Chapter 24

“Bata pa lang tayo alam naman na nating crush ni Alexis si Manuel. Pero hindi katanggap tanggap yung ginawa nya.”

“Naalala ko tuloy nung inamin sa atin ni Alexis na tumigil daw yung mundo nya nang makita nya si Manuel isang araw. Para raw syang estatwa nung marealize nyang gwapo si Manuel sa paningin nya.”

Napangiti silang dalawa nang maalala ang mga panahon na umamin si Alexis na crush nya si Manuel. Naglalaro sila noon sa isang playground na malapit kila Alexis. Bata pa sila noon at naglalaro pa ng malaya sa labas tuwing walang pasok.

“Pero ngayong nasaktan sya, hindi ko rin sya masisisi. Kasalanan din naman kasi talaga ni Manuel,” dagdag ni Bruno. “Pagbuhatan mo ba naman ng kamay yung mapapangasawa mo.”

Kilala nila si Alexis bilang isang babaeng gagawin ang lahat para mapanatili si Manuel sa tabi nya. Ganoon nya kamahal si Manuel. Mahaba ang pasensya ni Alexis at nakita nila ito kung paano nya gawin ang lahat para lang hindi masaktan ng lubusan si Manuel noong mga panahon na maghiw