Chapter 23

Hindi mapakali si Via sa kanyang kwarto. Agad siyang umakyat pagkatapos nilang kumain ng agahan. Kinakabahan pa rin siya. Tumayo siya at palakad-lakad sa harap ng kanyang kama ng malingunan ang kanyang cellphone.

Anong gagawin ko? Tatawagan ko ba si Nate? Argh!

Naisabunot niya ang kanyang kamay sa kanyang buhok. Nafru-frustrate na siya. Hindi na niya alam ang kanyang gagawin.

May gustong pumatay kay Ivan. Sino kaya ito at ano ang motibo? Hindi kaya isa sa mga kakomptensiya niya ito sa negosyo?

Naupo siya sa kanyang kama at huminga ng malalim.

Kailangan malaman ito ni Nate.

Saktong pagtayo niya ay ang pagbukas naman ng pinto ng kanyang silid. Sumungaw doon si Ivan na naka walking shorts at naka V-neck na T-shirt.

Pumasok ito sa kanyang silid at sumandal sa pintuan.

"Magbihis ka at may pupuntahan tayo." Seryosong sabi nito.

"Sa-saan?" Nauutal niya namang tanong.

"Sa isang boutique. Kailangan nating pumili ng ating isusuot sa engagement party natin bukas."

Bukas na pala iyon.

Isang tan