Episode 17: From A Distance

"Before this semester ends, you will be given a one-week training related to your course, Diploma in Community Service. This whole class—" Umikot ang paningin ng professor nila nang isa-isahin nito ang mga estudyante. "Will reshuffe schedules and each group will be assigned in different areas as part of your training. Alphabetical tayo sa groupings. Are you excited, class? If you have any questions, raise your hand."

Wala siyang naiintindihan dahil okupado ang utak niya sa kalbong iyon. Ang kalbong iyon na babaguhin ang lahat-lahat sa kanya. Matapos nilang kumain sa restaurant kahapon, marami pang ipinangako ang aspiring politician sa kanya. Kaya pala ito kilala ng karamihan dahil isa itong batang-bata pang pulitiko na tumatakbo sa mataas na antas ng gobyerno. Iyon lang naman ang pagkaka-explain nito sa kanya kahapon pero kakaunti lang ang pumapasok sa kukote niya. Minsan, nahihirapan siyang intindihin ang lahat sa tagal ng pagkakatingga ng utak niya pero unti-unti na siyang nae-expo