The Penthouse Secrets: Ellaine's Heart

“1, 2, 3, action!” sigaw ng photographer na kukuha ng aking larawan.

Agad kong ipinakita ang best post ko. Lalo akong ginanahan noong mapansin ko ang pagkamangha ng mga staff habang nakatingin sa akin. 

This was my life. And I owned it. People pay and adore me for posting in front of the camera, or even breathing. 

Walang kahit sino man ang hindi nakakakilala sa isang Ellaine Sandoval. 

Being the top actress and model in the country. Sino nga ba ang hindi hahanga sa akin? 

Muli pang nagmwestra ang photographer sa akin. Ilang shots. Then the photoshoot ended. 

Agad na lumapit sa akin ang PA ko at binalutan ako ng towel matapos ang photoshoot. Iginiya niya ako papunta sa dressing room ko at binigyan ng tubig.

Bilang isang superstar, may sarili kong dressing room sa lahat ng mga pupuntahan kong photoshoot. May sariling glam team at  

Doon pa lang ako nakahinga nang maluwag. 

“After this, kailangan nating bumalik sa station para sa interview.” 

Nangunot ang noo ko at napatingin kay Cheska, ang PA ko.

“Interview for what? Bakit hindi ko ‘to alam?” 

Napakurap-kurap si Cheska. “Wala bang binanggit si Ms. Cheng sa ‘yo?” 

Si Ms. Cheng, ang manager ko at ang may-ari ng talent agency na may hawak sa akin. Siya ang dahilan kung bakit ako nakarating sa rurok ng tagumpay. 

“Wala naman. May problema ba?” 

Muli kong binalik ang tingin ko sa repleksyon ko sa salamin. Pero hindi nakatakas sa akin ang pag-aalinlangan sa ekspresyon ni Cheska. 

Naiikot ko ang mga mata ko. 

“Pwede ba, Cheska. May problema ba ako ngayon? May issue na naman? What is it?” 

Napakamot sa may ulo si Cheska. 

“Ahm… siguro si Ms. Cheng na lang ang magsabi sa ‘yo. Naroon na rin naman siya sa station. Magbihis ka na lang para makaalis na tayo.” 

Napailing na lang ako. May mga pagkakataon talagang hindi maaasahan si Cheska. Paano? Kahit kasi ako ang amo niya ay si Ms. Cheng pa rin naman ang boss niya. 

Hindi na naman kasi bago sa akin ang mga issue. Maraming mga co-star ko ang na iinggit sa akin. Madalas ay ginagawan nila ako ng kwento. Pero lahat ng iyon ay nawawala rin agad dahil nga ako ang pinakapatok ng artista ngayon. 

They all can try to bring me down, pero hindi sila lahat nagtatagumpay. 

Nagbihis ako ng white t-shirt at fitted jeans. Hindi ko na rin inalis ang makeup ko pero tinanggal ko na ang suot kong jewelry at iba pang accessories. Lahat kasi iyon ay pagmamay-ari ng brand na pinopromote ko. 

Hindi na rin kami nagtagal sa studio at umalis na rin  doon. 

Saka lamang ako nakahinga nang maluwag noong makasakay na ako sa van. Muli akong binigyan ni Cheska ng refreshments dahil sobrang init. 

“Ahm, dadaan pala muna tayo sa agency, Ellaine. Doon na lang tayo muna pinapapunta ni Ms. Cheng.” 

Tumango na lamang ako. Inilapag ko sa bottle holder ng upuan ko ang tumbler ko at saka isinandig ang likod sa upuan. 

Wala pang kalahating araw pero masakit na ang katawan ko sa daming ginagawa. Mamaya ay may shooting pa ako para sa bagong movi na pinagbibidahan ko. 

Minabuti kong ipikit na lang muna ang mga mata ko at umidlip. Nagising na lang ako na tinatapik na ako ni Cheska. Nakarating na pala kami sa agency ko. 

The Love Talent Agency. 

My home. 

Ang agency na nagbago ng buhay ko. 

Sa labas pa lang ay may mga nakita na akong fans na may hawak na karatula ng pangalan ko. Napangiti ako agad. 

“Kuya, ipara mo saglit sa harap nila,” sabi ko sa driver. 

“Ha? Ellaine. Kailngan na nating pumasok sa loob,” protesta ni Cheska. 

Tiningnan ko siya. “Saglit lang, Cheska. Kanina pa sila nakatayo diyan. Kawawa naman.” 

Walang nagawa si Cheska. Ipinara ni kuya ang van sa tapat ng fans ko. Ibinaba ko na ang bintana at narinig ko agad ang malakas na sigawan ng mga ito. 

“Ellaine! OMG!” 

“Ang ganda mo talaga, Ellaine!” 

“Pa-picture idol!” 

Napangiti ako nang malapad. Kumaway ako sa kaniya. 

“Sige. Pero hindi ako pwedeng bumaba,” nakangiting sabi ko. 

Agad na inilabas ng mga ito ang kani-kanilang mga picture. I posted my sweetest smile. Pero nabura iyon agad noong mapansin ko ang isang karatula sa may dulo. Hawak iyon ng isang babae na naka-hood at face mask. 

“ISA KANG P****K, ELLAINE! HINDI MO MATATAKBUHAN KUNG ANO KA!”

Napalunok ako sa nabasa ko. Ni wala manlang imik ang may hawak niyon at deretsong nakatingin sa may pwesto ko. Pakiramdam ko pa ay nakangisi ito sa ilalim ng suot nitong face mask. 

“Halika na, Ellaine,” ani Cheska. 

Marahan niya akong hinila at siya na mismo ang nagsara ng bintana. 

“Pasok na tayo, Kuya,” sabi pa nito. 

“Did you see it?” tanong ko. 

Natigilan si Cheska. Nakakunot ang noo na tumingin siya sa akin. 

“Ang alin?” 

Huminga ako nang malalim. Marahan akong umiling. 

Baka namamalikmata lang ako. 

“Nothing.”