KABANATA 1

SA ISANG maingay at may kadilimang bulwagan ay pumapailanlang ang isang maharot na musika na sinasabayan ng mapang-akit na sayaw sa isang babaeng halos wala na'ng saplot sa katawan. Nakatutok sa kanya ang patay-sinding makukulay na kaya kitang-kita ang katawan nito na siya namang pinagpipiyestahan ng mga kalalakihang hayok sa laman.

"Sige, igiling mo pa!" sigaw ng isang lalaking may hawak na bote ng beer at hindi na halos makatayo ng dahil sa kalasingan. Nagtawanan naman ang iba pang mga kalalakihan na naroon.

Samantala, sa isang sulok ng bulwagang iyon ay naroon ang isang dalaga na nagngangalang Rose Marie o mas kilala sa pangalang Magda.

Bawat isang babaeng bayaran sa lugar na iyon ay may kanya-kanyang alyas, at isa si Rose Marie mga iyon.

Halata ang matinding pagnanasa ang kaharap nito sa kanyang inuukupahang mesa. At kahit na ipagtabuyan pa ito ni Magda ay wala siyang magawa.

Sinaid ng lalaki nang isalin nito ang natitirang alak sa kopita na hawak ni Magda. Nakalimang bote na sila at halos ang dalaga lang ang nakaubos dahil nais talaga siyang malasing ng katrabahong si Rodel.

Napangisi si Rodel nang mapansin niyang pulang-pula na ang pisngi ni Rose Marie at namumungay na rin ang mga mata nito tanda ng kanyang kalasingan.

Batid ni Rodel na iyon na ang tamang pagkakataon na kanyang hinihintay, ang pagsamantalahan habang mahina pa ang dalaga na matagal na niyang pinagnamasahan.

Hindi na nagdalawang-isip pa si Rodel na isagawa ang ninabalak. Niyapos ang dalaga at akmang hahalikan ngunit naging mabilis ang kilos ni Magda, alam pa rin niya ang kanyang ginagawa kahit na lasing na siya.

"Howag -mho nga kong hawakan!" sabay tulak niya kay Rodel pagkatapos ay buong lakas niyang sinampal ang lalaki.

"Ang arte mo ha?! Magkano bang katapat mo? Marumi ka nang babae, bakit nahpapakipot ka pa? Huh?!" nakangising inilapit ni Rodel ang mukha kay Magda.

"Bastos!" asik ni Magda at muli binigyan ng isang malakas na sampal ang kaharap ngunit tila manhid ang lalaki at lalo pa itong nanggigil sa dalaga. Mahigpit nitong hinawakan sa braso kaya kahit na anong pagpupumiglas niya ay hindi siya makawala.

"Bakit ba pakipot ka pa eh babayaran naman kita?" Pinadaanan niya ng tingin ang kabuoan ni Magda lalo pa't halos hubad na ito sa kanyang suot.

"Ang kinis mo talaga," nakangising nakatitig sa hita ng dalaga. Akmang hahaplusin niya sana ito, pero bago pa dumapo ang palad ni Rodel ay walang alinlangang inihampas ni Rose Marie ang hawak niyang baso sa ulo ng lalaking hayok sa laman.

"Walang hiya kang babae ka! Magda!!!" tila nag-aapoy sa galit ang mga mata ni Rodel. Napabitaw ito sa braso ng dalaga dahil sa sakit at dugong dumaloy sa kanyang pisngi.

Mabilis na tumayo si Rose Marie para iwanan si Rodel, ngunit bago pa man siya nakalayo ay muling mabilis na hinila ni Rodel ang kanyang braso. Nagpumiglas si Magda ngunit tila mas lalong naging marahas at malakas ang lalaki habang hawak siya nang mahigpit.

Ngunit hindi pa man nakagagalaw nang tuluyan si Rodel ay isang malakas at matigas na pagpalo ng bote ng alak ang humaginit sa likod ng kanyang ulo. Nabasag ang bote at tumalsik ang laman nito kasabay ng pag-agos ng dugo sa mukha ng lalaki.

"Halika na, Rose Marie!" Hila ni Kelly sa kanyang kamay paalis sa mesang iyon at mabilis na tinungo ang kanilang kwarto.

Napalingon naman ang mga naglalampungan sa magkakapareha sa paligid. Napangiwi sila nang makitang duguan ang mukha ni Rodel habang nagpupuyos ito sa galit. Mas matigas na bote ng alak na may laman pa ang ipinalo ni Kelly sa ulo nito kaya napaluhod ang lalaki sa sakit. Wala na sa kanyang harapan ang dalawang dalaga kaya sumunod siya sa kanilang kwarto habang hawak ang ulong dugu-dugo.

