Kabanata Cincuenta y cinco

MATAPOS NA MAGAWA ang ipinag-uutos ni Ramon ay nilagay ni Mr. O. ang litrato at liham sa loob ng brown envelope.

Pagkatapos ay hinarap ang mga tauhan na halos magsiksikan sa sala at ang iba'y pinili na lamang pumwesto sa kusina.

Si Ramon ay nasa nag-iisang kwarto sa loob ng lumang bahay na minadali pa nilang linisin upang mas lalong hindi uminit ang ulo nito. Nagkulong ito sa loob dahil sa naiinis pa rin sa sitwasyong nararanasan.

Nilingon pa niya ang saradong pintuan bago lapitan ang isang tauhan na nakaupo sa sahig dahil sa kawalang ng mauupuan. “Alam mo'ng address ng mga Lopelion?”

Umiling ito kaya bumaling siya sa iba. “Sino sa inyo ang nakakaalam ng address ng mga Lopelion?”

Walang nagtaas ng kamay kahit ang ilan sa mga tauhan ay alam ang address ng mga Lopelion. Natunugan ng mga ito na may uutusang magtungo ro'n para maipadala ang brown envelope pero ang problema ay ang biyahe pabalik. Baka mahuli ang sino mang aalis at maiwan ng barko.

At walang gustong magpaiwan sa takot na bak