KABANATA 4

SA CLUB...

"Okey girls, mag-ready na kayo," maarteng wika ni Perlas, ang baklang katiwala ni Mr. Choi sa bar na iyon. Nakatayo ito sa malapit sa pintuan habang mabilis na pumapaypay at pinagmamasdan ang mga babaeng nag-aayos ng kani-kanilang mga sarili sa tapat ng malalaking salamin.

"Oh, Magda, ano pang ginagawa mo diyan nagsimula na ang tugtog, umayos ka ha! Kung ayaw mong makatikim na naman," singhal ni Perlas kay Rose habang nakaturo ang daliri nito sa p***o. Agad namang tumalima ang dalaga pero tinitigan niya muna nang matalim si Perlas sa pamamagitan ng repleksyon sa salamin bago umakyat sa entablado.

Muli na naman niyang suot ang kapirasong telang tumatakip sa maseselang bahagi ng kanyang katawan. Pikit-matang humarap sa mga kalalakihang nanonood, lahat ay uhaw na uhaw sa laman. Nakatutok sa kanya ang makukulay at patay-sinding ilaw habang naririnig ang malalakas na hihiyawan ng mga taong naroon sa loob ng madilim na club. Muling dumaloy ang mainit na likido sa kanyang pisngi habang sinasabayan ng kanyang katawan ang mapang-akit na musika.

"Sige igiling mo pa!" sigaw ng isang nanonood sa kanyang pagsasayaw habang itinataas ang hawak na baso.

"Tanggalin mo na yan!" sigaw rin ng isa pa mula sa unahan. Ngunit tila wala siyang naririnig. Patuloy ang pag-indayog ng katawan kasama ang malamig na posteng bakal sa gitna ng entablado na ginagawa niyang kapitan upang hindi siya mabuwal sa matinding pagkahilo at pagod.

Tila bingi na siya sa mga hiyawan. Pinilit niyang huwag marinig ang mga nakakarinding tawa ng mga uhaw sa laman. Agad niyang nilisan ang entablado pagkatapos ng tugtog na iyon nang hindi man lang sumusulyap sa mga kalalakihan sa ibaba.

Tinungo ang kwarto at agad niyang tinakpan ang kabuoan gamit ang kumot habang nakatagilid sa kama. Mahigit isang taon na niya ginagawa iyon ngunit tila ba hindi pa rin siya nasasanay sa sakit, pait, at kapaguran na nararamdaman sa tuwing sumasayaw sa tapat ng napakaraming tao.

"Sana huwag na muling sumapit ang dilim." usal niya habang dumadaloy ang saganang luha sa kanyang mga mata patungo sa unan.

"NASAAN na si Magda? Naghihintay na ang costumer niya!" Tinig iyon ni Perlas mula sa labas ng silid. Batid niyang galit na naman ito base sa tono ng boses at sa pabalagbag na paglakad nito sa hallway. Kaagad siyang nagkunwaring nag-aayos ng make up sa harap ng salamin dahil alam niyang papasukin siya roon ng bakla. At kagaya nga ng inaasahan ay pumasok nga si Perlas sa kwarto.

"Ano ba, Magda? Hindi ka pa ba tapos diyan? Naiinip na si Mr. Corpuz!" mataray na sabi ni Perlas habang kinakalampag p***o.

"O-opo, lalabas na ako." Dali-daling lumabas si Rose Marie upang hindi na siya mapag-initan pa ni Perlas. Paano ba naman kasi, araw-araw na lang na mainit ang ulo ng bakla, at madalas siya ang napagbubuntunan ng galit kapag may hindi magandang nangyari sa negosyo.

Inaasahan na niya iyon dahil sa tuwing pagkatapos niyang sumayaw ay agad na ipinapatawag siya. Isa siya kasi sa mga binabalikan ng mga mayayamang costumer ng club na iyon na si Mr. Corpuz.

