Eanna Beatrix
“Ba’t ginabi ka naman yata?”
Pahakbang pa lang papasok sa aming bahay ay malagom na boses na ang aking narinig. Sumalubong sa akin ang nakakunot na noo ni Kuya Arthur.
“Kuya! Anong ginabi? Nauna ka lang kamo sa akin umuwi,” pagbibiro ko.
“Eana naman, alam mo naman delikado riyan sa labas kapag ganitong oras ‘di ba? Mainit pa ang mata ng mga kriminal dito sa barangay natin kaya pabalik-balik sila rito,” sermon niya.
“Kuya naman, syempre nga kasi inubos ko na ‘yung paninda ko. ‘Di ba nga magpapa-check-up si Mama bukas? Sayang naman ‘yun kung matitira, dagdag kita rin.”
“Oh siya sige. Magbihis ka na ro’n. nagpaluto ako kay Mama ng sinigang. Malaki ang tip na nakuha ko sa talyer kaya. Mamaya iaabot ko sa’yo ‘yung ambag ko.
Nag-thumbs up sign ako sa kaniya at tumuloy na papasok. Pagkakita sa akin ng dalawa ay tumakbo sa akin agad si Miko at nagmano.
“Auntie! Sabi po ni Kuya Artemis, may pasalubong ka raw po sa’min?” naeexcite na tumalon-talon pa ang bata.
“Meron, pero kailangan ninyo munang kumain ng maraming gulay mamaya, okay?” pang-uuto ko sa mga ito.
“Yehey! Promise po, Auntie, kakain po kami ng gulay!” at para itong kiti-kiting bumalik sa pagkakaupo. Ako naman ay lumapit kay Artemis at humalik sa noo nito.
Pagkabihis ko ng pambahay ay tumungo na ako sa kusina. Nagmano ako kay Mama at tinulungan na siyang maghain. Pansin ko ang pananahimik nito habang naglalagay siya ng sabaw sa mangkok.
“Ma, ayos ka lang po?”
“O-oo ‘nak. Medyo naiinitan lang ako sa panahon.”
“Sigurado po kayo? Mainit nga po ang panahon kanina, kaya dapat po palagi kayong umiinom ng tubig. Hindi po ba naninikip ang dibdib mo?” nag-aalala kong saad.
“Hindi naman ‘nak. Sige na, tawagin mo na sila ng makakain na tayo.”
Sumunod ako sa kaniyang utos at pumunta sa sala. Nakita kong niwre-wrestling ni Miko si Artemis ngunit ang huli ay wala man lang karea-reaksiyon. Hindi ko tuloy alam kung mag-aalala ba ako dahil baka magkasakitan sila o matatawa sa itsura ng dalawa.
“Kakain na po, tayo na!”
Mabilis na tumakbo si Miko at parang hangin na dumaan lang sa aking gilid. Sumunod din naman ako sa kaniya at iniayos ang kanilang mga plato.
Nagsimulang magdasal si Kuya at taimtim lang kaming nakinig. Segundo lamang ang itinagal no’n at nagsimula na kaming magsandok.
Inuna ko muna ang dalawa bago ko lagyan ang aking plato. Tahimik pa rin si Mama sa mga oras na ‘yun. Maging si Kuya ay napansin din, nagkatinginan kaming dalawa at nag-uusap gamit ang mata kung sino ang unang magtatanong kay Mama.
Sa huli, nagwagi ako at siya ang bumaling kay Mama.
“Ma–”
“Mga anak–”
Nagulat ako sa sabay nilang pagsalita. Hindi ko mapigilan ang mumunting pagtawa at patuloy sa pagsubo ng aking pagkain.
“Kumain muna tayo. Mamaya ay mayroon tayong pag-uusapan.
Anunsiyo niya gamit ang kaniyang seryosong boses. Sa pagkakataon na ‘yun, alam namin na hindi lang basta ang pag-uusapan.
Tumahimik na kami ni Kuya at tanging dalawang bata na lamang ang panaka-nakang nag-uusap.
Hanggang sa matapos kami ay hindi na muling nagsalita si Mama. Hindi man mapakali sa inaakto nito ay nanatili na lang kaming tahimik ni Kuya.
