Betrayed by My Ex-Husband, Claimed by His Stepbrother

NAPALINGON si Thea nang bigla na lang umilaw ang screen ng cellphone ng kanyang asawang si Justin. Nasa banyo ito at naliligo samantalang siya ay tapos na siyang maligo kanina pa. Hindi naman talaga siya yung tipong pakialamera pagdating sa mga ganung bagay, lalo na ang kalikutin ang cellphone ng asawa niya.

Sigurado naman siyang hindi siya nito kayang lokohin pero hindi niya alam kung bakit parang may bumulong sa kaniya na tingnan niya ito. Bukod pa doon ay kusa na lang gumalaw ang kanyang mga paa para lumapit sa bedside table kung saan ito nakapatong. Ilang sandali pa ay muli na namang itong umilaw at isa pang mensahe ang nag pop-up sa screen ng cellphone ng asawa niya.

Dala ng curiosity ay pinulot niya ito at binasa. ‘Are you coming tonight?’

Natigilan siya sa nabasa. Gusto niya pa sanang buksan ang message ngunit naka-lock ang cellphone at hindi niya mabuksan.

Kasunod nito ay narinig niyang bumukas ang p***o ng banyo. Narinig niya ang papalapit na mga yabag ng asawa niya at sa sumunod na sandali ay bigla na lang siya nitong hinalikan mula sa likod at dumapo iyon sa kanyang leeg.

Gumapang ang halik nito patungo sa punong tenga niya at ang kamay nito ay pumulupot na sa kanyang beywang bago pumaloob sa damit niya. Kaya lang ay mabilis siyang lumayo dito.

Napuno ng pagtataka ang mukha nito habang nakatingin sa kaniya. Mabilis niyang itinaas ang cellphone nito at ipinakita ang message na pumasok galing sa isang number na hindi nakasave. “What is the meaning of this?” malamig na tanong niya sa kanyang asawa.

Natigilan ito sandali bago kinuha ang cellphone nito sa kamay niya. Binuksan nito iyon at pagkatapos ay tinawagan ang numero na nagpadala ng mensahe. Sinagot naman nito iyon kaagad. “What is the meaning of this message? My wife read it and she’s upset.” malamig ang ekspresyon ni Justin. Naka loudspeaker ang tawag kaya malinaw niyang narinig ang sagot mula sa kabilang linya.

“I- I’m very sorry sir. Nagkamali lang po ako ng send, sa boyfriend ko po sana iyon. Pasensya na po talaga.” tinig iyon ng babae.

Hindi na sumagot pa si Justin at mabilis na pinatay ang tawag. Lumambot ang ekspresyon nito at ibinaba ang cellphone sa bedside table. “Ang sekretarya ko iyon honey. Narinig mo naman kung anong sinabi niya hindi ba? Na wrong sent siya.” muli itong lumapit sa kaniya at hinawakan ang kanyang mukha.

Sinubukan siya nitong halikan muli ngunit mabilis niyang iniiwas ang kanyang mukha dahil bigla na lang siyang nawalan ng gana.

“Honey?” puno pa rin ng pagtataka ang mukha ng asawa ngunit mabilis niya itong itinulak. “Hindi mo ba narinig ang sinabi niya? Kung gusto mo ay bukas ay tatanggalin ko na siya dahil lang doon.” sinubukan siya nitong hawakang muli ngunit umatras siya at lumayo rito.

“Pagod ako. Pwede bang bukas na lang?” tanong niya at humiga na sa kama.

Dalawang taon na silang kasal ng asawa niya at wala pa ni isang beses na pinaghinaalan niya itong may babae dahil palagi nitong ipinapakita sa kaniya na mahal siya nito.

Sinundan siya nito sa kama. Sinubukang halikan ngunit itinulak niya lang ito. “Justin ano ba?! Pagod ako, bukas na lang.” nagkumot siya pagkatapos. Hindi niya narinig na sumagot ito sa halip ay isang matalim na buntong hininga ang pinakawalan nito.

“Fine, pupunta na lang muna ako sa study at may tatapusin ako. Good night.” hinalikan pa siya nito sa tuktok ng kanyang ulo.

Hindi siya sumagot hanggang sa narinig niyang bumukas ang p***o at sumara.

~~~~

Isang malakas na kulog ang nagpagising kay Thea. dahan-dahang siyang umikot para tingnan ang asawa niya ngunit wala ito sa tabi niya. Tumingin siya sa orasan at nakita niyang alas tres na ng madaling araw.

Sa isip-isip niya ay hindi pa kaya natutulog ang asawa niya at bakit wala pa ito sa tabi niya?

Bumangon siya mula sa kama para magpunta sa study kung saan ito nagpunta ng magpalam ito kagabi ngunit nagulat siya nang pagpasok niya sa loob ay wala naman doon ang asawa niya. Nagsalubong kaagad ang mga kilay niya. Saan naman kaya ito nagpunta?

Sinubukan niyang hanapin ito sa mag katabing silid ngunit hindi niya ito natagpuan kaya bumalik siya sa silid nila at sa puntong iyon, nagulat siya nang bigla na lang umilaw ang screen ng cellphone niya. Pinulot niya ito at nakita niya ang isang mensahe galing sa hindi niya kilalang numero.

‘Alam mo ba kung nasaan ang asawa mo?’

‘Nandito lang naman siya sa tabi ko.’ kasunod nito ay ang isang address. Nanginig ang mga kamay niya at lumakas ang tibok ng puso niya. Ayaw niya sanang maniwala ngunit kusa na lang gumalaw ang katawan niya. Nagbihis siya at pagkatapos ay dinampot ang susi ng kanyang sasakyan at nagmaneho.

DUMATING si Thea sa isang bahay. Tuloy-tuloy siya sa pagpasok. Hindi naka-lock ang p***o at sa sala pa lang ay nagkalat na ang mga damit sa sahig papunta sa isang silid. Halos manginig ang katawan niya. Hindi siya makapaniwala. Parang ayaw niyang maniwala na gagawin iyon ng asawa niya sa kaniya.

Sa dalawang taon nilang pagsasama ay wala itong ibang ipinakita sa kaniya kundi ang pagmamahal kaya paanong… hindi. Baka pinagtripan lang siya ng kung sinomang nagtext sa kaniya. Hawak niya ang kanyang cellphone, tinawagan niya ang numero ng kanyang asawa at napalingon siya sa mesa na nasa sala. Nakapatong doon ang cellphone ni Justin, nagriring.

Ang agam-agam niya ay biglang nawala at isang katotohanan ang sumampal sa kaniya— her husband is cheating.

Umatras siya. Hindi siya gumawa ng eksena. Ang kanyang mga mata ay nag-umpisang magtubig. Halos manginig siya sa galit. Bakit? Bakit? Tanong niya sa kanyang isip pero hindi niya magawang sagutin ang tanong niya.

…