Kabanata 50

Halos lahat ng team ni Davina ay aligaga na nagpunta sa office ni Mr. Flores dahil ipinatawag silang lahat na under ni Davina.

“Sa tingin mo, ano kayang ipapagawa sa atin ni Sir?” tanong ni Jillian kay Rose na isa rin sa team ni Davina.

“Hindi ko rin alam baka maaaring may kinalaman kay Davina.” Seryoso niya namang sagot. Napatigil naman si Jiliian at biglang kinabahan. Paano kung nalaman ni Mr. Flores na ibinigay ni Jillian ang folder na nagpapatunay sa pagkatao ni Caspian?

Napalunok na lang siya at muling sumunod sa mga kasama niya. Inayos niya ang expression ng mukha niya para kung sakaling tanungin siya ni Mr. Flores, masagot niya ng maayos ang lahat ng tanong.

Magkakasama na silang lahat at sabay-sabay na sumaludo nang makarating sila sa office ni Mr. Flores.

“Maupo kayong lahat,” utos niya sa mga ito na ginawa naman nila. Nakatayo si Mr. Flores sa tabi ng bintana niya saka niya hinarap ang mga tauhan ni Davina.

“Alam niyo naman ng matagal ng hindi nakakabalik si Davina at hindi