“Eana, sumunod ka na lang sa sala kapag tapos ka na riyan.
Tumango ako at binilisan ang paghuhugas. Matapos ko ro’n ay agad akong pumanhik sa sala, nadatnan kong nanunuod ang tatlong lalaki habang si Mama naman ay tagos ang tingin sa tv.
Tumikhim ako upang kunin ang kanilang atensyon. Si Kuya Arthur ay saglit na nagpaalam upang ihatid sa silid ang dalawang bata. Umupo ako sa tabi ni Mama at hinaplos ang braso nito.
Tila’y nagising siya sa ginawa ko at bumaling sa akin ang kaniyang tingin.
“Ma, ano po bang meron? Kanina pa kayo tahimik. Nag-aalala na kami. May masakit po ba sa inyo?”
Sakto naman na pagdating ni Kuya ay umupo ito sa aming kaharap na sofa. Humawak ang kamay ni Mama sa akin at napabuntong-hininga.
“Ang lalim po no’n, Ma. Ano po bang problema?” si Kuya Arthur na ang unang nagsalita.
“Pumunta rito ang Attorney ng Papa ninyo. Hinatid niya sa akin ang balitang gusto na raw bawiin sa atin itong lupa at bahay,” panimula nito at mahihimigan ang kalungkutan sa kaniyang tinig.
"P-po?!” nabibiglang saad ko.
“Hindi ko alam kung anong problema ni Ernesto at gusto niya ito. Samantalang noon naman na naghiwalay kami, ipinaubaya niya na sa akin ito,” dagdag niyang wika.
“Baka naman po hindi pa nakakamove-on, Ma? Tapos kunyari gusto lang kunin itong lupain, pero dapat kasama kayo?” pabiro ko na ani upang mabawasan ang tensiyon sa paligid.
“Hindi anak, sinabi sa akin ni Attorney na gusto ng Papa mo na umalis na tayo at magpakalayo. Tayo na raw ang bahala kung saan tayo pumunta, basta raw ibalik natin ang lupa sa kaniya. Wala tayong laban doon mga anak, may titulo at patunay na sa Papa ninyo ito,” mababakas ang kaguluhan sa mukha niya at makikitang nag-aalala sa kung ano man ang mangyayari.
“Ma, paano po iyon? Si Papa po ba talaga ang may gusto no’n o ang asawa niya?” ani Kuya Arthur.
“Oo nga naman Ma, ‘di ba nga po sabi mo, siya ang nagsabi na ikaw na ang bahala sa kung ano man ang gagawin mo rito. Ma, sa tingin ko naman, wala ng pakialam ‘yun dito lalo na at ang laki naman ng bahay nila sa Bulacan,” pagsang-ayon ko kay Kuya.
“Walang nabanggit sa akin si Attorney tungkol diyan. Pati ako’y nalilito at palaisipan sa akin ito. Hindi ugali ng Papa ninyo na magpaalis o mang-angkin lalo na kung sa kaniya mismo nanggaling na ayos lang sa kaniya kung ikaw na gumamit ng bagay na dati’y sa kaniya."
“Kung siya po talaga ang nag-utos no’n, bakit hindi po siya ang humarap sa atin? Kung talagang gusto niya tayong paalisin at angkinin ang lupa na ito, aba’y pumunta siya rito Ma. Hindi iyong sa abogado niya lang inuutos, hindi natin sigurado kung siya o ang magaling niyang asawa ba ang nag-utos,” naiimbyerna ko na sambit.
“Sa makalawa ay babalik dito si Attorney, kailangan daw kasi natin magbigay kasagutan tungkol dito. Mga anak, ang mabuti pa’y magsimula na tayong maghanap ng malilipatan. Hindi na ako komportableng gumalaw lalo na sa kaisipan na gusto na itong kunin sa atin,” malungkot na suhestiyon niya pa.
“Ma, ganoon na lang ba 'yun? Matapos tayong iwanan at ipagpalit sa iba, ngayon naman kukunin sa atin ito na parang wala lang? Mayaman na siya Ma, bakit hindi na lang sila bumili ng ibang lupain,” galit na turan ni Kuya.
