Chapter 1.2 : Ang pagpapakasundo

Chapter 1.2

Habang binabasa ang nilalaman ng mga mensahe ay di niya mapigilan magalit sa kasinungalingang nilalaman nito.

”At kung kanino nanggaling ang mga mensahe?

Saan pa kundi galing sa gago niyang ex-boyfriend. ”

Sumabog ang WeChat group nila. Kahit wala pang nangyayari sa kanila ng dating nobyo ay pinapakalat nitong nagpadagdag raw sya ng dibdib, mapangahas at nagkukunwaring inosente pero nasa loob pala ang kulo niya. 

Sa madaling salita gusto nitong makaganti sa ginawa niyang pagpapakalat sa bidyo nito. 

Huminga ng malalim si Aleighna, naniniwalang may dahilan ang lahat ng nangyari. 

Nais ng Diyos na makita niya ang tunay na mukha ng gago na ito nang mas maaga, 

kaya naman nasaksihan niya ang eksenang iyon. 

Nang araw na iyon ay tinawagan niya ang kanyang ama na si Harry at sinabing pumapayag na sya sa alok nito. 

Dumating ang mag-ama sa mansyon ng pamilyang Stone at di maipagkakaila na sobrang yaman nga ng mga ito. 

Sa labas ng mansyon ay mapapansin mo na kaagad ang napaka-gandang pagka arkitekto sa naturang mansyon na napipintahan ng puti at pilak. 

At kung ano ang ikinaganda sa labas ay mas lalo namang ikinaganda sa loob. 

Sasalubong sayo ang napakalaki at napakagandang chandelier na nababagay sa napakahaba nitong staircase. 

Sa kanilang pagdating ay kaagad sila sinalubong ng mag-asawang Stone ngunit walang Bradley ang sumalubong sa kanila. 

Dahil alam ng mag-asawang Stone na pumapayag na nga si Angeleigh na pakasalan ang kanilang anak ay hindi nila maitago ang kanilang pananabik, lalong-lalo na si Mrs. Stone na matagal ng gustong magkaroon ng isang anak na babae. 

Iisa lang ang kahilingan ni Angeleigh sa kanila; ang ipa rehistro muna ang kanilang kasal. 

Ang dahilan niya ay kailangan maging legal ang lahat. 

Kung tungkol sa kasal, hindi niya ito kailangan.  

Walang pag aatubili na pumayag kaagad ang kabilang panig, at natatakot pa nga silang magbago ang isip ni Angeleigh at bigla itong umatras sa kasal. 

Nagkasundo kaagad ang magkabilang panig, at direktang inimbitahan ng ama ni Bradley ang mga tauhan ng Korte Suprema sa kanilang tahanan upang mas mapabilis ang pag pro proseso sa sertipiko ng kanilang kasal. 

Sa oras na ito habang naghihintay sa pagtatapos ng pag pro proseso ng kanilang kasal ay naisipan ni Angeleigh na mag ikot-ikot muna sa mansyon. 

Habang pinagmamasdan ang mga muebles at mga panauhin sa mansyon ay may larawang naka tawag sa kanya ng pansin. 

Larawan ito ng isang lalake at tama nga ang paglalarawan dito ni Shanice, na ang gwapo nga nito ,matangos ang ilong, mapula ang mga labi na para bang hinahalina ka na halikan mo ito at lalong-lalo na ang kanyang mata na para bang ika'y matutunaw habang tinititigan ka niya. 

Kahit pa napaka bata pa ng lalake sa naturang larawan ay di mo talaga maitatago ang angkin nitong kagwapuhan. 

Napapa isip na nga lang sya na kung hindi pa ito nagkaroon ng malubhang sakit ngayon ay hindi pa niya ito makikilala at mapapangasawa. 

Matapos ang ilang oras ay inabot ni Mrs. Stone sa kanya ang sertipiko ng kanilang kasal, kinuha naman niya ito at maingat na isinilid sa kanyang bag. 

Kumuha din ito ng isang black card at ibinigay kay Angeleigh. Bagama't walang kasal na naganap ay pareho pa rin ang dowry na ibinigay sa kanya. 

Binigyan din sya ng pera nito para sa kanyang araw araw na gastusin. 

