Chapter 25

Nagising ako na nakatali ang mga kamay at nakatali sa isang upuan. May panyo rin sa aking bunganga kaya hindi ako makapagsalita.

Nakita ko si Ivan sa harapan ko na kasalukuyan nilang binubugbog.

Gusto ko man sumigaw ay hindi ko magawa kaya napaiyak nalang ako.

Tulungan niyo kami.

Nakita kong dumura ng dugo si Ivan at binitawan nila ito. Naiwan siyang nakalugmok doon.

Iniwan nila kaming dalawa roon at lumabas sila. Narinig ko ang kalansing ng mga kadena sa labas. Kumawag-kawag ako para sana makaalis ngunit mahigpit ang pagkakatali sa akin.

Patuloy sa pag-agos ang aking mga luha.

Sino sila?

Sino ang mga taong may gawa nito?

Kahit hirap siyang bumangon ay pinilit pa rin niyang tumayo upang puntahan ako.

Mas lalo akong napaiyak nang masubsob siya sa mismong mga hita ko. Putok ang labi, may pasa sa pisngi at may umaagos na dugo sa kanyang kaliwang kilay.

Tumingala siya sa akin kahit na alam kong sobrang sakit ng katawan niya ay ngumiti siya sa akin.

"Don't cry babe..." Marahang bulong n