PROLOGUE

"Koya…huwag pooo!" eskandalosa kong sigaw nang may bigla na lang sumulpot na lalaki out of nowhere habang naliligo ako sa ilog. Mabilis s'yang napalingon sa akin. Kung hindi ako sumigaw ay baka hindi n'ya mapapansin na may diyosang nag-aala mermaid sa mabatong ilog.

Kumunot ang noo n'ya sa akin. Bumagsak ang panga ko nang makita ang kabuoan ng mukha n'ya paglingon n'ya sa gawi ko.

Jusmeyo marimar!

Mapapasigaw ka na lang talaga ng 'warakin mo ako' dahil sa taglay n'yang kagwapuhan at kakisigan. Tirik na tirik pa ang araw kaya naman sureball akong hindi katulad ni Mario Jose, na manliligaw ko ang mukha at tindig n'ya.

Siguro ay 1000x na paligo ang lamang n’ya kay Mario Jose.

Oh shet! Warakin mo ako! Chariz lang!

Kasing hinhin dapat tayo ni Maria Clara.

Dalagang pilipina yurn?

"Damn it!" Narinig kong mura ni pogito. Mabilis s'yang napalingon sa likuran n'ya bago muling bumaling sa akin pero kaagad n'ya rin akong iniwasan ng tingin.

Ehh?

Tumawid s'ya sa ilog hanggang sa makarating s'ya sa mapunong bahagi bago tumakbo paalis at iwanan ako.

Tss. Hindi man lang tinanong pangalan ko o kung single ako. Bad!

Nang mawala s'ya sa paningin ko ay narinig ko ang ilang mga kaluskos sa kaninang pinanggalingan n'ya. Nanlaki ang mga mata ko ng lumabas mula roon ang mga nakaitim na mga lalaki bitbit ang iba't ibang uri ng baril.

Nanigas ako sa kinatatayuan ko. Mabilis kong tinakpan ang bibig ko at nagkunwaring magandang rebulto sa gitna ng ilog.

Isa akong magandang rock. Yes. Rock na pretty at sexy.

Biglang tumambol sa kaba ang puso ko ng may isang lalaking napalingon sa direksyon ko.

"Miss!"

"P-Po?!" Kabadong saad ko.

Nakita ko kung paano nagtulakan ang iba n'yang kasamahan ng makita ako kaya naman tumudo ang heartbeat ko sa takot.

Kaya ba may nakita ako kaninang pogi kasi last day ko na sa earth ngayon?

Isa kasi sa mga wish ko ay makakita ng pogi bago man lang ako mamaalam sa mundong ito. Nakakasawa na kasi ang pagmumukha ng mga lalaki sa baryo namin lalo na ang mukha ni Mario Jose kaya masisisi n'yo ba akong humuling ng gwapo?

"Miss, may nakita ka bang lalaki na dumaan dito kanina?"

Tumango ako. Nanginginig ang kamay kong itinuro ang direksyon kung saan pumunta si pogito.

Sorry pogi. Kitakits sa...heaven?

"Sir, baka naman pwede nating baunin si ganda?"

"Oo nga boss. Para naman ganahan pa kami lalo sa misyong 'to." Pakiusap pa ng isang lalaki sa boss nila.

Napayakap ako sa sarili ko. Oh em gee! Kung pagkain lang naman ang gusto nila ay may mga kamote akong pwede nilang baunin.

Pinasadahan ako ng tingin ng lalaki na tinawag nilang boss. Kinilabutan ako ng makita ang pagsilay ng pilyong ngiti sa labi n'ya. Hindi na bago sa akin ang gan'yang tingin dahil sa irresistable beauty at alindog ko pero hindi pa rin ako sanay.

Malandi lang ang inner self ko pero hindi ako tanga para hindi malaman ang tumatakbo sa utak nila ngayon.

"Shet! Sexy boss oh!" Hiyaw ng isa.

Akala ko ba may hinahabol sila?

Haist. Ito ang hirap kapag saksakan ng ganda pati palaka napapalingon.