“Kung gusto ninyo na masagot ang mga tanong na ganyan, iminumungkahi ko na lumiban muna kayo sa mga lakad ninyo upang makausap si Atty. Benito sa issue na ito, mga anak. Alam kong hindi ninyo basta bibitawan itong bahay at lupa, lalo na at kabawasan na ito sa gastusin natin sa araw-araw. Ang hiling ko lang sana ay huminahon kayo sa sitwasyon na ito at sa oras na kaharap natin ang abogado. Kailangan natin ng kasagutan sa agarang desisyon ng ama ninyo, kaya sana ay tuparin ninyo ang kahilingan ko,” isang tango ang isinagot namin ni Kuya Arthur at pagkatapos no'n ay pinapahinga niya na kami.
Tahimik na ang paligid at tulog na ang lahat ng tao sa kabahayan, pero ako gising na gising pa rin. Saan naman kami makakahanap ng bahay? Hindi man lang nagbigay ng konsiderasyon kahit sana sa mga apo niya na lang.
Kung sabagay, wala naman siyang pakialam sa’min. Nagawa niya nga pala kaming talikuran para lang sumama sa iba.
Bakit ganoon? Buong pagkabata ko, palagi kong tinatanong kung bakit niya kami iniwan. Ano namang kinalaman ko? ‘Di sanay hindi na lang nila ako ginawa kung may balak pala siyang umalis.
Ngunit malaking palaisipan talaga sa’kin ang biglaang desisyon niya. Sa halos dalawampung-pitong taon na wala siya, ngayon niya lang naisipan na bawiin ang lupa’t bahay?! May kutob talaga ako na may kinalaman dito ang magaling niyang asawa.
Dala ko sa aking pagtulog ang plano na hanapin at sadyain sila sa Bulacan. Kahit saan man ‘yan, makita ko lang ang mukha niya pati ang bago niyang pamilya.
-----
Kinabukasan tahimik si Mama sa hapag, hindi ito ang nakasanayan namin na asta niya lalo na kung walang mabigat na problema.
Si Kuya Arthur naman ay nauna ng umalis at pumasok sa talyer. Ngayong araw din na ito ay tutungo kami upang mapa-check-up ang kalagayan niya.
Napabuntong-hininga ako at agad na kinausap siya.
“Ma, 'wag mo na pong isipin itong bagong problema natin. Ipahinga mo po muna iyang sarili mo dahil pupunta pa tayo sa doktor ‘di ba?”
“Nag-aalala ako Eana, paano na kayo ng kuya mo? At ang dalawang bata? ‘Nak… magdodoble kayod kayo ni Arthur kung sakali man na mangupahan tayo. Ayaw ko na dumagdag pa sa hirap ninyo ang ipambabayad sa upa. Mas mabuti nga itong may sarili tayong bahay at lupa, gastusin na lang natin sa pang-araw-araw ang iisipin."
“Ma. Ayos lang po, kung mangyari man 'yun, edi maghahanap pa po ako ng dagdag pagkakakitaan para may pang-suporta tayo sa pambayad."
“Tutulong ako nak, magtatahi siguro o pwede rin labandera."
“Ma! Kami na po ang bahala ni Kuya Arthur do'n, hindi mo po kailangan magtrabaho."
“Kaya ko pa naman anak, tsaka sa bahay lang din naman ako. Habang nagbabantay ako sa dalawang bata, may iba rin ako na pinagkakaabalahan.”
“Hindi pa nga po natin sigurado kung si Papa talaga ang may gusto na paalisin tayo rito e. Huwag na po muna natin pag-usapan 'yan, hintayin na lang po natin ang bukas. Basta po, hindi na kayo magtatrabaho. Kami na ang bahala ni Kuya Arthur."
“Paano naman ang dagdag na iniipon mo para sa pag-aaral mo sana sa sunod na pasukan?” may pag-aalala sa boses niya
“Ako na po ang bahala doon. Pwede rin naman pong kahit sa susunod na taon na lang. Mas mahalaga po ang pangangailangan ninyo,” tugon ko sabay paghagod sa kaniyang likod at braso.
Nagpupuyos sa sama ng loob ang aking damdamin. Hindi matatawaran ang lubos na galit ko sa aming ama. Sisiguraduhin kong makakatikim sila sa akin!
