knoxx, hindi.

"Favorite place to chika," aniya. "I'm alone kaya wag kang mag-aalala. Pumunta ka na rito."

"Sige, papunta na ako." Binaba ko ang tawag at bumalik sa loob para magpaalam kay Mommy.

"May pupuntahan ako, Mommy," sabi ko at kinuha ang aking bag. "Save the story. Baka gabi na ako makauwi."

"Saan ka pupunta?" Nanliliit ang mga mata niyang tanong.

"To meet college friends." Tumingin ako sandali kay Knoxx na walang pakialam sa pinag-uusapan namin. "Pag-uusapan namin 'yong tungkol sa reunion. May mabait kasi kaming professor na nagbook ng resort para sa party kaya dapat bongga ang susuotin naming bikinis and for sure maraming pogi roon, baka doon ako makabingwit."

Nakita ko kung paano natigilan si Knoxx. Humigpit ang pagkakahawak niya sa tinidor na para bang babaluktot na 'yon.

Ngumisi ako. Ganyan nga, Knoxx, ma-pressure ka! Mali ka ng pinasok na pamilya! Maghiwalay na kayo!

Tumawa ng mahina si Mommy. "Sure, anak. Akala ko naman kasi kung ano. Umuwi ka sa gabi ha?"

"Yes, Mommy," tugon ko at humalik sa pisngi niya.

Bumaling ako kay Knoxx na nakatingin na sa akin ngayon, at hindi ko pinalagpas, hinalikan ko rin siya sa pisngi, malapit sa gilid ng kanyang labi. "Alis na po ako, Daddy."

Uminom muna ako ng tubig bago kumaway sa kanila na may ngiti sa labi saka tumalikod.

Paglabas ko ng resto, pinagmumurá ko ang sarili ko dahil sa ginawa ko. Napahawak ako sa dibdib ko sa sobrang bilis ng tib0k ng puso ko saka pinaypayan ang mukha sa init niyon.

"God," hingal kong sabi, ngunit bago pa man ako makapara ng taxi, nanigas ako nang may humawak sa aking siko.

Napalingon ako agad sa gulat. "K-Knoxx? Anong ginagawa—"

"Here." Inilahad niya ang card, platinum card sa akin. Nanlamig ako nang ipahawak niya sa akin 'yon sabay pisil sa kamay ko. Sunod-sunod ang paglunok ko habang nakatitig siya sa mga mata ko. Pakiramdam ko maririnig niya ang bilis ng tib0k ng puso ko. "Waldasin niyo ng mga kaibigan mo."

"May pera ako—"

"Use it, Kath," madiing sabi niya. "Gamitin mo hanggang sa magsawa ka."

"I said—"

Napigil ko ang hininga nang ilapit niya ang mukha sa akin, malapit sa tenga ko. "Use it, darling, I know you love shopping."

Natuptop ko ang labi ko, at napatulala nang halikan niya ako... sa mismong labi ko. "Enjoy, darling."

And even the way he caressed my hand before leaving, it was electrifying. Sa ilang minuto na 'yon, nakalimutan kong huminga habang nakasunod ang tingin ko sa papalayo niyang pigura.

He knew how to play, damn it! Nakabawi siya agad!

Mabilis akong pumara ng taxi at pumunta agad sa kaibigan ko. Pagdating doon, nag-order kami at kinuwento sa kanya lahat.

"Teka lang, Kath, teka!" Pigil niya sa akin, tila hindi maproseso ang kwento ko sa kanya. "Si Knoxx talaga? Like iyong college professor natin mismo? Ang boyfriend ng Nanay mo?! Eh hindi ba may anak kayo?" Napataas ang boses niya kaya agad kong tinakpan ang bibig niya.

"Sssh," saway ko. "Hinaan mo ang boses mo. Paano kung may makarinig sa'yo? Oo nga, gusto mo pumunta ka pa sa bahay para makita mo," sabi ko, para naman maniwala siya.

Tila na-excite siya sa sinabi ko at napaayos ng upo. "Talaga? Sige, doon ako matutulog sa inyo. Kailangan may ebidensya. Pero alam ba ng Mommy mo? Na college professor natin siya?"

"Siguro? Hindi naman 'yon nagtatanong, ewan ko lang kung sinabi ni Knoxx kay Mommy." Nagkibit-balikat na lang ako at sumimsim ng kape.

"Grabe naman iyong plot twist ng buhay mo, 'teh. Tapos ano nga ulit 'yong sa part na nakaka-fling mo iyong anak niya?"

"Ah, si Tristan? Oo, sa London," kaswal kong sagot at napangiwi nang hampasin niya ako sa braso. "Bakit ba? Iyong lalaki ang lapit nang lapit eh. Anong gagawin ko?"

Natawa siya ng mahina. "Napakaharot mo talaga. Pero gwapo?"

"Oo naman," pilyong sagot ko.

"Naka-sèx mo?" kuryosong tanong niya.

Pinanliitan ko siya ng mata. "Gaga, hindi! Takot na akong mabuntis."

"May proteksyon naman eh."

"Wala akong tiwala sa proteksyon proteksyon na 'yan. Hanggang kiss lang kami saka busy ako sa trabaho ko doon at sa anak ko," agap ko.

Saka mukhang di naman talaga 'yon anak ni Knoxx. Anak-anakan lang?

"Eh, anong plano mo ngayon?" tanong niya.

Tinaasan ko siya ng kilay. "Plano? Saan?"

"Sasabihin mo ba kay Knoxx na may anak na kayo? O talagang ililihim mo?" Natahimik ako sa tanong niya. "Hindi habangbuhay kaya mong itago sa kanya. Anak niya 'yon."

"Hindi nga niya nalaman noon, ngayon pa kaya?"

"Sigurado ka ba na hindi niya alam?"

"Unless sinabi mo sa kanya," patuloy ko. "Kukulamin talaga kita."

"Baliw, bakit ko sasabihin sa kanya? Parang ano naman 'to." Inirapan niya ako at humalukipkip na sumandal sa upuan. "Excited na akong makita si Sir."

Ngumisi ako. "Plano ko ngang landiin para hindi matuloy ang kasal nila ni Mommy."

"Ay bet ko 'yan, teh! Go mo na! Lahian mo ulit!" Sabay kaming natawa nang malakas sa sinabi niya. "Pero nakakamiss mga pa-oral recitation ni Sir. Swerte mo girl."

Hilaw akong ngumiti. "Ha! Swerte? Ako lagi ang tinatawag niya sa oral! Ano ka!"

"Kasi nga favorite ka niya, kaya ka nga inanakan eh!" Humalakhak siya.

"Baliw!"

Pag-uwi namin sa bahay, nadatnan namin si Knoxx na nasa sala, wala si Mommy, siguro tulog na kasi past 10pm na, dumaan pa kasi kami sa bar tapos mall para magshopping. Talagang nagwaldas kami gamit ang card ni Knoxx.

"Good evening... Sir Knoxx?" Napairap ako sa paraan ng pagabatî ni Ayc kay Knoxx.

Wala na kami sa college, nagsi-Sir pa rin!

Ibinaba ni Knoxx ang librong binabasa at tumingin sa gawi namin. Pagkahubád ko ng sapatos, dumiretso ako sa sofa, katapat niya.

"Break up with my Mommy," walang paligoy-ligoy kong bungad kay Knoxx at inihagis sa kanya ang card na mabilis niyang nasalo gamit ang kanyang mga daliri. "I don't want you to be my stepfather."