Chapter 3.2 : Laban o Babawi

Chapter 3.2

Padami na ng padami ang mga nakikusyoso sa naganap na komosyon at maririnig mo ditong nakiki marites na ang mga ito kung ano ang totoong nangyari.

Kaya hinila at inilayo na ni Shanice ang kaibigan.

Hinaplos muli ni Jameson ang kanyang nasampal na pisngi at sinigawan ang lumalayong si Aleighna.

“Aleighna, tingnan natin kung hanggang saan ang tapang mo! Humanda ka! . ”

Sa hindi kalayuan, nasaksihan ni Bradley ang buong eksena, kasama na ang pagsampal ni Aleighna sa lalaki.

Nagulat naman si Landon sa nasaksihan at may pagka-Amazona pala ang napangasawa ni Mr. Stone.

“Mr.Stone, Ang lalaking iyon ay si Jameson Fuentabella, kilala bilang isang notorious playboy. Ilang araw na ang nakalipas, isang video nito ang kumalat sa internet. Ngayon ay tila ang taong nag record at nag post ng video ay si Madam Aleighna. ”

Matagal nang pinabura ni Jameson ang naturang video ngunit may nakuha pa ding kopya si Landon nito, inabot ang telepono at ipinakita kay Bradley ang video.

Pinanood ni Bradley ang naturang video ngunit wala kang makikitang emosyon dito habang pinapanood ito.

Tumikhim si Landon at itinabi ang telepono , at sinabing, “Hindi kilalang mabait na tao si Mr. Fuentebella. Lalong-lalo na ayaw nitong mapahiya sa napakaraming tao, panigurado maghihiganti ito kay madam Aleighna. ”

“She should own up her own actions and face its consequences.” walang pag aatubili na saad ni Bradley

“ If he wants to get back at her then she deserves it. ”

Anak ng tupa! Dapat ba niyang ipaalala ulit dito na asawa na nito ang pinag uusapan nila at di ibang tao.

Nanahimik na lamang siya at di alam ang kung ano susunod na sasabihin.

“Kaya ba, makikipag divorce ka pa rin sa kanya?. ”

Hindi na mapigilan itanong ni Landon kay Bradley ngunit binigyan lamang siya nito ng napaka lamig na tingin.

Sa kabilang banda, ay napapaisip si Bradley kung bakit iniisip niya ang mukha ng mapanlinlang na babae.

Nanatili pa rin si Angeleigh sa bahay nina Shanice hanggang sa dumilim. Nangangalaiti naman sa galit si Shanice sa dati niyang nobyo habang nag-aalala na baka gumanti nga si Jameson sa kanya.

Gayunpaman, hindi natatakot si Aleighna sa maaaring gawin ng dating nobyo.

.

“Bakit kaya hindi tayo humingi ng tulong sa asawa mo? Tutal, asawa ka na niya. Siya ang pahaharapin natin sa gago mong ex, tingnan lang natin kung hanggang saan ang tapang ng gagong yun. ”

“Naririnig mo ba ang sinasabi mo Shanice?, Ako? Hihingi ng tulong sa lalaking yun? Eh kulang na nga lang patayin niya ako sa sakal sa sobrang inis niya sa akin eh. ”

Mas natatakot pa nga sya sa asawa kesa sa gago niyang ex.

Hindi niya pa gaanong nakikita ang tunay nitong ugali, pero base sa nasaksihan niya kanina ay masasabi niyang sa likod ng nakapaka gwapo nitong pagmumukha ay nagtatago ang mala demonyong ugali nito.

“At tiyaka ayaw ko siyang ituring na parang tunay na asawa, mag asawa nga kami pero hanggang sa papel lang, period. ” Labas sa ilong niyang sabi.

“Kung ganon, Ano ang dapat nating gawin? Hindi natin alam kung anong plinaplano ni Jameson laban sayo, Bakit hindi ka nalang kaya dito tumira at ng may kasama ka. ”

“Wala siyang gagawin sa akin, at kung meron man; alam mo namang kaya ko ang sarili ko. ”

Paulit-ulit niyang tiniyak kay Shanice na walang mangyayaring masama sa kanya at proprotektahan niya ang kanyang sarili, kaya wala na itong nagawa kundi pauwiin sya.

Ang bahay na kanyang tinitirhan ay isang two-storey apartment, may dalawa itong kwarto at napakalaki ng espasyo ng kanyang salas kaya tamang tama lang ito sa kanya.

Regalo ito ng kanyang ama, bago pa pinakasalan nito ang kanyang madrasta.

Dati-rati kasi ay napakalapit niya sa kanyang ama, Daddy's girl nga sya kung tutuusin, pero lahat ng iyon ay nagbago ng muli itong magpakasal.

Iwinaksi ang mga iniisip tungkol sa pamilya, naisipan niya muna maligo bago magpahinga.