Farrel Juancho I was just silently tapping my fingers on my lap while watching tv when I heard the door at my right side opened. Zavier, my cousin was shocked upon seeing me in his office. “Hey, Juancho. How are you? Ngayon ka lang ulit nadalaw dito sa Manila,” pambungad niyang turan. Nandito ako sa hospital kung saan siya ang Doctor at anak ng isa sa mga may-ari nito. “Hm. Medyo maluwag ang schedule ko ngayon sa hacienda kaya may oras ako para dumalaw sa’yo,” sabay ngisi ko rito. “Really? If I know madalas naman na maluwag ang gawain doon, ayaw mo lang talagang maglagi rito dahil kukulitin ka na naman ni Tita Fiona sa mga anak ng kaibigan niya.” “Tsk. Sort of. I don’t know why she can’t understand that I am not comfortable when she’s setting me up to a date. Hay.” Tumawa ang gago at nang asar pa. “Oh, man. Why don’t you just accept it? Hindi ka na bumabata, months from now mawawala na ang edad mo sa kalend
Eana Beatrix “Eana, anak. Ayos ka lang ba? Kanina ko pa napapansin na nakatulala ka at namumula ang mukha mo. May masakit ba sa’yo?” nag-aalalang boses ng aking ina ang nangibabaw sa aking pandinig “W-wala po, Ma. Medyo mainit lang po.” “Sigurado ka ha? Sabihin mo sa akin kung may nararamdaman kang kakaiba sa katawan mo.” “Oo nga po, Ma. Sige na po, kain na tayo,” paninigurado sa kaniya. Kasalukuyan kaming nasa mall dahil napagdesisyunan kong ipasyal ang dalawang bata. Matagal tagal na kasi noong huli kaming pumunta rito. Habang kumakain ay hindi nawawaglit sa aking isipan ang lalaking nagtanong sa aking pangalan. Parang pamilyar ang kaniyang mukha, pero hindi ko alam kung saan ko na siya nakita. Ramdam kong namula na naman ang aking magkabilang pisngi ng maalala ang gwapong mukha nito, at kaniyang pag-ngiti sa akin. Diyos ko! Nababaliw na ba ako? Hindi naman siguro iyon paghanga dahil hindi naman kami ma
Farrel Juancho It's been two weeks but I'm still here in Manila. My cousin Zavier is surprised because I stayed here in the city for too long. If he only knew what the reason was, he would definitely tease me again. Ito kasi ang unang beses na tumagal ako rito. 1-3 days is the usual count that I stays here. Though, my Mom is very thankful for it, they got the chance to be with me. She's also giving suggestions on how can I find Bea. Of course, hiring private investigator is on the list but I didn’t accept it. Gusto kong ako ang makatunton sa kung saan man lupalop ng Manila nakatira si Bea. “Yes, fucker. Why’d you call?” Pambungad na saad ni Zavier. It’s still early in the morning and I was greeted by his bitter voice. “How’s your wife? I already missed her, can I visit?” para gaguhin pa siya lalo, dinagdagan ko pa ang pang-aasar ko sa kaniya. “She’s having a morning sickness! You fucker, shut up!” ang huling nari
Eana Beatrix Isang umaga na puno ang tensiyon sa pagitan ng aming pamilya at ni Attorney. Nagtitinginan kaming tatlo kung sino ang dapat na maunang magsalita upang masimulan na ang usapan. Pagtikhim ni Attorney ang nakapagpalingon sa amin sa kaniya. “Nandito ako upang mahingi ang desisyon ninyo sa bagay na aking ibinalita sa inyong ina. Batid ko na alam na ninyo ang tungkol doon. Hindi na ako magpapaligoy-ligoy pa,” paunang salita nito. “Bago po iyan, maaari ba muna namin malaman kung sino ang nasa likod ng pagpapaalis sa amin dito?” katagang isinambit ni Kuya Arthur. Sandaling nanahimik ito at parang tinatantya kung sasabihin ba o hindi. “A-ng ama ninyo,” maikling tugon nito. Sinasabi ko na nga ba, may hinuha ako na may kinalaman ang bagong asawa ni Papa sa pagpapaalis sa amin. “Hindi po kami naniniwala, ang sabi sa amin ni Mama, ibinigay sa kaniya ito ni Papa at sinabing bahala na siya kung ano man ang
