Chapter 6

Pagpasok pa lang ni Yna sa opisina ng kasintahan, nakita niyang seryoso ang mukha nito at tila hindi mapakali na yumakap sa kaniya.

“I’m sorry . . .”

Yumakap din siya rito. “Okay na iyon. At saka, kung galit ako hindi ako pupunta dito. Let’s eat,” wika niya at inaayos ang dalang folder sa mesa nito. “Can I put my things here?”

“Sure! Always.” Kinuha nito ang mga dala niya at ito na mismo ang naglagay sa mesa nito, saka siya inalalayan sa mini pantry nito.

Nakita niya ang isang bungkos na rosas doon. “What is this? Kilala kita na hindi nagbibigay ng ganito?” nagtatakang tanong niya.

Ngumiti ito at kumamot sa batok. “Yeah. But I am planning to give that to you a while ago but suddenly you walk out.”

“No, I’m not—”

Mabilis na kinuha ni Harold ang bulaklak at inabot sa kaniya. “Babe, for you. I just want to remind you, that you are my love. The one and only.”

Kinuha niya ang bulaklak at ngumiti. “Thank you.”

Pero kahit anong kapa niya sa damdamin, wala talaga siyang kilig na naramdaman sa ginawa nito. Siguro, nasanay na lang siya dahil hindi naman ganoon si Harold mula nang manligaw ito.

Niyakap siya nito. Gumanti rin naman siya kahit pa nga may pakiramdam siyang iba ang dating ng pagbibigay nito ng bulaklak sa kaniya. Para bang may ginawa itong masama na ewan. Basta, naroon ang pagkalito sa kaniyang isip.

“Kumain na tayo. Narinig ko kanina na narito na ang partner ni Tito Edward. Let’s eat quickly. Babawi ako mamaya.” Ngumiti ito.

Tumango lang siya at umupo sa upuan na ibinigay ng lalaki.

Habang kumakain, hindi niya maiwasang isipin ang lalaking nabangga niya kanina. Iyon na ang pangalawang beses na nagkita sila. Kung pagkakataon lang iyon, hindi niya alam.

“Babe . . . may problema ba?”

Nagulat siya. Nakalimutan niyang kasama nga pala niya si Harold.

“No. I mean . . . wala naman. I was just thinking about the agenda of our meeting,” pag-iiba niya ng usapan.

“I don’t have any idea also. But the last meeting we held was more on partnership with Mr. Del Rio.”

Napakunot-noo siya. “Who’s that guy?”

“I met him once at a bidding for a big project with Tito Edward. Mr. Del Rio won the bid, so Tito Edward used his charisma to secure a partnership. I’m not sure what the story is behind why Mr. Del Rio agreed.” Uminom ito ng tubig at bahagyang pinunasan ang labing nasayaran ng sauce. Mukhang hindi nito feel na makatrabaho ang sinasabing bagong partner ni Mr. Laxamana.

Busog na rin siya kaya tinapos na rin niya ang pagkain.

“Well, that’s our CEO’s choice. Kung doon mas lalago ang kompanya, why not?”

“Yeah, I agree with that. But, I don’t know why I am not comfortable to be with him.”

Napailing siya at napangiti. “Magtiwala ka lang sa boss natin. Ikaw ang mas nakakaalam ng ugali ni CEO kaya dapat alam mo yan . . .”

Tumango lang ito at inalalayan siyang tumayo nang makita na tapos na siyang kumain. “Just rest for a while, babe,” lambing nito na yumakap sa kaniya. Maya-maya pa ay hinaplos nito ang mukha niya at handang hahalikan siya nang may kumatok sa pinto.

“Sir, Mr. Laxamana and the other members of board are ready at conference.”

Nilingon niya ang nagsalita.

“Thank you, Sanya. Prepare all my things,” seryosong wika ni Harold. “Let’s go, Engineer Yna.”

Napailing siya. Alam ng secretary nito na wala silang relasyon at ayaw niyang ipagkalat iyon. Kaya todo pagpapa-cute ito.

“All things are ready, sir. Ikaw na lang ang kulang,” narinig niya iyon bago siya lumabas.

Naaasiwa siyang bumalik at kinuha ang mga folder niya sa lamesa na iniligay roon kanina.

“Sanya, just do your job properly and do not flirt with your boss,” ismid niya rito.

Hindi na niya hinintay ang lalaki at secretary nito. Mabilis siyang pumasok sa conference.

Pagbukas, nakita niya na nandoon na ang lahat pati kapwa niya engineers.

“Good morning, sir. Sorry, akala ko wala pa kayo,” magalang niyang wika.

Ngumiti lang ito. “It’s okay. Let’s set. May naiwan lang si Mr. Del Rio sa labas. Just wait for a while.”

Tumango siya at muling iniikot ang mga mata sa paligid. Seryoso ang mga kasama niya at mukhang hindi basta-basta magpapatalo sa mga presentation na dala. Handa sila sa mga ganoong meeting kaya medyo kinabahan siya.

