Para na siyang magnanakaw sa paglalakad niya sa tuwing duty niya. Para siyang palaging tumatakas, imbis na wala siyang iniisip ngayon, nagkaroon pa nang dahil lang sa isang gabing pag-iinom niya.
“Kahit kailan talaga pahamak ka sa buhay ko.” inis niyang saad habang tinutukoy ang ex-boyfriend niya. Mabilis siyang tumakbo patungong elevator dahil baka makita pa niya ang Boss niya. Dati para sa kaniya napakalawak ng hotel pero ngayon pakiramdam niya ang liit na nito. Bihira lang naman niyang makita ang Boss dati, suntok sa buwan pa nga pero bakit ngayon? Para na itong kabute na lumilitaw na lang kung saan-saan at kung kailan gusto.
Gusto niyang humingi ng tawad dito dahil sa ginawa niya dahil baka iyun pa ang maging dahilan para mawala siya sa trabaho pero hindi niya alam kung saan pa siya kukuha ng lakas at kapal ng mukha para lumapit at kausapin ang Boss niya. Baka iniisip na nitong isa lang siyang mababang uri ng babae at walang respeto sa sarili.
Napabuntong hininga na lang siya saka siya naupo para makapagpahinga saglit.
“Katapusan ko na yata, bakit ko pa kasi yun ginawa? Ang tanga tanga mo Mia, ikaw mismo ang naglalagay sa panganib sa sarili mo.” mahina at tila nanghihina niyang saad, mahal niya ang trabaho niya sa hotel at ayaw niya nang maghanap pa ng ibang hotel dahil ito na ang pinakamaganda, pinakamalaki at pinakasikat na hotel sa buong Pilipinas. Hindi niya alam ang magiging buhay niya kapag nawalan siya ng trabaho.
“Mia Morales!” tila nagising ang buong diwa at ang dugo niyang natutulog nang marinig niya ang malakas na sigaw ng head nila. Dali-dali siyang tumayo at mabilis na tumakbo para puntahan si Ms. Red. Halos magkandapa-dapa siya para lang makarating sa Manager nila.
“Manager,” hingal niyang saad habang nakayuko, hindi rin niya sigurado kung nalaman na ba ng Manager nila ang tungkol sa kabaliwan niyang ginawa dahil kung oo baka hindi na ito aabutin ng kinabukasan sa trabaho niya.
“Bakit wala pa rin sa akin ang mga reports na kailangan ko?! Hindi ba at sinabi ko na yun sayo nung nakaraan pa?!” halos mabingi siya sa lakas ng sigaw nito sa kaniya na akala mo ay napakalayo ng kausap niya.
“Pasensya na po kayo Ma’am kukunin ko na lang po.” Mabilis niyang sagot saka nagmadaling umalis para kunin ang mga papeles. Marami na siyang ginagawa kaya hindi niya naalala ang tungkol dun. Nakalimutan niyang ibibigay nga pala niya yun kapag nakaduty na siya ng araw. Mas nakakapagod kasi ang araw na duty para sa kaniya dahil mas maraming gawain, nandun din ang iba’t ibang ugali ng mga customers dahil mas maraming nagchecheck in kapag araw.
Pumasok na siya sa isang kwarto na walang ibang laman kundi ang mga papeles. Trabaho niya ang mag-asikaso ng mga guests ngayon pero hindi niya alam kung bakit paborito siya ng Manager nilang utos-utusan.
“Kaya niya naman kasing kunin kung bakit iuutos pa niya, tssss.” Pagrereklamo niya dahil ramdam na talaga niya ang pagod niya. Mabilis niya na lang kinuha ang lahat ng mga papeles na kailangan niyang ibigay sa Manager nila saka siya nagtungo sa office nito. Kumatok na muna siya rito saka siya pumasok nang marinig niya ang boses ng Manager nila sa loob.
“Ito na po lahat ng mga kailangan niyo ma’am.” aniya saka ibinaba sa lamesa ang lahat ng mga papeles.