Sa madaling salita, napaka bukas palad niya at napakalaking tulong nito para sa kanyang buhay. 

Hindi na sya tumanggi at tinanggap ito habang nagpapasalamat sa kabaitan ng mga ito sa kanya. 

Muli niyang tiningnan ang sertipiko ng kanilang kasal at napako ang tingin niya sa pangalan ng asawa “Bradly Xavier Stone.” at sya na rin ngayon si Mrs. “Angeleigh Victoria Lim-Stone. ”

Iniisip nyang muli ang napangasawa, alam kaya nito na ipinakasal ito ng mga magulang kahit pa sa kinakaharap nitong sitwasyon? 

Pag-alis sa mansyon ng mga Stone kasama ang kanyang ama ay di niya mapigilan tingnan ang mukha nito at kitang-kita niya ang pag kislap ng mga mata nito at di maalis alis na ngiti sa labi nito at naisip niya. 

“Siguro ay napakarami ng napagkasunduan at Ibinigay sa inyo ni Mr. Stone, hindi ba ama?. ”

Nagulat si Harry sa tinuran ng anak at di sya makatingin dito ng diretso

 ”Ano ba ang pinagsasabi mo?. ”

“Huwag ka nang magpanggap ama”, 

Huminto si Aleighna at direktang tiningnan ang ama sa mga mata. 

“Naisip mo ba na bago mo natanggap ang lahat ng benepisyo na ipinangako nila sayo ay may isang anak kang ibinenta para maisakatuparan ang lahat ng mga plano mo. ”

Napatigalgal at nahihiyang tumingin si Harry sa anak “Leigh”... 

Itinaas ni Angeleigh ang kanyang kamay, ayaw ng marinig kung ano man ang sasabihin ng ama. 

Nauna na nga siya rito naglakad, mahinahong sinabi “Ito na ang huling pagkakataon. Huwag mo na akong kontakin muli . ”

At nauna na nga siyang umalis dito at hindi na niya hinintay pa ang sasabihin nito. 

Alam na ni Shanice na ganap na ngang rehistrado ang kasal nila ni Bradley Xavier Stone at ngayon pa lang parang nalilito na sya sa mga pinaggagawa niyang desisyon at humantong na nga sya sa ganito. 

Sa kasamaang palad, huli na ang lahat para umatras ngayon. 

“Napakawalang-awa talaga ng tatay mo, kahit alam niyang hukay iyon na nababalot ng apoy, itinulak ka pa rin niya. Bobo ka rin, bakit mo agad kinuha ang sertipiko ng kasal? Kung pahihirapan ka niya, pwede kang tumakas bago binigay sayo ang sertipiko, pero kung ikaw ang unang kukuha ng sertipiko, walang saysay na tumakas ka kung gusto ka nilang patayin. ”

Balisa, galit, at namumula ang mga mata, Nag-aalala si Shanice sa magiging kahihinatnan ng kaibigan. 

Nakaramdam ng init sa puso si Angeleigh sa nakikitang pag-aalala ng kaibigan. Napaka swerte niya talaga dito. 

Ngumiti siya at inalo ang kaibigan “Nasa akin ang sertipiko ng aming kasal, pero wala akong balak magpakita sa kanya . ”

Tinitigan sya ni Shanice.  

Tuso ang mga mata ni Aleighna; kahit medyo malisyoso ang mga iniisip niya, totoo ang mga iyon. 

“Hindi ba’t sinabi mong hindi sya mabubuhay pagkalipas ng Pebrero sa susunod na taon?  Wala pang tatlong buwan ang natitira. Magtatago muna ako, at kapag mahina na sya para mang gulo, diyan na ako magpapakita na ako sa kanya. 

Maganda ang plano ni Aleighna pero sadya talagang napakalupit ng tadhana sa kanya. 

Hindi nagtagal pagkatapos niyang sabihin iyon,may lumapit sa kanya. 

“Mrs Angeleigh Victoria Lim-Stone? ”.

Yes? Sino po sila? 

Paumanhin madame, pero pinapasundo po kayo sa akin. 

“Gusto makilala ni Mr. Stone ang kanyang asawa. ”