Chapter One

PASIPOL-SIPOL lamang si Rudny ng mga sandaling iyon habang naglalakad siya sa madilim na hallway ng Ecstasy Bar House. Dahil kilala na siya ng mga tao ni Bernard ay mabilis na siyang pinapasok ng mga ito mula sa loob hanggang sa opisina ng big boss ng mga ito.

Naglakad pa siya hanggang sa nakarating na siya sa dulong bahagi. Isang pulang pinto ang tumambad sa kanya. Pagkarating sa harapan niyon ay kumatok siya ng tatlong beses.

"Bukas iyan..."dinig na anang ng isang tinig mula sa loob.

Tuluyan na ngang hinawakan at ipinihit ni Rudny ang seradura niyon. Saktong pagbukas niya ay tumigil na siya sa pagsipol.

Kita niya ang isang lalaki na nakasuot ng puting polo na may marka ng mga dahon ng niyog. nakatuck in sa suot nitong kulay dark orange na maong slack. May tina ng blonde ang buhok nitong nakasulay palikod. Mukhang alaga sa suklay ang buhok.

Malambot ang facial expression nito, dahil na rin sa manipis na kilay, bilugan na nangungusap na mata; katamtaman na tangos ng ilong at hindi kakapalan na labi. May moreno na kulay ng balat na tatalunin pa ang isang babaeng may skin care sa pagkakinis ng kutis. Maliit itong lalaki, tumataas lamang ito ng 5'1 ft.

"Ikaw pala! Masaya ako at naisipan mong pumasyal ngayon rito. Magandang gabi Mr. Aragon ano bang maipanglilingkod ko. Nais mo bang maglameryenda ngayon? Kung may matipuhan ka sa mga babae sa club namin ay libre na sa'yo,"galak na wika nito.

Umayos ito ng upo, ang mga lalaking may malalaking katawan na tanging suot-suot lamang ay mga pulang brief ay agad na nagsitayo. Ang isa ay lumabas na muna, habang isang lalaking natitira pa ay nagpunta sa likuran ni Bernard at minasahe ang balikat nito.

"Have a seat Mr. Aragon, what do you want to drink? coffee, juice or hard drink would be?"offer pa ng binata.

Naupo naman si Rudny sa leather sofa na naroon. Ibinuka niya ang magkabilaang braso at magaan idinantay lang. Tinitigan niya lamang nang mapang-uyam ang kaharap.

"Huwag ka ng mag-abala Mr. Cripson, alam mo naman ang totoong pakay ko,"wika ni Rudny.

Nag-alis naman ng bara mula sa lalamunan si Bernard. Sa sandaling iyon ay tuluyan na nitong pinaalis ang call boy na nasa likuran niya. Matapos lumabas ito ay muli niyang binalingan si Rudny.

"Pwedi ba Mr. Aragon kung ang pamimilit niyo na magbigay ako ng buwis sa inyo sa tuwing katapusan ay ipinunta mo rito ay maari ka ng makaalis. Hindi ako katulad ng ibang business na nauuto niyo!"gigil nitong sabi sa kanya. Malakas pa nitong ipinukpok ang nakakuyom na kamao sa lamesa na kaharap.

"Humi-hindi ka ba sa utos ng mas nakatataas?"Nakangising sabi ni Rudny. Aliw na aliw siya sa reaction ng kaharap.

"Of course! Ang laki ba naman ng hinihingi niyo. My God! it's worth of half million. Anong akala niyo sa business ko nanganganak ng pera!"galit na galit nitong wika. Ikinumpas pa nito ang braso sa harapan niya.

"Alam mo Mr. Cripson, maliit na pera lamang iyon sa iyo kumbaga sa mga illegal na business na nagbabayad sa amin. Kayang-kaya mo iyon, anak ka ni Congressman Teodoro kaya easy money lang sa'yo ang pagbibigay ng ganoon halaga,"bale-walang sabi lang ni Rudny.

"Stop this Mr. Aragon. Kahit ano pang kabalbalan ang sabihin mo ay hindi ako magbibigay ni kusing!"bulyaw ni Cripson sa nagtatagis na bagang. Pinanlakihan pa nito ng mata ang ang binata.

"Are you sure Mr. Cripson, maybe this will help you change your mind."Saka inilabas ni Rudny isang katamtaman na envelope. Ibinato niya iyon sa harapan ni Bernard.

"What's this?"Nakakunot-noong aniya sa binata.

"Just open that, see it for yourself,"may maluwang na ngiti na mando ni Rudny rito.

Tinitigan na muna siya ni Bernard bago nito tuluyan dinampot iyon at binuksan.

"Ano ito! Pinapasundan mo ba ako!"asik na saad ni Bernard na mabilis na pinasadaan ng nanlalaking mata niya ang mga kuhang litrato niya. Kasama ng mga iba't ibang lalaking bayaran!

"Hindi ko na kailangan sagutin iyan Mr. Cripson. Alam mo naman kung gaano kahalaga sa political career at ng family niyo ang delikadesa ng bawat miyembro sa pamilya niyo. Ayaw mo naman siguro na masira iyon ng dahil sa pagiging bakla mo,"diretsang dagdag pa ni Rudny.