"Bakit mo ginawa 'yun, Kelly?" Biglang nawala ang kalasingan ni Rose Marie.

"Kahit naman ikaw siguro gagawin 'yun kung ako ang nasa sitwasyon mo, hindi ba?"

"Siyempre naman, pero paano kung pati ikaw ay mapagdiskitahan din ni Rodel? " pag-aalala ni Magda.

"Bahala na, basta ang mahalaga ay hindi siya nagtagumpay ngayon. Kilala naman natin 'yung Rodel na iyon, wala siyang nagustuhang babae ang hindi niya naikama. Mas matagal siyang nagtatrabaho sa club na ito kaya takot sa kanya sa kaysa sa kanya at lahat na yata ng mga katrabaho nilang mga babae ay nakukuha niya sa kahit anong paraan niya gusto."

Sabay-sabay na napatingin ang mga katrabaho nila nang makapasok sila sa loob ng kanilang kwarto. Makikita ang pagtataka sa kanilang mga mukha dahil sa itsura nilang dalawa. Magulo ang buhok ni Rose Marie samantalang basa naman ang suot ni Kelly dahil natalsikan ng alak na ipinalo sa ulo ni Rodel.

"Si Rodel na naman ba?" usisa ni Carla pagkalapit sa kaibigan.

Tango lamang ang tugon ni Rose habang nakakuyom ang kamao.

"Bakit di mo na lang kasi pagbigyan girl, magbabayad naman si papa Rodel," tila kinikilig pang wika ni Alma habang sinusuklay ang mahaba at kulot nitong buhok.

"Walang hiya kang babae ka! Lumabas ka diyan, Magda!!!" Nagwawala si Rodel sa labas. Halos magiba ang pintuan sa lakas ng pagkakalampag nito, pero ni isa ay walang nagtangkang pagbuksan ang pintuan.

Gaya ng laging ginagawa ni Rose Marie kapag ganitong sitwasyon, pumapasok siya sa banyo at ipina-padlock iyon para kung sakali mang mabuksan ay maharang pa rin siya ng mga kasama sa kwarto.

Alam ni Kelly ang kwento ng kaibigan at naaawa siya rito ngunit kahit naisin man na iligtas ang kaibigan ay hindi niya magawa dahil maging siya ay tila isang bilanggo sa club na iyon. At kung kailan sila makakalaya ay hindi nila alam. Tila tanggap na rin ng iba nilang katrabaho ang kapalaran. Wala din naman silang mahihingan ng tulong kahit na ilang beses pa nilang tangkain.

Ang huling nagtangkang tumakas ay hindi na nakauwi ng buhay. Brutal ang pagkamatay niya at kinuhanan pa ito ng litrato bilang babala sa sinumang susunod na susubok tumakas. Kaya kahit ilang plano na ang kanilang nagawa ay wala pa ring nagtagumpay.

Isang sindikato ang may hawak sa kanila. At tila ba nawalan na sila ng karapatan sa kanilang sarili dahil ibinenta sila ng mga hindi nila kilalang tao na dumukot sa kanila.

Ngunit sa kaso ni Rose Marie ay iba. Kusa siyang sumama sa nagpakilalang tiyuhin. Huli na ang lahat para makatakas pa. At kahit anong gawin niya ay tila ba hindi na siya makakaalis sa lugar na ito. Isang lugar na impiyerno para sa katulad nilang sinasamantala ang kahinaan.

Sa loob ng malamig at madilim na banyo, nakasandal si Rose Marie sa pader habang nakayakap sa sarili niyang mga tuhod. Dinig na dinig pa rin niya ang bawat mura at pagkalampag ni Rodel sa labas, ngunit mas mabilis pa rin ang kabog ng sarili niyang dibdib. Tumingin siya sa maliit at basag na salamin sa kanyang tapat—ang lipstick niya ay lagpas-lagpas na at humalo na sa kanyang pawis. Pikit-matang naalaala niya ang araw na sumama siya sa kanyang tiyuhin dala ang simpleng pangarap na makatulong sa pamilya, hindi akalaing ang sarili palang dugo't laman ang maghahatid sa kanya sa pintuan ng impiyerno. Dito, pinalitan nila ang kanyang pangalan at inagaw ang kanyang kalayaan. Ngunit habang hawak ang nangangatog niyang mga kamay sa likod ng naka-padlock na p***o, isang bagay ang isinumpa ni Rose Marie sa kanyang sarili: maaaring tawagin siyang Magda ng buong mundo, pero hinding-hindi niya hahayaang patayin ng lugar na ito si Rose Marie.