Akma na sanang aalis ang guest para pumasok sa kwarto niya nang bigla siyang pigilan ng Manager.
“Ano ba?!”
“Hindi mo ba talaga maintindihan? Alisin mo yang sigarilyo mo.”
“Aalis na nga ako diba?!” pasigaw nitong sagot, tinawag naman ng Manager ang dalawang guard.
“Palabasin niyo yan.” Utos niya rito na mabilis ding sinunod ng dalawang gwardya.
“Ibaba niyo ako! Ano ba! Nasa loob ang mga gamit ko!” pagsisigaw niya, inutusan naman ng Manager ang isang babae para isunod ang mga gamit nito na nasa loob ng kwarto niya. Sinenyasan niya ang dalawa na sumunod sa kaniya, nakayuko at tahimik silang sumunod.
Kinakabahan na si Sarah dahil baka narinig siya ng Manager nila na pinapatulan niya ang guest. Nakarating naman sila ng office, naupo ang Manager nila habang pareho silang nakatayo sa harap habang nakayuko ang mga ulo.
Ilang minutong nanaig ang katahimikan sa kanila, mariing ipinikit ni Mia ang mga mata niya dahil ramdam niya na ang pagkahilo.
“Tandaan niyo palagi ang kauna-unahang dapat ay ginagawa niyo kapag nasa ganito kayong trabaho. Sarah, ano bang unang dapat ginagawa kapag nasa ganung sitwasyon?” tanong nito, nakagat ni Sarah ang pang-ibaba niyang labi saka sinagot ang Manager.
“Maging mahinahon at mapagpasensya Ma’am.”
“Alam mo naman pala, bakit hindi mo ginawa?”
“Ginawa ko naman po Ma’am, sadyang hindi ko lang po kinaya ang pangmamaliit niya sa mga katulad natin.”
“Kahit anong klaseng sitwasyon at kahit na ano pang sabihin niya sayo, maging kalmado ka. Kung talagang makulit at ayaw pakiusapan, itapon mo sa labas! Ganun kasimple!” wika nito subalit hindi naman siya galit, kagat-kagat ni Sarah ang labi niya dahil mas brutal pa pala ito kesa sa kanila. “Akala mo kung sino ng mga binili ang mga buhay natin. Mga hindi rin naman kayang mabuhay kung walang uutusan.” Inis niya ring saad dahil narinig niya lahat ng mga sinabi ng babaeng yun na panlalait sa mga hotelier.
Tiningnan niya naman si Mia na nananatiling tahimik habang nakayuko.
“Good job Mia, wala pa ring papantay sa pagiging kalmado mo. Sige na makakaalis na kayo.” Nagpaalam naman na silang dalawa saka lumabas ng office ng kanilang Manager. Nananatiling tahimik si Mia dahil nahihilo na siya, hindi siya masyadong nakakain kanina dahil wala siyang gana.
“Okay ka lang ba? kanina ka pa tahimik. Hindi naman nagalit satin si Manager eh.” Anas ni Sarah habang tinitingnan si Mia.
“Okay lang ako, medyo napapagod lang siguro.” Tanging sagot niya, gusto pa sanang magtanong ni Sarah dahil parang hindi na maganda ang kalagayan ni Mia pero pinili na lang niyang manahimik dahil baka trip lang talaga ngayon ni Mia ang manahimik.
Napapahawak na si Mia sa ulo niya, pinagpapawisan na rin siya ng malamig. Pakiramdam niya umiikot na ang mundo niya. Tumingin siya sa gilid niya para sana sumandal saglit sa pader at makapagpahinga subalit bago pa man siya makarating ay natumba na siya at nawalan ng malay. Napatingin naman sa kaniya si Sarah at ang ilang mga empleyado na nakakita.
“Mia!” malakas na sigaw ni Sarah saka ito nilapitan at bahagya siyang tinapik sa pisngi.
“Mia, gising, Mia!” nag-aalalang saad ni Sarah dahil hindi niya naman alam kung anong gagawin. Lumapit na rin sa kanila ang ibang empleyado.
“Alisin mo yung sapatos niya saka mo hilot-hilutin yung mga daliri ng paa niya, yun ang alam ko. Tanggalin mo rin yung pagkakakabit ng bra niya sa likod.” Natataranta nang wika ng isa nilang kasama, ginawa naman nila ang sinabi nito at patuloy pa ring ginigising si Mia subalit tila isa itong patay kung matulog.