Tipid ang ngiti sa mga labi ni Rose Marie nang humarap si Mr. Corpuz. Walang salitang namagitan sa kaniyang dalawa. Katulad ng dati. Hindi rin nakikipag-usap ang dalaga sa sinumang gumagamit sa kanyang katawan dahil para sa kanya, mas madaling tiisin ang gabi kapag walang usapan o emosyong nabubuo.

Hindi pa naman gaanong matanda si Mr. Corpuz, nasa apatnapu at isa ang kanyang edad, hindi kagaya ng iba na at bastos makipag-usap. Sa katunayan, si Mr. Corpuz ang palaging bumabalik-balik sa kanya sa mga nakaraang buwan.

Naging madalas si Mr. Corpuz sa sikretong club na iyon simula nang makita niya si Magda na nagsasayaw sa entablado, tatlong buwan na rin ang nakakalipas simula nang gabing una nilang pagniniig. At simula noon ay halos tatlo hanggang apat na beses sa loob ng isang linggo ay naroon siya para kay Magda.

Hinawakan ni Mr. Corpuz ang kamay ng dalaga at iginiya sa isang pribadong silid na may malamlam na ilaw.

Katulad ng dati, hinahayaan lang ni Rose Marie na gawin ni Mr. Corpuz ang nais niyang gawin sa kanyang katawan hanggang sa mapagod o magsawa siya.

"Thank you, " ani Mr. Corpuz kinintalan ng halik si Rose Marie sa noo. Sa lahat ng costumer ng dalaga ay si Mr. Corpuz lamang ang gumagawa ng gan'on sa kanya. Kadalasan kasi, basta-basta na lamang siya iniiwan ng mga ibang parokyano pagkatapos siyang gamitin at bihisan ang sarili.

Pagkatapos makapagbihis ni Mr. Corpuz ay isang sobre ang iniwan niya sa kama.

Hindi na nagtagal si Rose sa kwartong iyon. Pagkatapos niyang makapagbihis ay kaagad siyang lumabas ngunit sa pintuan ay nag-aabang si Rodel. Nakakaloko ang ngisi nito sa kanya habang nakasandal sa pader, ngunit binalewala na lamang niya iyon at naglakad siya nang tuloy-tuloy ngunit pinigilan siya ni Rodel at hinarangan ang kanyang daan.

"Akin na," sabay lahad niya ng palad. Inilagay naman ni Rose Marie ang sobre sa kanyang kamay at kaagad niyang iniwan ang lalaki.

"Hoy Rodel, akin na yan, " agaw ni Perlas sa sobre habang mabilis na lumalapit mula sa dulo ng hallway. "Sigurado kang walang bawas to ha, kung hindi wala kang ipapadala sa magulang mo." dugtong pa ni Perlas na bumaling kay Rose.

"Ikaw naman Rodel, asikasuhin mo ang costumer mo," utos ni Perlas habang nakatingin nang matalim sa lalaki. "Baka kung ano pang binabalak mo diyan." dugtong pa niya.

"Sa susunod ako naman," sigaw ni Rodel sa papalayong dalaga mula sa kaniyang kinatatayuan sabay tawa nang nakapangingilabot.

"MAGDA, come here, may costumer ka ulit, naku very good ka tonight, you're so lucky! At dahil diyan may bonus kang maidagdag na ipadala sa pamilya mo!" maarteng wika ni Perlas nang dumating si Rose Marie sa mesa nito.

"Malas! Gusto ko nang magpahinga eh, hindi pa ba sapat ang bayad ni Mr. Corpuz?!" sigaw ng isip ni Rose Marie pero hindi niya iyon ipinahalata kay Perlas dahil tila ba maganda ang mood nito ngayon at ayaw niyang makipag-away pa.

Nais niyang tumanggi ngunit alam niyang masasaktan lamang siya kapag hindi siya sumunod. Walang imik niyang sinundan si Perlas upang dalhin siya sa kanyang panibagong costumer.

Isang Tsino ang nadatnan nila sa isang private room. "Hello, dear." pukaw ni Perlas sa lalaki pagkapasok nila sa silid.