Katatapos lang niyang maligo at nakahiga na siya sa sofa habang nanunuod ng isang thriller series entitled “Paradise.” , nang sunod-sunod niyang makita na umilaw ang kanyang telepono.

Hindi pamilyar sa kanya ang naturang numero, kaya nag-aalinlangan siyang sagutin ito.

Huminga muna siya ng malalim bago naisipang sagutin ang tawag.

“Sino ito? . ”

“Tomorrow, 8 am sharp. Be at the court, We will file our divorce papers. ”

Pagkarinig niya ng malamig na boses sa kabilang linya ay kaagad niya itong nakilala, ang tumatawag pala sa kanya ay ang asawa.

Napaisip siya kung paano nito nakuha ang kanyang numero ngunit napagtanto niyang isang mayaman at makapangyarihang tao ang kanyang asawa, napakadali lang dito na hanapin ang kanyang numero.

Napa-upo si Angeleigh ng marinig ang tinig ng asawa sa kabilang linya , pilitin man niyang itago ang nagbabadyang ngiti sa kanyang mga labi ay di niya pa rin maiwasan.

Masaya siyang marinig ang boses nito.

Pilit pinapakalma ang sarili ay banayad niyang sinagot ang asawa “ Nagpakasal ako sayo Mr. Stone upang makasama at makapiling ka habang buhay, kaya kung inaakala mo na basta-basta nalang kitang papakawalan,pwes manigas ka. ”

“Nasa tamang pag-iisip ka ba ngayon,babae?

Alam mong may sakit ako pero pumayag ka pa rin magpakasal sa akin o baka tama nga ako na pera ko lang ang habol mo sa akin?. ”

Maanghang na tanong sa kanya ni Bradley.

Oo, inaamin niya mukha nga siyang pera.

Sino ba ang hindi mga mukhang pera sa panahon ngayon, na lahat na ata ng mga bilihin ngayon nagsi mahalan na.

Naisip ni Aleighna ngunit di niya ito magawang sabihin kay Bradley.

“Cat got your tongue?, you know that I'm right. Hintayin mo munang mamatay ako bago mo makuha ang yaman ko. ”

Bagama't inaasahan na niyang ganoon talaga ang mga possibleng mangyari ay hindi niya pa din maiwasan masaktan kapag napapaisip siya tungkol dito.

“Huwag mong sabihin yan, advance na ang mga medical technologies ngayon, at may mga gamot na ding ginawa para sa iba't-ibang sakit; anuman ang sakit mo ay tiyak na gagaling ka kaagad. ”

“Makipag cooperate ka lang sa mga pinapagawa ng mga doctor sayo ,at nandito din ako handang umalalay sayo . ”

Hindi alam ni Aleighna kung saan siya humugot ng lakas at nasabi niya ito kay Bradley.

Kahit na ipinagkasundo lamang sila ng mga magulang ay di niya pa rin maiwasan mag-alala para rito.

Sa kabilang linya naman ay natahimik si Bradley, iniisip kung tunay ba talagang nagaalala sa kanya ang babae o magaling lang talaga itong magpanggap.

“Don't even pretend to care for me, cause your not; I don't wanna hear this from you, you understand?!. ”

Nabigla naman si Aleighna sa pagsigaw nito sa kabilang linya, mainitin talaga ang ulo nito.

“Maghanda ka na para bukas babae, baka nakakalimutan mo, hindi pa din ako sang-ayon sa pagpapakasal sayo. ”

Mabilis naman itong kinontra ni Aleighna.

“Baka nakakalimutan mo din, ang nagpa sertipiko ng ating kasal ay ang mga magulang mo, kaya kung gusto mo talaga makipag divorce sa akin ay magsabi ka muna sa kanila. ”

“You don't know me, woman. I can do anything in just one snap. ”

“Ganoon ba? Oh edi, Sige goodluck sayo, Matulog ka na at ayaw ko pa naman napupuyat ang hubby ko, Byeeerrss.”

Mabilis na ibinaba ni Aleighna ang tawag, hindi na hinintay pang makasagot ang asawa.

Paniguradong nagngingitngit na ito sa galit sa kanya ngayon.

Ngayon pa lang ay kinakabahan na siya sa mangyayari sa kanya kinabukasan.

Kinabukasan ay nakapaghanda na si Aleighna sa kanyang sarili para sa magiging lakad niya sa araw na iyon.

Habang naghihintay ng masasakyan na taxi ay biglang may humintong magarang na sasakyan sa kanyang harapan.

Ibinaba ng driver ang salamin ng sasakyan at mas nabigla siya kung sino ang sakay nito.

Si Mrs. Stone nakangiting kumakaway sa kanya at iniimbintahan siyang pumasok sa loob ng sasakyan.

Nalilito at kinakabahan man ay pumasok si Aleighna sa sasakyan,iniisip kung ano ang kaya mangyayari sa kanya sa araw na ito.