"How dare you! Huwag mong isinasali-sali ang gender issue ko sa bagay na ito! Binabalaan kita!"

"Bakit ano ang gagawin mo Mr. Cripson?"

"Isusumbong kita sa Tito kong may mataas na katungkulan sa kapulisan at—"Ngunit hindi na pinatapos ni Rudny sa pagsasalita ito. Tuluyan niyang inilabas ang nakatagong baril na nasa ibaba ng suot-suot niyang sapatos.

"Sige subukan mong magsumbong at ng ora mismo ay pasasabugin ko ang bao mo ngayon!"matalim ang tinig kasabay ng panlalaki ng magkabilaang mata ni Rudny habang tutok na tutok kay Bernard ang Walther PPQ M2.

"H-hey! i-ibaba mo iyan b-baka pumutok pa iyan!"nahihintatakutan babala ni Bernard habang iwinawagayway pa nito ang dalawang palad sa harapan niya.

"Puwes! matuto kang kumunsidera ng utos ng mas nakatataas sa iyo! at isa pa kapag hindi ka sumunod ay mapipilitan akong utusan ang isang tao ko na itumba ang tatay mo ngayon."

"Hindi iyan totoo!"

"Why you don't call your Dad, ask him kung nasaan siya ngayon. Dahil ayon sa tauhan ko ay nasa green palace siya."

Nagmadali na ngang inilabas ni Bernard ang android phone na nasa bulsa nito at mabilis na idinial ang numero ng ama nito.

"H-hello Dad w-where a-are you?"anito sa nanginginig na tinig. Pasalit-salit ang ginagawa nitong pagtitig kay Rudny na tiyeso lamang nakaupo habang hinhintay siyang matapos sa pakikipag-usap.

Halos sunod-sunod ang ginawa niyang paglunok, matapos nitong maibaba ang tawag.

"Ano ngayon, hindi ba't nagsasabi ako ng totoo,"tugon ni Rudny.

Hindi naman makausal ng kahit na anong salita si Bernard dahil ipit na ipit siya sa sitwasyon meron siya ngayon. Halos umusok ang ilong niya sa sobrang galit maging ang dalawang mata niya ay gustong maglabas ng apoy!

"Ano na, susunod ka na ba. Are you willing to pay?"walang ano-ano'y nasabi ni Rudny.

Maya-maya'y tuluyan gumapang ang palad ni Bernard sa ilalim ng desk niya at kinapa ang nakatagong baril doon.

"Ano ako tanga! Papatayin muna kita bago ako maging sunod-sunuran sa utos ng mga katulad niyong sindikato na wala ng ginawa kung 'di humuthut sa mga katulad namin na may pera!"mataas ang tinig na sigaw nito.

Mabilis na itinutok nito sa kanya ang baril na hawak. Nagtatawa ito ng nagtatawa.

May-maya ay nakitawa na rin si Rudny.

"Anong tinatawa-tawa mo? Nabaliw ka na ba dahil anuman oras ay papatayin na kita!"

"Adik ka ba! Hoy! tanga! bago mo ako mabaril ay uunahan ka pa ng sniper na kasama ko!"Halakhak ni Rudny.

"Hindi ako naniniwala, you just scaring me you crazy son of a bitch!"

"Ganoon."Itinaas ni Rudny ang kaliwang kamay at isang pitik ng daliri ang ginawa niya. Kasabay ng pagkabasag ng salamin sa bintanang katabi kung saan nakatayo si Bernard ay isang bala ng baril ang dumaplis sa braso nito!

"F*ck you! Oh! My gosh! G*go ka!"hysterical na pagsisigaw ni Bernard sa nanlalaking mata. Halos mapasandig ito sa swivel nito habang sapo nito ng mariin ang balikat na dumudugo na ngayon.

Agad ang pagbukas ng pinto at dali-daling pumasok ang mga unipormadong tauhan ni Bernard. Agad tumutok ang mga hawak-hawak na baril ng limang tauhan nito kay Rudny na nanatili pa rin kalmado sa pagkakaupo.

Tuluyan siyang tumayo.

"Easy... kung ako sa'yo Mr. Cripson ay pagsasabihan ko ang mga tauhan mo na ibaba ang mga baril nila kung gusto ka pa nilang mabuhay. Anytime ay maaring sundan ng putok ng kasama kong sniper ang tama ng baril sa'yo or worst sa mismong kinatatayuan mo ay bawian ka ng buhay,"tugon ni Rudny.

Hindi naman umimik si Bernard akmang lilingon ito sa bintana ng biglang muling nagsalita ito.

"Kung ako sa'yo ay huwag mo ng balakin lumingon dahil hudiyat niyan para magpaputok ang tao ko."

Kaya upang wala ng magawa si Bernard.

"I-ibaba niyo na ang mga h-hawak niyong baril,"utos ni Bernard.

Tuluyan naman sumunod ang mga tauhan nito sa ipinag-uutos niya.

"S-sige na magbabayad na ako!"napipilitan ng pagpayag ni Bernard.