Samantala, nireready naman na ni Aiden ang pagmemeetingan nila ngayon. Mabilis niyang kinakalikot ang laptop niya, pumasok si Raoul sa loob ng conference room saka nilapitan si Aiden para may ibulong dito.
Napatigil si Aiden sa ginagawa niya dahil sa ibinulong sa kaniya ni Raoul.
“What? what happened?” gulat niyang tanong pero inilingan lang siya ni Raoul.
“That’s my fiancée, cancel the meeting.” Seryoso niyang saad na ikinatingin sa kaniya ng ilang mga taong nasa loob na ng conference room.
Tumayo na si Aiden saka lumabas ng conference room at lahat ng mga nakakasalubong niyang mga empleyado ay napapagilid at napapayuko sa kaniya. Ang tindig niyang nagbibigay ng takot sa mga empleyado niya.
“Mia ano ba? gumising ka naman. Ano bang nangyayari sayo?” halos maiyak ng wika ni Stella, hindi pa rin nagigising si Mia. Hindi pa rin dumarating ang ambulansyang tinawagan nila. Namumutla na rin si Mia na aakalain mong wala ng dugo sa katawan.
Napagilid naman silang lahat nang dumating ang Boss nila. Walang umiimik sa kanila pero mga nagpapakiramdaman dahil sa hindi naman sila sanay na nakikita ang Boss nila sa mga ganitong sitwasyon.
Napatingala si Stella nang lumuhod si Aiden para buhatin si Mia.
“Sir,” mahina nitong saad pero hindi umiimik si Aiden saka iniangat si Mia na wala pa ring malay. Tahimik silang lahat at nakayuko kahit na gusto nilang tingnan ang Boss nila. Walang umiimik sa kanilang lahat hanggang sa makaalis si Aiden kasama si Mia.
“Anong meron? Anong nangyari? Si Sir yun hindi ba?” halos hindi makapaniwalang saad ng isang babaeng empleyado. Lahat sila ay tulala habang nakatingin sa nakatalikod na Boss nila at papalayo na.
“Seryoso ba talaga si Sir sa sinabi niya?”
“Kung ganun, totoo yung bali-balita na inaya ni Mia ng kasal si Sir tapos sila na ngayon?!” tila hindi nila matanggap na saad, napatingin na lang sila sa isang babaeng bigla na lamang napaupo dahil sa panghihina ng tuhod niya.
“Ganun niya lang kadaling nakuha si Sir Aiden? Si Sir Aiden na halos crush ng bansa!” kaniya-kaniya nilang saad, napangiwi na lang si Sarah.
“Kung makapagsalita naman kayo akala niyo ang gaganda niyo. Hoy mga bubwita inggit lang kayo dahil baka kapag kayo ang nag-aya ng kasal kay Sir ay wala na kayong trabaho kinabukasan. Sadyang maganda lang si Mia! Mga inggiterang palaka.” Wika ni Sarah sa mga kasamahan niya sa trabaho.
“Sino ba naman kasing mag-aakala na papayag si Sir? Hindi niya naman kilala si Mia.” Sagot pa ng isa.
“Ha! bakit? Malay niyo, akala lang natin na hindi niya kilala si Mia pero may lihim pala siyang pagtingin kay Mia? Oh ano kayo ngayon?” pang-aasar niya sa mga ito saka siya umalis. Napapadabog na lang yung iba dahil sa sinabi ni Sarah at sa ginawa ng Boss nila. Umaasa na gagawin din ba ng Boss nila yun sa kanila kung anong ginawa niya kay Mia?
“Anong ginagawa niyong lahat diyan?!” lahat sila ay mabilis na tumakbo para magtungo sa mga trabaho nila nang marinig na nila ang sigaw ng head nila.
“Maaga pa para sa tsismisan!” sigaw pa nito at walang nakapagsalita sa kanilang lahat at kunwaring mga abala na sa mga trabaho nila.
Binuksan naman na ni Stella ang pintuan ng isang VIP suite dahil iyun ang utos ng Boss nila.
“Okay naman na po Sir sa kwarto niya baka po may magcheck in mamaya rito.” nahihiyang saad ni Stella. Ibinaba na ni Aiden si Mia sa napakalambot at napakabangong kama.
