Chapter 8

Chapter 8-A

Tumikhim si Jhune.

"Ah, Jericho... Mabuti pa ay ihatid mo muna si Danica sa kanyang silid para makapagpahinga muna siya."

Inirapan muna ni Danica si Angeline bago ito sumama kay Jericho.

"You're not fond of her, are you?" bulong ni Dylan kay Angeline.

"She's also not fond of me, kaya okay lang iyon."

"Nakita mo ba ang paraan nang panunuri niya sakin? I was totally insulted dahil parang... parang... basta!" anang dalaga sa naiinis na tono.

"Ginulat mo kami sa una mong sinabi, ah!"

"Ang alin? Tungkol doon sa boyfriend-stuff? Gusto ko lang makaganti kaya nasabi ko ang bagay na iyon."

"Gusto mo bang malaman ang reaksyon ni Kuya?"

Napaikot ang mata ng dalaga.

"Huwag na, alam ko namang hindi nya nagustuhan iyon eh!"

"Ikaw ang bahala."

At nagmamadaling sumunod si Dylan sa ama nang magyaya itong maglaro ng chess.

---

Disaster ang hapunan nang gabing iyon.

Magkibuang-dili ang dalawang babae.

Halos wala na ring ibang makapagsalita dahil panay ang pagpapa-impress ni Danica sa ama ni Jericho, kasabay ang mga paglalambing nito sa binata.

Nagkakatinginan sina Dylan at Angeline sa tuwing sinusubuan ni Danica ang tahimik na binata.

Nasusundan iyon ng mga lihim at pigil nilang mga tawa.

Nahinto lang sila sa lihim na pagtatawa nang mahuli sila ni Jericho at kunutan ng noo.

Tanging si Jhune lang ang mistulang walang nahahalata sa mga di pangkaraniwang nangyayari.

Patuloy lang ito sa pagsubo at walang sawang pagsagot sa mga tanong ni Danica.

Naisip tuloy ni Angeline kung talaga lang pasensyoso ang matandang lalaki o kaya ay nagkataon lang na kasundo nito ang madaldal na babae.

---

"Mag-i-stay tayo rito hanggang sa birthday ng papa." ani Dylan nang patungo na sila sa kani-kanilang kwarto.

"Kailan iyon?" tanong ni Angeline.

"Three weeks from now."

"Three weeks?"

Humabol siya sa binata hanggang sa makapasok siya sa silid nito.

"Ang sabi mo, three days lang tayong magkukunwari."

"Sana, kaya lang, pinapangako ako kanina ng papa na mag-i-stay tayo rito nang matagal."

"Gusto raw kasi niyang magkalapit kayong mabuti. At baka balak rin niyang magkaayos muna kami ni Ayu." anang binata.

"DYLAN--" reklamo niya.

"Marami pa akong pictorials na nakabinbin dba? May shooting pa ko doon sa bagong commercial ng Head & Shoulders Shampoo and Conditioner." ani Angeline.

"Ako na ang bahalang umayos non. Basta tulungan mo muna ako rito."

Umupo si Dylan sa gilid ng kama at tinanggal ang sapatos at medyas.

"Promise! Ihahanap kita ng bagong project pag-uwi natin." ani Dylan.

"Okay! Granted na pwede nating ayusin ang mga proyekto ko, pero paano naman kung sa tagal ng pagkukunwari natin, eh mahuli na tayo...

Dylan, mas lalaki ang risk kung tatagal pa tayo rito. Unlike kung nasa Manila tayo, hindi tayo gaanong mahihirapan." anang dalaga.

"Naisip ko na rin yan ano! Kaya lang nagpipilit ang papa eh! Nahihirapan din ako, akala mo ba! Tuyot na ang sex life ko. Hindi naman ako pwedeng mag-uwi rito ng lalaki, dahil imposibleng walang makakita."

Biglang natawa ang lalaki nang mapuna ang pamumutla niya.