“Sige makakaalis ka na.” sagot nito nang hindi na tinitingnan si Mia. Bahagyang yumuko si Mia saka lumabas na nang office. Mabagal na ang paglalakad niya dahil masakit na ang mga paa niya, kanina pa siya lakad nang lakad. Bumaba na siya hanggang sa makita niya si Sarah na nakikipag-usap sa isang guest.
Sa itsura pa lang ng guest ay alam mo nang may inirereklamo ito o nagagalit kay Sarah. Nilapitan niya ang dalawa at napatingin na rin sa kaniya ang guest na nag-aalburuto na sa galit.
“Sino ka ba para pagbawalan ako sa mga gusto ko?! Kayong mga nagtatrabaho rito ay walang pinagkaiba sa mga katulong, mga utusan pa rin! Hindi porket nakatapos ka, katulong ka pa rin!” sigaw nito sa pagmumukha ni Sarah, nakayuko na ito at ginagawa ang buo niyang makakaya para manatiling kalmado.
“Anong nangyari? May problema po ba ma’am?” mahinahon na tanong ni Mia sa guest.
“Iyang kasama mo ang may problema?! Akala mo kung sinong nag-uutos, pare-pareho lang din naman kayong mga katulong dito.” pagmamaliit niya sa mga trabaho nito. Matamis na ngumiti si Mia sa guest, dahil sa trabaho nila kahit anong mangyari o kahit gaano kagalit ang guest nila they need to be calm.
“Huwag niyo naman ho sanang maliitin ang trabaho namin. Kung may problema po pwede niyo naman po kaming lapitan ng mahinahon para po masolusyonan natin kung ano bang problema.”
“Sinabi ko nang wala akong problema diba?! bingi ka ba?! pareho kayong dalawa! Mga basura.” Wika nito saka dumura sa sahig. “Punasan mo, punasan mo gamit ang mga kamay mo tutal yan naman ang mga trabaho niyo diba? Sa amin nanggagaling ang mga sweldo niyo.” Nakangisi nitong saad, nananatili namang kalmado si Mia pero si Sarah kaunti na lang ay papatulan niya na ang guest na ito na akala mo ay binayaran niya na ang mga buhay ng mga hotelier.
“Ano bang nangyari? Anong ginawa mo?” tanong niya na kay Sarah, kailangan niyang malaman kung anong pinagsimulan ng lahat para matapos na ito at maibigay na kung anong kailangan ng guest.
“Naninigarilyo kasi siya rito na ipinagbabawal ng hotel. Sinabihan ko lang naman siyang bawal manigarilyo kung gusto niya sa labas na lang siya.” sagot niya naman, nagulat na lang sila nang biglang hilain ng babae ang buhok ni Sarah kaya mabilis na pumagitna si Mia para awatin ang guest.
“Sino ba kayo para utusan ako?! ha?! VIP ako, VIP ako rito! baka gusto niyong mawalan ng trabaho? Ha?!” pagmamayabang nito habang ipinapakita ang VIP card niya.
“Akala mo kung sino ka na! Tandaan mo, nagtatrabaho kami ng matino at marangal dito, kung makapagsalita ka akala mo binili mo na ang buong pagkatao namin!” hindi na mapigilan ding sigaw ni Sarah, punong puno na siya dahil kanina pa sila minamaliit ng babaeng ito.
Hinawakan siya ni Mia para pakalmahin ito subalit pagharap ni Mia ay siyang pagsaboy din sa kaniya ng guest nila ng tubig sa mukha. Mariin niyang ipinikit ang kaniyang mga mata at pilit na kinakalma ang sarili dahil kapag nagpadala sila, sila ang talo.
Tipid siyang ngumiti saka pinunasan ang mukha niya.
“Yan ang nararapat sa mga katulad niyo.”
“Sumosobra ka na talagang babae ka!” sigaw ni Sarah at akma niya sana itong sasampalin pero pinigilan niya ang sarili niya. Baka siya ang mawalan ng trabaho kapag ginawa niya iyun, naiinis lang siya dahil sa sinasabing customers are always right.
“That’s enough, hayaan mo na.” kalmadong saad ni Mia, pagod na siya tapos dumagdag pa ang babaeng ito. Hilaw na natawa ang guest dahil sa akmang pagsampal sana sa kaniya ni Sarah.