“It’s okay, I’ll tell them that she is already using this.” Hindi naman na nakasagot si Stella saka nilapitan si Mia.
“Pero nagpatawag na po kami ng ambulansya.”
“I will tell to my doctor to check her. Don’t worry, just take care of her. Stay beside her.” tumango na lang si Stella, nahihiya man sa Boss nila ay nagpapasalamat na lang din siya dahil sa kabutihan nito sa katulad ni Mia. Hindi nila kilala ang Boss nila, hindi niya alam kung seryoso ba talaga ito sa sinabi ni Mia noong mga nakaraang gabi pa. Mukha kasing sineryoso ng Boss nila ang tungkol dun.
Inayos ni Aiden ang kumot kay Mia saka niya ito tinitigan sa mga mata niya. Napapailing na lang siya dahil mukhang ibinubuhos na lang niya ang oras niya sa trabaho dahilan para mawalan ng malay.
Inutusan niya na si Raoul na tawagin ang sariling doctor ni Aiden para tingnan si Mia. Nung una ay nagulat pa si Raoul dahil ngayon lang naman ito ginawa ng Boss niya pero hindi na siya nagsalita pa saka tinawag ang Doctor.
Lumabas na si Aiden sa kwartong iyun saka nag-utos na lang ng empleyado para sabihin na ginagamit niya ngayon ang kwartong iyun kahit na may sarili na siyang kwarto sa hotel para pagstayan niya sa gabi. Wala namang imik ang mga empleyado kahit na nagtataka na sila kung bakit sa isang VIP room pa inilagay si Mia gayong may mga sarili namang kwarto ang mga empleyado.
Ang mga empleyadong walang alam sa nangyayari ay inaakala na special si Mia sa Boss nila o baka hindi nila alam ay palihim na nagkikita ang dalawa. Hindi naman masyadong nakikipag-usap ang Boss nila sa kahit kaninong empleyado bukod na lang kung may iuutos ito kaya nagtataka na lamang sila sa ikinikilos nito ngayon.
Matyaga namang nagbabantay si Stella nang matapos na tingnan ng Doctor si Mia. Masyado lang siyang napagod at nalipasan ng gutom kaya siya nawalan ng malay, maya-maya ay gigising na rin.
Pinupunasan ni Stella nang basang towel ang mukha ni Mia.
“Ano kasing ginagawa mong babae ka eh.” Wika pa nito.
“Hindi ko na tuloy alam ang gagawin ko, nakakahiya na kay Sir.” panenermon pa nito kahit na tulog pa rin si Mia pero napangiti rin hindi kalaunan dahil tila ba kinikilig siya dahil sa ginawa ng Boss nila sa kaibigan niya.
“Ang swerte mong babae ka.”
Nang magising si Mia ay dahan-dahan siyang umupo, inilibot niya ang paningin niya sa kabuuan ng kwarto. Nagsalubong na lang ang mga kilay niya dahil sa lawak at ganda ng kwartong kinaroroonan niya ngayon. Napahawak siya sa ulo niya dahil sa bahagya pa niyang pagkahilo.“Nasan ba ako?” pagtatanong pa niya sa sarili niya. Sakto naman ang paglabas ni Stella mula sa kusina kaya napalingon sa kaniya si Mia.“Mabuti naman at nagising ka na, tatlong oras ka ring nakatulog. Hindi ka na naman ba kumain ng umagahan?”“Nasan ba ako? Anong kwarto ‘to?” hindi niya pinansin ang sinabi ng kaibigan niya. Ibinaba na muna ni Stella ang mga dala-dala niyang pagkain sa kama saka niya hinarap ng maayos si Mia.“Nandito pa rin naman tayo sa hotel, sa VIP room.” Halos mapatayo sa kinahihigaan niya si Mia dahil sa sinabi ng kaibigan niya.“Bakit dito ako dinala? Wala akong pambabayad dito. Alam mo naman kung gaano kamahal ang bayad dito per hour.”“Alam ko yun, hindi naman kita idadala rito kung may babayara