Hindi ko na narinig ang usapan nila. Dalawa ang humakbang papalapit sa akin samantalang lima naman ang tumakbo papunta sa itinuro kong direksyon.

Hindi na ako nagsayang ng oras at kumaripas na rin ng takbo paalis sa ilog.

'Yong kamote ko naiwan! Babalikan ko kayo promise!

"Hoy!" sigaw ng lalaki.

"Hindi ako si hoy! Bobo ka?!" Balik kong sigaw.

Hindi ko na sila nilingon at nag-focus na lang sa pagtakbo at pag-iisip ng paraan para mailigaw sila. Kabisado ko na ang parteng 'to ng gubat. Malayo pa rito ang baryo namin kaya wala akong ibang choice kundi ang makipagtaguan at habulan sa kanila rito.

"Bumalik ka rito miss! Hindi ka naman namin sasaktan!"

"Utot n'yo!"

"Aba't!"

Nagpasya akong tumakbo patungo sa narra kung saan kami madalas noon maglaro nina Dori at Magot. May sekretong taguan kami 'ron kaya sa tingin ko ay may pag-asa akong maka-survive mula sa mga MIB na 'to.

Tsk. Mas mukha silang mga alien in disguise.

Mga chaka! Buti pa si pogito kanina.

"Kyahhh!" sigaw ko nang bigla akong matapilok dahil sa naka-usling ugat ng puno sa lupa.

Nagsimulang manubig ang mga mata ko nang maramdaman ang pananakit ng mga tuhod ko dahil sa pagbagsak ko. Marumi na rin ang puting t-shirt na suot ko na may mukha ni Capitan dahil sa pagsubsob ko sa lupa.

"G*go! Ayon oh!" narinig kong sigaw ng lalaki.

Paika-ika akong humukbang.

Gosh! Maaabutan na nila ako!

"Wala ka nang kawala miss! Hahaha!"

"Ahhh!" Napatili ako nang may humatak sa braso ko kaya naman sinabunutan ko s'ya at pinaghahampas.

"P*ta! Palaban ka ah! Lito! Hawakan mo!" utos n'ya sa kasama n'yang kakarating lang.

"Waggggg!" sigaw ko nang hawakan ng lalaking nagngangalang Lito ang dalawa kong braso at ilagay 'yon sa likuran ko.

Mas lalo akong nag-panic nang makitang nagtatanggal na nang belt ang lalaking nasa harapan ko. Inapakan ko ang paa ng lalaki na nasa likuran ko at inihampas ang ulo ko sa baba n'ya. Namilipit ito sa sakit kaya naman nabitawan n'ya ako.

Hilong-hilo ako dahil sa makabasag bungong stunt ko. Tatakbo na sana ulit ako nang may malakas na kamay ang humila sa buhok ko.

"Palaban ka ah! Tingnan lang natin kong hanggang saan ang kaya mo."

Tumulo na ang pinipigilan kong luha dahil sa magkahalong sakit ng katawan at takot. Baka nga oras ko na para maging angel sa heaven at umalis sa kalupaan. Siguro naman mas maraming pogi 'ron.

Mariin kong ipinikit ang mga mata ko dahil ayokong makita ang gagawin sa akin ng lalaki. Tahimik lang akong umiiyak at naghintay.

"Tama 'yan, miss. Dapat behave ka lang para hindi ka nasasaktan."

"Pre! Dalian mo na. Tigas na tigas na–"

"P*tangina!" Malutong na mura ng lalaki.

Ilang mga ingay at ungol ang narinig ko kaya naman dahan-dahan kong binuksan ang mga mata ko. Pagmulat ko ay kita-kita ko kung paano niyakap ni pogito ang leeg ng lalaking kaharap ko ba 'yon baliin.

Narinig ko ang tunog nang pagkabali ng leeg ng lalaki at pagbagsak nito sa harapan ko kaya naman muli akong napatili.

Holy shemay! I just witnessed a murder!

"K-Koya...huwag pooo."

Ehh?

Mamatay ka na pero ang landi-landi mo pa rin Tabitha Rose Pechayko!