“I will report you both.” Matigas niyang aniya.
“Pag-usapan na lang siguro natin ng maayos Ma’am para hindi na lumaki pa. Para matapos na po ito, sumunod na lang po tayo sa rules, sa labas na lang po kayo manigarilyo.” Nakikiusap na wika ni Mia.
“Sino ka para utusan at pagbawalan ako?!” akma niya sanang sasaktan si Mia nang mabilis na pinigilan ng kanilang manager ang guest. Pilit na inaalis nang guest ang pagkakahawak sa kaniya ng Manager subalit mas malakas sa kaniya ang Manager.
“Ma’am,” gulat na saad ni Mia at Sarah dahil sa biglaang pagsingit ng Manager nila. Pareho na silang tahimik ngayon at nakayuko dahil nandyan na ang Manager nila, hindi nila alam kung anong sasabihin nito sa kanilang dalawa.
“Mukhang ikaw ang head ng dalawang ito? Mabuti naman at pumunta ka rito dahil bagsak ang serbisyo ng dalawang hotelier niyo! Anong klaseng mga empleyado ba meron kayo?!”
“I am not here para pagalitan ang dalawang ito, we are not going to tolerate that kind of attitude you have. Daig ka pa ng dalawang basurang sinasabihan mo dahil mas marunong pa silang umintindi. Malaki na yung symbol na yan na bawal ang paninigarilyo sa loob ng hotel pero hindi mo pa rin maintindihan?” napaangat nang ulo ang dalawa dahil sa hindi nila inaasahan na sinabi ng head nila. Hindi makapaniwalang tumawa ang guest dahil din sa sinabi ng Manager.
“Pare-pareho lang kayong lahat, mga umaasa lang sa mga pera namin.”
“Pera lang ang ibinibigay mo pero hindi mo mapapalitan at mapapantayan ang serbisyo namin. Sige subukan mong matulog sa marumi at mabahong higaan kung wala kami, subukan mong umihi sa maruming cr, subukan mong maligo sa makati at malabong swimming pool. Subukan mong tapunan ng pera kung makikita mong lilinis at babango ang lahat ng yun. Subukan mo at kapag nagawa mong pagalawin ang mga pera mo baka doblehin pa namin yan.” Nagngitngit naman ang mga ngipin ng guest na yun at hindi nakasagot sa Manager.
Akma na sanang aalis ang guest para pumasok sa kwarto niya nang bigla siyang pigilan ng Manager.“Ano ba?!”“Hindi mo ba talaga maintindihan? Alisin mo yang sigarilyo mo.”“Aalis na nga ako diba?!” pasigaw nitong sagot, tinawag naman ng Manager ang dalawang guard.“Palabasin niyo yan.” Utos niya rito na mabilis ding sinunod ng dalawang gwardya.“Ibaba niyo ako! Ano ba! Nasa loob ang mga gamit ko!” pagsisigaw niya, inutusan naman ng Manager ang isang babae para isunod ang mga gamit nito na nasa loob ng kwarto niya. Sinenyasan niya ang dalawa na sumunod sa kaniya, nakayuko at tahimik silang sumunod.Kinakabahan na si Sarah dahil baka narinig siya ng Manager nila na pinapatulan niya ang guest. Nakarating naman sila ng office, naupo ang Manager nila habang pareho silang nakatayo sa harap habang nakayuko ang mga ulo.Ilang minutong nanaig ang katahimikan sa kanila, mariing ipinikit ni Mia ang mga mata niya dahil ramdam niya na ang pagkahilo.“Tandaan niyo palagi ang kauna-unahang dapat ay