Pahamak na Jaxson. Aniya sa sarili habang nagtatrabaho. Sa tuwing may nakakasalubong siyang mga empleyado ay tinatakpan na lang niya ang mukha niya.“Kung totoo man yun, napakaswerte niya. Kung alam ko lang siguro na papayag si Sir na magpakasal kaagad kapag inaya siya baka ginawa ko na rin hahahaha.” Rinig pa niyang pagtatawanan ng ilang mga kababaihan na nasalubong niya. Napapailing na lang si Mia dahil kung alam lang nila kung anong kahihiyan siya meron ngayon. Sana nga, sila na lang ang nasa pwesto at sitwasyon niya pero hindi eh, pinagtatawanan na lang siya.Halos iyun ang nagiging buhay niya sa araw-araw, ang umiwas sa ilang mga katrabaho nila lalo na sa Boss nila, hangga’t kaya niya iyung iwasan ay gagawin niya kahit na nagmumukha na siyang tangang sumisilip sa mga pader.“Wala naman siguro siya ngayon, makakapagtrabaho ako ng maayos.” Aniya sa sarili dahil kaninang umaga pa niya hindi nakikita ang Boss nila. Iniisip niyang baka hindi ito pumasok ngayon o baka may appointment i
Hindi maalis sa isipan ni Mia ang sinabi ng Boss niya, napapailing na lang siya kapag naaalala niya ang tungkol dun. Hindi tuloy siya makapagfocus sa trabaho niya nang dahil dun.“Gago ba siya? kahit siya ang Boss namin dito at hindi dahil may itsura siya papatulan ko siya. Kapal ng mukha, anong akala niya lahat ng babae may gusto sa kaniya? Feelingero. Tsss.” Aniya pa sa sarili, napapangiwi na lang siya. Tinapos niya na ang pag-aayos ng mga gamit sa isang kwarto na ginamit ng isang guest saka siya lumabas. Nasalubong niya naman ang ilang mga kasama niyang nakatingin sa kaniya.“Kumusta ang feeling bride ni Sir? hahahaha.” Tawanan ng mga ito, napabuntong hininga na lang siya dahil halos mag-iisang linggo nang ito ang usapan ng buong hotel. Nahihiya na lang siya minsan kaya hindi niya na pinapatulan pa.“Makabully ka baka kapag si Mia nga ang naging fiancée ni Sir nganga ka.” irap na saad ng isa pang empleyado, hindi na lang pinansin ni Mia ang mga ito dahil baka kapag pinatulan niya l
“I hope you can find a man that he will love you at yung lalaking hindi maboboring sayo.” rinig ni Aiden na saad ng lalaking kaharap ni Mia. Napapailing na lang siya.Lumapit na si Aiden sa kanila at mabilis niyang hinikit ang bewang ni Mia palayo kay Jaxson. Bahagya pang nagulat si Jaxson at ang babaeng kasama nito. Kilalang kilala si Aiden dahil kahit saang lugar ay makikita mo siya sa mga palabas sa tv, billboard at ilang mga magazine. Salubong ang mga kilay na tiningnan ni Jaxson ang lalaking humigit kay Mia at naibaba niya rin ang paningin niya sa kamay ni Aiden na nakahawak sa bewang ni Mia.Tiningnan ni Mia ang lalaking gumawa nun sa kaniya at napalunok na lang siya sa sarili niyang laway. Hindi niya alam kung anong ginagawa ngayon ng Boss niya pero ayaw niyang mapahiya siya sa harap ng Boss nila.Ang lahat ng mga empleyadong malapit sa kanila ay natutop din ang mga bibig dahil sa ginawa ng Boss nila kay Mia. Kalat na kalat ang tungkol kay Mia at Aiden sa buong hotel at hindi s
Halos ayaw nang pumasok ni Mia sa hotel dahil putok na putok sa buong hotel ang nangyari kahapon. Gusto na lang niyang humilata sa kama niya buong maghapon. Naalala niya tuloy ang paghatid sa kaniya ng Boss niya kagabi, nahihiya tuloy siya rito. Kahihiyan na lang yata ang kaya niyang ibigay sa Boss niya. Idinamay pa niya sa issue, alam niyang bigating tao ang Boss nila pero mas pinili pa niyang sabayan ang ginawa nito sa kaniya kagabi.“AAAHHHHH ayaw ko naaaaaa.” Sigaw pa niya, kanina pa siya gising pero hindi pa rin siya bumabangon sa kama niya. Ayaw niyang pumasok at wala siyang balak pumasok. Kilala niya na ang mga katrabaho niya at alam niyang tatadtarin siya ng mga tanong ng mga ito lalo na si Stella.“Ikaw lang ba? Mia Morales! ano bang ginagawa mo sa buhay mooooo?!” inis na sigaw ni Stella, mabilis na napabangon si Mia sa kinahihigaan niya ng marinig niya ang sigaw ni Stella. Sunod-sunod na napalunok si Mia dahil bakas na bakas ang galit sa mukha ni Stella ngayon. Bakit nga ba
