Kabanata XXIII

Sinubukang tanggalin ni Aleyna ang make up na kumalat na sa kanyang mukha, wala siyang panyo o anumang gamit kaya naman nahirapan siya. Wala ding available na tissue sa loob ng banyo kaya naman umasa lang siya sa kanyang kamay at sa tubig, ibinaliktad niya din ang laylayan ng dress niyan upang punasan ang kanyang mukha ngunit hindi iyon gaanong epektibo dahil sa tela ng chiffon dress.

Napabuntong-hininga siya saka humarap sa salamin, buti na lamang ay wala pang ibang pumapasok sa banyo at patapos na pagtitipon kaya kahit paano ay gumaan ang kanyang loob. Sinubukan niyang gawin muli ang ginawa niya kanina upang mabawasan ang pagkakalat ng make-up niya, nang sa tingin niya’y ayos na siya ay lumabas na siya ng banyo at taimtim na umusal na sana ay umuwi na sila ni Maximillian. Nakayuko ang ulo niya sa paglalakad upang walang makakita sa kanya, ginamit niya din ang mahaba niyang buhok upang takpan ang kanyang mukha.

Mula kanina ay hindi inalis ni Kalistro sa kanyang mga mata si Aleyna,