Chapter 25

CHAPTER 25

Ang driver ng mga Revamonte ang sumundo kay Clara kinabukasan na lihim na ipinagpasalamat ni Joana. Baka madagdagan na naman ang pagkatorete ng utak niya sa pangh ahalik ni Castiel at talagang nanadya pa na puntahan siya.

Oo, kumbinsido na si Joana na siya nga ang pinuntahan ng cowboy kagabi. Ang sabi ni Auntie Clara ay tinawagan na raw nito si Cast bago pa man sila kumain at malinaw na umoo si Castiel dahil may lakad din daw ito.

“Mama Lola, visit again po,” ngungoy ni Nadia habang mahigpit ang yakap sa matandang dalagang Revamonte.

“Oo naman, apo ko. Papasyal din kita, Hane. Gusto mo ba iyon?”

“Yes. Layk ko rin iyong horse. Sakay tayo ng horse.”

Daldalan nang daldalan ang maglola hanggang sa kotseng nakaparada sa harap ng bahay. Ipinakilala sa kanya ni Auntie Clara si Mang Toti na driver ng pamilya ngunit kay Castiel nakatoka. Naalala niya ang lalaking tantya niya ay nasa trenta y singko pa lamang an