Kabanata 55 : Alona's POV

Nang mangyari ang insidente sa loob ng aking silid at nang pasukan ako ng misteryosong tao sa loob ay nagkataon namang pumasok sa loob si Karlos na may halong pag-aalala sa tono ng boses niya.

Sa mga sandaling iyon ay bigla akong nakaramdam ng pagdududa.

Bakit siya nandito? at paano niya nalaman na may naganap ditong insidente?

Nagkataon nga lang ba ang lahat? o baka may kinalaman siya sa mga naganap doon?

Sa kabila ng pag-uusisa kong iyon ay pinili ko pa rin ang magtiwala sa kaniya. Kung tutuusin, mabuti namang tao si Karlos at nararamdaman ko na totoo ang mga sinasabi niya sa akin. Ngunit hindi talaga maiiwasan ang magduda ako sa kaniya, lalo na't madalas ko siyang sinisigawan at pinagtatabuyan. At bihira lang sa mga lalaki ang may mahabang pasensya, lalo na sa mga katulad kong may pagkamatigasin at walang pakiramdam sa kaniyang paligid.

Habang tumatagal at habang lumilipas ang oras ay paunti-unti na rin akong nahuhulog sa kaniya. Hindi naman s