Farrel Juancho Three weeks but feels like an eternal. I used to not care about the passing days, but now something has changed. On that three weeks, Zavier already called and told me the address of Bea. My eagerness to leave this hacienda and drive back to Manila is uptight, but I can't just leave. Napabuga ako ng hangin sabay bagsak nang katawan ko sa aking higaan. I am stressed out. All of the missing horses were found and the machines are already fixed, but we are still on the process finding the culprit whose behind all of these mess in my territory. Isang pagkatok sa pinto ang nakapagpabangon sa akin. “Sir, kakain na po. Nakahanda na sa mesa. Hinihintay na po kayo ng abuelo,” tinig ng kasambahay ang nasa labas. I decided to take a quick shower and changed my clothes to a comfortable one. Wala naman na akong ibang pupuntahan kaya mabuti ng ganito ang isinuot ko. Kapagkunway bumaba na rin ako agad. “Lo,” pagbati ko sa matanda
Eana Beatrix Araw ng Sabado ng makatanggap ako nang tawag mula kay Gisel. Sinabi niyang tutuloy kami ngayong araw, mabuti raw at napakiusapan niya ang kaniyang mga katrabaho na mag-ha-half-day siya ngayon. Sa nakalipas na dalawang araw ay naisipan ko munang magbenta ng ulam sa pananghalian at meryenda para sa hapon sa tapat ng aming bahay. Katulong ko si Mama roon at kami'y nagpapasalamat dahil pumatok sa aming mga kapitbahay ang luto niya. Isa na rin sa dahilan kung bakit 'yun ang naisipan kong ibenta ay dahil kay Kuya Arthur. Hindi niya ako pinayagang magtrabaho sa malayo at uuwi nang gabi. Mula nang mangyari ang pagtangka ni Kiko sa akin ay hindi na muna sila pumayag na magtrabaho ako. Kahit na ba'y sabihin ko na uuwi ako nang maaga, pero wala akong nagawa dahil sila pa rin ang nasunod. Ang laki ng pasasalamat ko sa araw na 'yun dahil si Kuya ang nakakita sa amin. Mabuti na lamang at inutusan siyang bumili ni Mama ng gamot at saktong
Farrel Juancho I can't contain the happiness and excitement that I am feeling right now. I am actually on my way to the address that Zavier gave me. Kahapon pa sana ako makakarating doon, subalit sa tagal ng byahe dahil traffic, halos dis-oras na rin nang gabi ako nakarating sa mansiyon. I have my own house just a few blocks away from my parents house. But yesterday I decided to stay with them, because I know that I will get up early today to visit someone. I also informed my Mom about today and she's been bugging me that she wants to come with me but I keep on telling her no. In the end, napakalma naman siya ni Daddy bago ito pumasok sa kompanya. Habang lumilipas ang bawat segundo na tinatahak ko ang daan papunta sa kanila ay hindi maalis sa akin ang kaba. What if she finds it weird? Hindi kami lubos na magkakilala para bumisita ako sa kanila. But, I am determine to know her more and let her know about my good intentions to her.
Eana Beatrix Ilang oras na nakaalis ang lalaking nagngangalang Juancho. Iyong lalaking naglahad na gusto niya raw ako. Nahihibang ba siya? Bukod sa kaniyang pangalan ay wala na akong ibang alam tungkol sa kaniya. Binibiro lang naman niya siguro ako 'di ba? Kung gusto niya talaga ako, bakit ngayon lang siya ulit nagpakita? Hindi ba dapat kinabukasan din niya ako hinanap? Teka nga, bakit parang ang assuming ko naman yata sa parte na iyon? At ang ngiti na naman na iniwan niya sa akin kanina! Parang gusto ko siyang hilahin pabalik at pangitiin na lang siya magdamag! Hay nako, 'bat parang ako naman yata itong nababaliw?! Napailing na lang ako at lumabas na sa banyo. Nadatnan kong nagbibilang si Mama ng mga pera na kinita namin kaninang hapon sa pagtinda. Ang dalawang bata naman ay nasa sala at kasalukuyang kumakain ng turon at lumpia na ibinukod ni Mama para may meryenda kami. Tuluyan akong umupo sa tabi niya para mat