Napalunok si Miss Cruz, wala siyang alam sa mga bagay na iyun. Madalas pa naman niyang utusan at sigawan si Mia.Nanlalaki ang mga ata ni Mia na tiningala si Aiden, seryoso ang mukha nito at hindi mo makikitaan na nagbibiro ito sa mga sinasabi niya.‘Patay na,’ aniya sa isip niya, hindi niya alam kung ano bang pinaplano sa kaniya ng Boss nila. Sinabi niya ng biro lang ang lahat nang sinabi niya noon pero bakit hanggang ngayon sineseryoso pa rin ng Boss nila. Mariing napapikit ng mga mata niya si Stella, hindi niya na alam ang gagawin niya para sa kaibigan. Hindi rin niya maitago ang inis na nararamdaman niya sa Boss nila dahil mas lalo lang niyang pinapalala ang lahat buti sana kung hindi ang kaibigan niya ang nadadawit.“Do you understand, Miss Cruz?”“Yes, Sir. Makakaasa kayo, pasensya na.” mabilis na sagot ni Miss Cruz saka siya yumuko. Tulala pa lamang si Mia at pinoproseso ang lahat sa isip niya nang bigla siyang hinawakan ni Aiden sa kamay niya saka siya hinila palayo sa mga kas
Sa tuwing napapadaan ang Boss nila sa front desk ay napapayuko na lamang si Mia. Simula nang mag-usap sila kahapon ay hindi na uli iyun nasundan, seryoso na rin ang mukha ni Aiden kapag nakikita niya si Mia.Isang buntong hininga ang pinakawalan ni Mia habang nag-aasikaso ng mga bagong pasok na guest.‘Is he mad? Desisyon ko pa rin naman ang masusunod. Masyado na kasing personal ang gusto niyang gawin ko, tssss.’ Aniya sa isip. Nang may dumating na guest ay matamis siyang ngumiti dito saka ito binati. Hindi rin makalapit o makapagtanong sa kaniya ang mga katrabaho niya kahit na kating-kati na silang magtanong, nakabantay kasi sa kanila ang manager nila dahil oras na lumapit ka o may ibinulong ka sa kasama mo maririnig mo na naman ang malakas na tawag nito sayo. Napatingin si Mia malapit sa entrance nang mapansin niya si Aiden na may kausap na ilang mga kalalakihan, base pa lamang sa mga tindig nito tumayo at sa mga kasuotan nila ay alam mo lang mga bigating mga tao ang kausap ng Boss
“Would you mind to tell me what happened?” napairap na lang si Mia, kailangan talaga sabihin pa niya lahat kay Stella. Kahit na tinatamad na siyang magpaliwanag ay sinabi pa rin niya kung anong nangyari hanggang sa ibigay ni Aiden ang coat niya kay Mia.Si Stella naman ngayon ang napabuntong hininga saka nahiga at ginawang unan ang dalawang braso.“Ang mga lalaki talaga, ang akala na lang palagi sa mga babae parausan. Para bang, para sa kanila ginawa ang babae para pasayahin sila sa pansarili nilang kagustuhan. Tsss. Maswerte ka pa rin dahil nandun si Sir Aiden.”“Kailangan ko pa bang ipagpasalamat na nagkataon na nandun siya? Kung hindi nga lang siya sumingit papatulan ko na yung lalaking yun e. Ang kapal ng mukha niyang igaya ako sa mga babaeng parausan, gagong yun.” Nanggigigil niyang saad, susuntukin niya na sana ito kanina kung hindi lang sumingit si Aiden.“Kumain na tayo, nagugutom na talaga ako.” pag-aaya ni Stella, nagbihis naman na muna si Mia ng skirt niya saka sila sabay