Paglingon ng lalaki ay kaagad na napukaw ng kanyang pansin si Rose Marie na nasa likod lamang ni Perlas.

Habang nagpapaliwanag si Perlas sa mga kailangang malaman ng bagong costumer ay hindi maalis ang malagkit na tingin nito kay Rose mula sa kanyang kinatatayuan.

Disente itong tignan mula ulo hanggang paa, tila isang mayamang negosyante na may kakayahang magbayad nang malaki. Ngunit napaatras si Rose Marie dahil sa hindi maipaliwanag na kaba lalo na nang tumayo ang lalaki at hinapit siya sa kanyang baywang.

Gusto niyang umayaw o humingi ng saklolo ngunit kanino. Panay ang kausap ng Tsino kay Rose Marie ngunit tanging tango lamang ang tugon ng dalaga dahil sa matinding kaba at pag-aalinlangan na nararamdaman sa kanyang dibdib.

Sa isang pinakasulok na silid ang napili ng lalaki na dalhin si Rose Marie. Sa dalawang taon niya na nakakulong sa club na iyon ay noon lamang siya nakapasok sa kwartong iyon. Huminga nang malalim ang dalaga upang maibsan ang hindi maipaliwanag na kaba.

Malamlam ang silid na kanilang pinasukan. Halatang pang-VIP ang kwartong iyon dahil sa ganda at linis ng mga kagamitan sa loob kumpara sa mga ordinaryong kwarto sa ibaba.

"Take your seat, Lady Magda." anang Tsino habang itinuturo ang gilid ng malaking kama. Naupo naman sa gilid ng kama si Rose habang nakatungo at nanginginig ang kaniyang mga kamay.

"Ngayon lang ako naka-encounter ng ganito ka-maginoong manyak!" naisaisip ni Rose habang pinagmamasdan ang bawat kilos at galaw ng lalaki.

Mahinahon ang bawat kilos ng lalaki. Maamo din ang mukha nito at kung iisipin ay hindi siya nababagay sa isang lugar na kanilang kinalalagyan ngayon. Binuksan nito stereo na nasa malapit sa pintuan pagkatapos ay kinuha niya ang wine sa side table at nagsalin sa dalawang baso.

Maya-maya pa ay nagtanggal na ng polo at pantalon ang lalaki habang tahimik lang si Rose na nakaupo sa gilid ng kama.

Si Rose Marie naman ay tinungo ang banyo at nag-shower. Hinayaan niyang bumuhos ang malamig na tubig sa kanyang buong katawan habang nakatitig sa pader. Hindi mawala-wala sa kanyang isipan ang kabang nararamdaman kahit na kita sa ikinikilos ng lalaki ay mahinahon naman at hindi katulad ng iba na agresibo agad.

Paglabas ni Rose Marie sa banyo ay nadatnan niya ang lalaking tanging boxer shorts na lamang ang suot at nakasandal sa headboard ng kama. Pumapailanlang din ang isang malamyos na musika sa buong silid.

"Now, dance for me." utos nito habang itinuturo ang gitna ng kwarto. Sumunod lang si Rose at dahan-dahang gumalaw sa harap nito. Relax na relax ang Tsino habang pinapanood siya habang hawak ang kaniyang baso.

Maya-maya pa'y lumapit ito sa kanya at pinasimsim siya ng wine. Matapang ito hindi katulad ng ordinaryong alak na palagi niyang natitikman sa bar. Alam niyang mahal ang alak na iyon dahil sa lasa pa lamang ay may ibang pakiramdam kapag dumaan na iyon sa lalamunan.

Hinayaan na lamang ng dalaga ang mga sumunod na kilos ng lalaki habang dahan-dahan siya nitong itinutulak sa kama. Nagsawa ito sa kanyang katawan.

"Satisfy me." Bulong ng lalaki bago tuluyang binalot ng matinding dilim at pagkahilo ang isip ni Rose Marie.