Chapter 2

CHAPTER 2:

"Yow dude! Nandito ka lang pala. Kung saan-saan ka pa namin hinahanap ni kambal." Travis McCain. Isa sa mga kabarkada ko.

"Bakit niyo ako hinahanap?" Tanong ko na hindi tumingin sa kanila. Naghahanap kasi ako ng trabaho dito sa classified ads.

"Teka, ano ba yang binabasa mo?" Travis pa rin.

"Naghahanap ka ba ng trabaho?" Trivor McCain ang kakambal ni Travis. The man of few words.

"Natanggal kasi ako sa trabaho kahapon. Teka, bakit niyo ba ako hinahanap?" This time nakatingin na ako sa kanila.

"Aahh! Wala kasi tayong pasok sa accounting ngayon kaya naisipan namin ni kambal na mag-arcade tayo." Masiglang sabi ni Travis.

"Arcade? Sama ako." Biglang sulpot ni Valerie Florencio sabay tabi sa akin.

"Kayo nalang. May gagawin pa ako." Maghahanap pa kasi ako ng trabaho at isa pa ayaw kong makasama si Valerie napaka-clingy.

"CC naman pwede mamaya mo nalang gawin yang gagawin mo. Let's have some fun my treat." Valerie said sabay kapit sa braso ko. Di ba napakaclingy?

"Ayun libre daw ni Val. Come 'n Chris just give yourself a break." Tss. Porket mayayaman tong mga to. May break, break pang nalalaman.

"Tss." Trivor.

"Sige na CC. Sumama ka na sa amin. Promise ngayon lang to." *pout* Tss. Ayan na naman yang pout niya.

"Sige na, ngayon lang to." Tinupi

ko yung news paper at pinasok ko sa bag.

"Yeah! Thank you CC. Sige, hintayin niyo ako sa parking lot may kukunin lang ako sa locker." Paalam ni Valerie sabay kiss sa pisngi ko. Walang malisya naman yung paghalik niya, parang nakakabatang kapatid ko si Valerie.

"Ang tindi talaga ng tama ni Valerie sayo bro." Travis.

"Hindi naman ako titigilan nun hangga't hindi ako napapayag." Hindi talaga ako titigilan ng isip batang yun.

"Hoy! Ano pang ginagawa niyo? Tara na sa parking lot." Trivor. Sungit talaga nitong lalaking to parang laging may dalaw.

-----

"WOOAH! Ang galing mo CC!" Sabi ni Valerie sabay yakap sa akin.

"Nakatsamba lang yang si Chris." Bitter na sabi ni Travis. Ayaw kasing tanggapin ang pagkatalo.

Paramihan kasi kami ng shot ni Travis sa basketball at ako ang panalo.

"Talo ka lang kaya ka bitter diyan. Hahaha." Panunudya ni Valerie.

"Dun tayo sa UFO catcher oh! Sigurado akong matatalo na kita Chris. Hahaha." Panghahamon ni Travis na siya namang ikinatawa ng kambal niyang si Trivor.

"Tara! Tingnan natin hanggang saan ang tapang mo." Sabi ni Valerie at nauna na siyang maglakad papunta dun sa UFO catcher. Tss. Parang siya yung maglalaro.

Anyway ang UFO catcher, eh yung may joy stick tapos may button sa gilid. Gagalawin mo ang joy stick tapos pipindutin yung button para makakuha ng stuff toys tapos ihuhulog dun sa gilid may butas then lalabas na yung stuff toy.

Ganun kasimple yun pero bago ka maglaro. Siyempre huhulugan mo muna ng coin token para gumana.

"Mauna ka na Travis. Kawawa ka naman kasi." Pang-aasar ni Valerie.

Habang seryoso at pursigidong naglalaro si Travis, si Valerie naman ay dini-distract siya.

Tss. Parehong mga isip bata.

"Bro, paano na kayo ng nanay mo niyan?" Napalingon ako kay Trivor na nasa tabi ko.

Kahit masungit ang isang to, concern pa din siya sa mga kaibigan at kakambal niya. Kaya masaya akong naging kaibigan sila ng kakambal niya.

"Maghahanap ulit ng trabaho." Yan naman talaga ang unang iisipin ng mawalan ng trabaho, ang maghanap ulit.

"Bro, may pinsan ako na nangangailangan ng karagdagang tao sa coffee shop niya. Medyo malapit lang yun sa tinitirhan niyo ng nanay mo. Kakausapin ko yung pinsan ko." Trivor.

"Sige bro. Salamat."

"Walang anuman bro. Sino pa ba ang magtutulungan?" Trivor.

Mayamaya natapos ng maglaro ang dalawang isip bata at isa sa kanila ay walang nakuhang stuff toy kaya ang mukha nilang dalawa parang bumagsak sa accounting. HAHAHA.

Tumawa nalang kami ni Trivor sa itsura nilang dalawa.