"Good, heto pumirma ka... ayusin mo ang paglagda."Nakangising utos ni Rudny. Tuluyan niyang inilabas ang isang folder na naglalaman ng kontrata na napag-usapan nila.

Sa nanginginig na kamay ay pumirma si Bernard. Agad na kinuha at pinasadaan ng tingin ng binata iyon ng ma-checked niyang tama naman ang pirma nito ay tuluyan na niyang kinuha iyon.

"Thanks for your cooperation Mr. Cripson, ang tao ko na lang ang siyang pupunta sa'yo rito para maningil. Binabalaan lang kita oras na may gawin kang paglabag sa napag-usapan natin ay katapusan niyo na. Huwag na huwag kang magbabalak na magsumbong sa mga pulis dahil marami akong koneksyon!"Sinaluduhan pa siya ni Rudny bago tuluyan lumabas sa opisina nito sa nagpupuyos na galit na lalaki.

"Ano ng gagawin natin boss?"wika ni Arnaldo ang kanang kamay ni Bernard. Kasalukuyan na itong ginagamot ng isang private nurse na pinasundo niya.

"Huwag kang mag-alala, dahil hindi ko mapapayagan na ganituhin lang ako ng pamilya Aragon! Darating ang oras na siya ang mismong magsisisi na kinanti pa niya ang angkan ng mga Cripson!"May banta sa tinig ni Bernard.

AGAD na inalis ni Rudny ang suot na helmet ng mga sandaling iyon matapos niyang maiparada ang sinakiyan na Ducati Panigale V4 SP. Pinakapaborito at isa sa pinakamamahal na motorbike niya. Bukod sa Dodge Tomahawk V10 superbike na nagkakahalaga rin ng halos kalahating milyon na dolyares ang halaga. Bata pa lamang siya kinahiligan na niya ang pagkolekta ng mga sasakiyan.

Bukod sa mga motorbikes ay mayroon din siyang tatlong sobrang mamahal na kotse. Ford Mustang 5.0L V8 GT na nagkakahalaga ng Million. Ang Lexus RC F at Lamborghini Gallardo na ineregalo lang naman ni Ricardo na ama niya.

Tuluyan na siyang naglakad papasok ng fire ranged na pagmama'y ari rin ng kanilang pamilya. Sa tuwing marami siyang iniisip ay doon ang lagi niyang takbuhan.

Agad siyang nagsuot ng mga safety gear at nilagyan ng bala ang hawak-hawak na baril. Matapos iyon ay tuluyan na niyang itinutok ang nguso niyon at sunod-sunod siyang nagpaputok.

Halos mapuno ng malakas na ingay ang buong paligid. Maging ang dulo ng hawak niyang baril ay umusok pa.

Maya-maya ilang magkakasunod na palakpak ang narinig ni Rudny sa may 'di kalayuan. Nang tignan niya ay ang nakababatang kapatid lang naman niyang si Rodjun. Ampon ng ama niya, anak ito ng matalik na kaibigan ni Ricardo. Diumano'y napaslang sa riot ang ama nito noong maliit pa ito. Kaya upang ito na ang maging legal guardian at maging kasapi na ito ng pamilya nila. Sa ngayon ay katatapos lamang nito sa kurso nitong Business Management sa isang kilalang Unibersidad dito sa Maynila.

"Idol talaga kita kuya Rudny, sana next time ay turuan mo naman akong humawak ng baril,"wika ni Rodjun.

Tuluyan naman pinagtatanggal ni Rudny ang mga sinuot niyang safety gear, inilapag niya sa kaharap na lamesa ang baril na hawak.

"Hindi pwedi Jun."

"B-bakit naman hindi pwedi kuya, gusto ko rin matutong bumaril. In case na kakailanganin kong ipagtanggol ang sarili ko sa mga kalaban,"ungot nito. Akmang hahawakan nito ang baril, pero mabilis na hinawakan ni Rudny ang kamay niya upang pigilan siya.

"Huwag ng matigas ang ulo, andiyan naman sina Ysmael para protektahan ka,"ani ni Rudny sa mga bodyguard nito.

"Eh, iba pa rin iyon, sige na Kuya,"patuloy nito. Pero tinalikuran na siya ni Rudny.

"Ano bang ginagawa mo rito, may importante ka bang sasabihin?"tanong ni Rudny na agad iniba ang paksa ng usapan nila.

Bigla naman lumiwanag ang mukha ni Rudjun.

"Ah oo Kuya, pinapunta ako ni Papa rito. Agad mo raw siyang puntahan sa mansyon dahil may pag-uusapan daw kayong mahalagang bagay,"sagot nito.

"Sige tara na,"wika ni Rudny.

"Isa pa pala Kuya, kaninang umaga may dumating kang bisita. Ang ganda-ganda niya para siyang anghel na bumaba sa langit,"habol pa ni Rodjun na nangingislap pa ang mata.

Napakunot-noo naman si Rudny, inalala niya kung sino sa mga kasalukuyan babaeng idene-deyt niya ang maaring puntahan siya sa mansyon. Hindi na lang niya tinugon ang pangangantiyaw ni Rudjun sa kanya sa lumipas na sandali ng naging byahe nila pauwi.