Kabanata 21

Nang makabalik sila ng Manila ay naiwan na silang dalawa sa bahay ni Caspian. Nakasimangot naman si Sophia dahil labag sa loob niyang iwan si Davina at Caspian ng silang dalawa lang sa iisang bahay.

“Hindi mo kailangang mag-alala sa kanila, sigurado namang aalagaan ni Davina si Caspian.” Pangungumbinsi ni Railey kay Sophia.

“Aalagaan? Ano bang alam ang babaeng yun? Baka siya pa itong maging dahilan para lumala ang kalagayan ni Caspian eh.”

“Hindi man sila lubos na magkakilala, mukha namang mapagkakatiwalaan si Davina.” Sabat na rin ni Max habang nananatiling tahimik si Evander.

“Siya nga itong dahilan kung bakit may tama si Caspian diba? Kung hindi lang siya pinuntahan ni Caspian at yakapin malamang baka ang babaeng yun ang may tama ngayon, tssss. Saka hindi ba kayo nagtataka? Bakit si Davina ang puntirya ng lalaki? Sige nga.”

“Sophia, enough.” Maawtoridad na saad ni Evander kaya napairap na lang sa hangin si Sophia dahil kapag si Evander na ang nagsalita natatahimik na rin silang