"Oh bakit nagkulay kamatis ka na naman?"

"Tinanong mo pa! Huwag mo ngang mabanggit-banggit sa akin ang tungkol dyan sa sex life mo ha!"

"Palibhasa kasi, hindi ka pa nakatikim ng papa." panunukso ni Dylan sa dalaga.

"Dylan!"

"Oh sige po, hindi na! Napaka-KJ mo naman day!"

"KJ na kung KJ. Saka Dylan, huwag mong gagawin iyang pagdadala ng lalaki ha?"

"Opo, kahit na--"

"Ssshh!" at pinandilatan niya ito ng mata.

"Okay, okay!"

Siniperan nito ang bibig.

"Behave na po ako, tita!"

"Dapat lang na mag-behave ka kung gusto mo akong tumagal dito."

"Does it mean na hihintayin mo na ang birthday ng papa?"

Tumango ang dalaga.

"Ayan, ang bait-bait talaga ng friend ko. Kaya talaga namang gusto kitang maging hipag eh!"

"Anong hipag-hipag? Tigilan mo nga ako dyan, Dylan. Ayokong tinutukso-tukso mo ako roon sa kuya mo ha!"

"Bagay naman kayo ah! Saka sa totoo lang, mas magiging okay ang paghihiwalay natin kuno kung si Kuya ang dahilan."

Itutuloy…

Chapter 8-B

"Kunwari labis raw kitang mahal kaya matapos kitang ipaubaya sa aking kapatid, ay hindi na ako iibig pang muli." ani Dylan.

Napahalukipkip siya.

"Ayun eh! Di nahuli rin kita. May hidden agenda ka pala."

"I'm just trying to shoot two birds with one stone ano!"

"Bahala ka na nga riyan." at binuksan niya ang pinto.

---

Pinatay ni Jericho ang flashlight, nang hindi niya makita ang daga na sinasabi kanina ni Danica.

Tumayo siya mula sa pagkakadapa sa sahig.

"Wala namang daga ah!"

"Wala ba?"

"Wala! At kung meron man, tiyak na umalis na yon. Kaya matulog ka na, okay?"

Mabilis na niyakap ni Danica si Jericho.

"Please stay here, Jericho. Takot kasi ako sa daga eh! Dito ka na lang matulog para may makasama ako. Sige na naman oh!"

"Hindi na babalik iyon!"

"Please, Jericho. Ayokong mag-isa."

"Okay! Tatawag ako ng katulong para may makasama ka ngayong gabi. Dito ko na lang siya patutulugin."

"Ayokong may katabing katulong." pagmamaktol ng babae.

"Mamay nyan may skin disease pa ang madala mo dito, edi nahawa pa ko. Ikaw na lang." ani Danica.

Napabuntong-hininga ang binata upang tuluyan pang habaan ang pasensya.

Batid nitong nagdadahilan lang si Danica, sa pagdala sa kanya sa silid nito.

"Gusto mo bang si Angeline na lang, ang makatabi mo?"

"Ang babaeng iyon! Jericho, alam mo namang i can't even stand that woman. Naiinis ako sa kanya!"

"Then, wala na akong maisip na pwede mong makasama."

Idinikit pang lalo ni Danica ang katawan nito sa katawan ng binata.

"Matitiis mo ba kong mag-isa, Jericho?" lambing nito.

Tuluyan ng nainis ang binata.

Kumawala siya sa pagkakayakap nito at huminto siya sa may pintuan nang maramdaman niya ang paghabol nito.

"Matulog ka na, Danica." utos niya sa naiiritang tinig.

"At huwag na huwag kong malalamang sumusunod ka pa sakin, dahil ngayon mismo pauuwiin kita sa inyo. Naiintindihan mo ba ko, Danica?"

Waring nakadama ng takot sa madilim na anyo ng binata ang babae.

Alanganin itong tumayo at bumalik sa kama.

Doon pa lang nakuntento si Jericho.

Itutuloy…