Nang magising si Mia ay dahan-dahan siyang umupo, inilibot niya ang paningin niya sa kabuuan ng kwarto. Nagsalubong na lang ang mga kilay niya dahil sa lawak at ganda ng kwartong kinaroroonan niya ngayon. Napahawak siya sa ulo niya dahil sa bahagya pa niyang pagkahilo.“Nasan ba ako?” pagtatanong pa niya sa sarili niya. Sakto naman ang paglabas ni Stella mula sa kusina kaya napalingon sa kaniya si Mia.“Mabuti naman at nagising ka na, tatlong oras ka ring nakatulog. Hindi ka na naman ba kumain ng umagahan?”“Nasan ba ako? Anong kwarto ‘to?” hindi niya pinansin ang sinabi ng kaibigan niya. Ibinaba na muna ni Stella ang mga dala-dala niyang pagkain sa kama saka niya hinarap ng maayos si Mia.“Nandito pa rin naman tayo sa hotel, sa VIP room.” Halos mapatayo sa kinahihigaan niya si Mia dahil sa sinabi ng kaibigan niya.“Bakit dito ako dinala? Wala akong pambabayad dito. Alam mo naman kung gaano kamahal ang bayad dito per hour.”“Alam ko yun, hindi naman kita idadala rito kung may babayara
Pahamak na Jaxson. Aniya sa sarili habang nagtatrabaho. Sa tuwing may nakakasalubong siyang mga empleyado ay tinatakpan na lang niya ang mukha niya.“Kung totoo man yun, napakaswerte niya. Kung alam ko lang siguro na papayag si Sir na magpakasal kaagad kapag inaya siya baka ginawa ko na rin hahahaha.” Rinig pa niyang pagtatawanan ng ilang mga kababaihan na nasalubong niya. Napapailing na lang si Mia dahil kung alam lang nila kung anong kahihiyan siya meron ngayon. Sana nga, sila na lang ang nasa pwesto at sitwasyon niya pero hindi eh, pinagtatawanan na lang siya.Halos iyun ang nagiging buhay niya sa araw-araw, ang umiwas sa ilang mga katrabaho nila lalo na sa Boss nila, hangga’t kaya niya iyung iwasan ay gagawin niya kahit na nagmumukha na siyang tangang sumisilip sa mga pader.“Wala naman siguro siya ngayon, makakapagtrabaho ako ng maayos.” Aniya sa sarili dahil kaninang umaga pa niya hindi nakikita ang Boss nila. Iniisip niyang baka hindi ito pumasok ngayon o baka may appointment i
Hindi maalis sa isipan ni Mia ang sinabi ng Boss niya, napapailing na lang siya kapag naaalala niya ang tungkol dun. Hindi tuloy siya makapagfocus sa trabaho niya nang dahil dun.“Gago ba siya? kahit siya ang Boss namin dito at hindi dahil may itsura siya papatulan ko siya. Kapal ng mukha, anong akala niya lahat ng babae may gusto sa kaniya? Feelingero. Tsss.” Aniya pa sa sarili, napapangiwi na lang siya. Tinapos niya na ang pag-aayos ng mga gamit sa isang kwarto na ginamit ng isang guest saka siya lumabas. Nasalubong niya naman ang ilang mga kasama niyang nakatingin sa kaniya.“Kumusta ang feeling bride ni Sir? hahahaha.” Tawanan ng mga ito, napabuntong hininga na lang siya dahil halos mag-iisang linggo nang ito ang usapan ng buong hotel. Nahihiya na lang siya minsan kaya hindi niya na pinapatulan pa.“Makabully ka baka kapag si Mia nga ang naging fiancée ni Sir nganga ka.” irap na saad ng isa pang empleyado, hindi na lang pinansin ni Mia ang mga ito dahil baka kapag pinatulan niya l
“I hope you can find a man that he will love you at yung lalaking hindi maboboring sayo.” rinig ni Aiden na saad ng lalaking kaharap ni Mia. Napapailing na lang siya.Lumapit na si Aiden sa kanila at mabilis niyang hinikit ang bewang ni Mia palayo kay Jaxson. Bahagya pang nagulat si Jaxson at ang babaeng kasama nito. Kilalang kilala si Aiden dahil kahit saang lugar ay makikita mo siya sa mga palabas sa tv, billboard at ilang mga magazine. Salubong ang mga kilay na tiningnan ni Jaxson ang lalaking humigit kay Mia at naibaba niya rin ang paningin niya sa kamay ni Aiden na nakahawak sa bewang ni Mia.Tiningnan ni Mia ang lalaking gumawa nun sa kaniya at napalunok na lang siya sa sarili niyang laway. Hindi niya alam kung anong ginagawa ngayon ng Boss niya pero ayaw niyang mapahiya siya sa harap ng Boss nila.Ang lahat ng mga empleyadong malapit sa kanila ay natutop din ang mga bibig dahil sa ginawa ng Boss nila kay Mia. Kalat na kalat ang tungkol kay Mia at Aiden sa buong hotel at hindi s