Umupo siya sa bandang gitna, saktong nakita niya ang pagpasok ni Harold. Agad itong tumabi sa upuan ni Mr. Laxamana. Seryoso ang usapan ng mga ito, habang ang secretary nito ay naiwan sa kabilang sulok. Inayos niya ang upo at binuksan ang dalawang folder, kung saan naroon ang reports at bagong plano niya na hindi niya alam kung saan magagamit.

“Good morning, everyone! Our new prtner is here!” mula kay Mr. Laxamana.

Napatayo ang lahat at nagbigay galang dito.

Biglang gumiwang ang mundo niya nang makita ito, lalo na nang salubungin nito ang tingin niya. Blangko iyon at walang emosyon. May kung anong sikdo ng damdamin ang naramdaman niya, dahil ang akala niyang aplikante ay isang mataas na tao at bagong business partner ng boss nila.

Marahan siyang nagbaba ng paningin at napakagat sa labi. Hindi na niya muling tiningnan ang lalaki, lalo na at nasa harap din niya ang kasintahan. Sumeryoso siya at ibinalik sa normal ang lahat.

“Before we begin, I would like to introduce Mr. Knight Del Rio. He is the one who selected you to be part of his team for his new project from Pampanga to Subic.” Lumingon si Mr. Laxamana sa lalaki at ngumiti.

“Thank you, Mr. Laxamana, for welcoming me. Yes, he’s correct. I’m here to select those who will join my team. Starting from now, prove that you deserve to be part of it. Show your skills and create a plan for how you can help us complete the project smoothly and successfully,” istriktong wika nito na lalong naging seryoso ang dating sa kaniya.

Bigla siyang nalungkot nang oras na iyon. Sa naging engkwentro nila, mukhang wala na siyang pag-asa na mapili nito. Kaya tinupi na niya ang folder at inayos iyon sa harap niya. Umpisa pa lang, kahit alam niyang maganda ang presentation niya, kung ito ang pipili, tapos na ang laban.

“Feel free to introduce yourself to him, provide a brief background about yourself and your achievements, and share a simple way you can contribute to this project. Start from there,” ani Mr. Laxamana. Itinuro nito ang dulong bahagi, kaya samakatuwid— huli siya. Nasa walo din kasi silang engineers sa loob.

“It’s my pleasure to meet you, Mr. Knight. I’m Engineer Glenda Ordillano. Single.” Tumigil ito bahagya at ngumiti. “I’ve been working here for almost seven years, and one of the skyways in Manila was successfully completed from my drafts.”

Nakita niya sa kasama ang kislap ng mga mata nito, habang halatang nagpapansin sa lalaki. Lihim siyang napaismid sa kilos nito.

Nagpakilala pa ang anim na puro lalaki nilang engineer. Pawang malalaki rin ang naiambag ng mga ito sa project, at lima lang ang kukunin sa kanilang walo. May tatlong uuwing luhaan. Dalawa na lang pala at siya ang isa roon.

“Engineer Yna, your turn,” boses iyon ng kasintahan niya.

Siya na pala ang huling magpapakilala. Alam ni Harold ang kakayahan niya kaya halatang umaasa ito na mapabilang siya.

Tumingin siya rito at ngumiti. Ngiting hindi alam kung ano ang mangyayari.

Napatingin siya sa nakangiti rin nilang CEO. Isa pa ito sa umaasa na isa siya mapipili roon. Pagkatapos, kay Knight na halos magkalapat ang mga labi at seryosong nakatingin sa kaniya, siya naman tumingin.

“I’m sorry . . .” Hindi niya alam kung sa mga umaasa ba sa kaniya o sa sarili niya sinasabi iyon.

Inayos niya ang sarili at propesyunal na humarap sa lahat. “First of all, thank you, Mr. CEO, for bringing Mr. Del Rio on board as your business partner, who has helped us greatly. And thank you, Mr. Del Rio, for choosing us. I’m Engineer Czarina Melendez, and I’ve been here for almost three years. I’ve been responsible for drafting and getting approval for all our projects, many of which have been implemented across provinces with potential for development, such as new highways. While I haven’t led a project myself, I’ve used my expertise to improve original plans, and over the past three years, these improvements have proven successful.” Halos hindi siya huminga sa haba ng sinabi niya. Hindi siya nagpapa-impress— nagsasabi lang siya ng totoo.

Nagulat siya nang magpalakpakan ang mga kasama niya, pwera lang kay Glenda na nakakunot ang noo. Kahit kailan talaga, mahirap kasundo ito.

Malawak ang ngiti ni Harold at Mr. Laxamana pero si Knight, mukhang nakulangan pa sa sinabi niya. Napatango na lang siya. Wala siyang magagawa kung ayaw ng tao sa kaniya. Business nito iyon at strategies, kaya hindi niya hawak ang desisyon nito.

Hanggang matapos na ang meeting, maraming sinabi si Mr. Laxamana na pagbabago sa kanilang kompanya. Isa na rito ang pagpapagamit ng office ni Faye kay Mr. Del Rio habang pumipili pa ito. Ang katanungan sa kaniya, hanggang kailan ito mag-iisip. Puwede na kasi itong pumili sa mga sandaling iyon para hindi aksaya sa oras.

Napailing na lang siya. Wala na siyang pakialam doon.