Kabanata 20

Nang makabalik na si Davina sa hotel ay dumiretso na siya sa kwarto niya at ibinalik na uli sa hidden pocket ng maleta niya ang mga ginamit niya. Mabilis siyang nagtungo ng banyo para makaligo. Nilinisan niya ang buo niyang katawan at nang matapos siya ay pinatuyo niya na rin ang buhok niya gamit ang blower.

Pinatuyo niya na nang pinatuyo ang buhok niya saka siya dumiretso sa kama niya at nahiga na. Hindi siya pwedeng mahalata ng mga taong nakakasama niya sa lugar na ito. Tiningnan pa niya ang cell phone niya at may ilang tawag na dun si Caspian pero hindi niya na iyun pinansin at ipinikit niya na ang mga mata niya.

Subalit, ilang minuto pa lamang ang nakalipas ay may kumatok na sa pintuan niya. Hindi niya na muna iyun binuksan dahil kailangan niyang magpanggap ng tulog na siya pero nagpaulit-ulit lang ang katok sa pintuan niya kaya isinuot niya na ang pang-ibabaw niyang pangtulog saka nagtungo sa pintuan. Kunwaring pakurap-kurap pa ang mga mata niya saka niya tiningnan kung sino ba a