Halos ayaw nang pumasok ni Mia sa hotel dahil putok na putok sa buong hotel ang nangyari kahapon. Gusto na lang niyang humilata sa kama niya buong maghapon. Naalala niya tuloy ang paghatid sa kaniya ng Boss niya kagabi, nahihiya tuloy siya rito. Kahihiyan na lang yata ang kaya niyang ibigay sa Boss niya. Idinamay pa niya sa issue, alam niyang bigating tao ang Boss nila pero mas pinili pa niyang sabayan ang ginawa nito sa kaniya kagabi.“AAAHHHHH ayaw ko naaaaaa.” Sigaw pa niya, kanina pa siya gising pero hindi pa rin siya bumabangon sa kama niya. Ayaw niyang pumasok at wala siyang balak pumasok. Kilala niya na ang mga katrabaho niya at alam niyang tatadtarin siya ng mga tanong ng mga ito lalo na si Stella.“Ikaw lang ba? Mia Morales! ano bang ginagawa mo sa buhay mooooo?!” inis na sigaw ni Stella, mabilis na napabangon si Mia sa kinahihigaan niya ng marinig niya ang sigaw ni Stella. Sunod-sunod na napalunok si Mia dahil bakas na bakas ang galit sa mukha ni Stella ngayon. Bakit nga ba
Napalunok si Miss Cruz, wala siyang alam sa mga bagay na iyun. Madalas pa naman niyang utusan at sigawan si Mia.Nanlalaki ang mga ata ni Mia na tiningala si Aiden, seryoso ang mukha nito at hindi mo makikitaan na nagbibiro ito sa mga sinasabi niya.‘Patay na,’ aniya sa isip niya, hindi niya alam kung ano bang pinaplano sa kaniya ng Boss nila. Sinabi niya ng biro lang ang lahat nang sinabi niya noon pero bakit hanggang ngayon sineseryoso pa rin ng Boss nila. Mariing napapikit ng mga mata niya si Stella, hindi niya na alam ang gagawin niya para sa kaibigan. Hindi rin niya maitago ang inis na nararamdaman niya sa Boss nila dahil mas lalo lang niyang pinapalala ang lahat buti sana kung hindi ang kaibigan niya ang nadadawit.“Do you understand, Miss Cruz?”“Yes, Sir. Makakaasa kayo, pasensya na.” mabilis na sagot ni Miss Cruz saka siya yumuko. Tulala pa lamang si Mia at pinoproseso ang lahat sa isip niya nang bigla siyang hinawakan ni Aiden sa kamay niya saka siya hinila palayo sa mga kas
Sa tuwing napapadaan ang Boss nila sa front desk ay napapayuko na lamang si Mia. Simula nang mag-usap sila kahapon ay hindi na uli iyun nasundan, seryoso na rin ang mukha ni Aiden kapag nakikita niya si Mia.Isang buntong hininga ang pinakawalan ni Mia habang nag-aasikaso ng mga bagong pasok na guest.‘Is he mad? Desisyon ko pa rin naman ang masusunod. Masyado na kasing personal ang gusto niyang gawin ko, tssss.’ Aniya sa isip. Nang may dumating na guest ay matamis siyang ngumiti dito saka ito binati. Hindi rin makalapit o makapagtanong sa kaniya ang mga katrabaho niya kahit na kating-kati na silang magtanong, nakabantay kasi sa kanila ang manager nila dahil oras na lumapit ka o may ibinulong ka sa kasama mo maririnig mo na naman ang malakas na tawag nito sayo. Napatingin si Mia malapit sa entrance nang mapansin niya si Aiden na may kausap na ilang mga kalalakihan, base pa lamang sa mga tindig nito tumayo at sa mga kasuotan nila ay alam mo lang mga bigating mga tao ang kausap ng Boss