KABANATA 5

Paggising niya ay wala na sa tabi niya si Royce kagaya noong una. Dismayado man ay pilit pa rin siyang ngumiti. Agad siyang nag-ayos at inalis din ang kobre kama gaya sa gusto nito. Bitbit niya iyon pagkalabas sa kwarto ngunit natigilan siya matapos makitang kalalabas lang din sa kwarto ni Royce.

Maliit siyang tumikhim at inayos ang sariling buhok. Hinanda niya ang ngiti para dito ngunit kusang naglaho ang ngiti niya noong lagpasan siya nito.

Huwag mong sabihing aakto na naman ito na hindi siya nakikita?

"Royce—I mean, Kuya Royce," agad niyang tawag.

Tumigil ito sa pagbaba sa hagdan at lumingon sa kanya, "Yes, Crystal. Is there something you wanna say?" inosenteng tanong nito.

Napakurap siya. Mananalo itong best actor sa pagiging inosente.

Pinigilan niya ang sarili kahit pa gusto niya itong bigyan ng good morning kiss. Luminga pa siya sa paligid kung may nakatingin bago humakbang palapit dito ngunit napaatras siya matapos marinig ang Ate Courtney niya na palabas din ng kwarto.

"Love, bukas na pala iyong meeting para sa design—oh, Baby Crystal, ang aga mo," pansin nito sa kanya.

Hilaw siyang ngumiti lalo na noong makita kung paanong umikot ang braso ni Royce sa bewang ng ate niya. Hum*lik pa ito sa sentido kaya't lalong naninikip ang d*bdib niya.

"Magpapalit ka na ng bedsheet?" takang tanong nito.

Umiwas siya ng tingin ngunit sumulyap din siya kay Royce na tumingin na sa relong pambisig.

"We'll be late. I need to visit my father," pagkausap nito sa ate niya.

Napayuko siya dahil mukhang hangin na naman siya rito. Kumuyom ang kamao niya at agad na bumaba ng hagdan, hindi pinansin ang pagtawag sa kanya ng ate niya.

"Oh, madumi na ang kobre kama mo?" puna ng Mommy niya.

Hindi siya sumagot, bagkus ay hinagis niya ang bedsheet sa laundry basket, walang pakialam kahit makita pa nila ang dugo mula roon.

"Crystal, since when did you act like that?!"

"I'm not feeling well. Bye, Mom."

Mabilis siyang hum*lik sa pisngi nito at mabilis ding lumabas ng bahay. Ayaw na niyang makita pang magkasama ang ate niya at si Royce. Nagpupuyos na naman ang damdamin niya. Hanggang makarating sa kumpanya ay wala siya sa mood.

"Mang-aagaw ka! Kabit ka! Nil*ndi mo ang asawa ko!"

Namilog ang mga mata niya sa narinig. Dumagundong ang puso niya at napalinga sa paligid ngunit naestatwa matapos makita ang kumpulan ng mga empleyado sa gitna ng lobby.

"Hindi ka kasi magaling sa kama kaya siya naghanap ng iba! Tanggapin mo na lang na ako na ang mahal niya!"

Napaatras siya at napahawak sa d*bdib matapos makitang nagsabunutan ang dalawa niyang empleyado habang ang ilan ay humihiyaw. Pati ang gwardiya na dapat ay umaawat sa dalawa ay nakiki-sigaw.

"Alam mong may anak kami! Paano na ang mga bata ngayong sinira mo ang pamilya ko?!" iyak pa muli ng isa.

Hindi niya maaninag ang mukha nito pero kinakabahan siya dahil sa away ng dalawa.

"Bestfriend kita, Mau! Bakit mo nagawa iyon? Pinagkakatiwalaan kita pero ikaw pa ang aahas sa asawa ko!" muling iyak nito.

Kumabog ng todo ang puso niya sa kaba kahit hindi para sa kanya iyon. Napalunok siya at nainis. Ayaw na niyang makarinig pa ng ganoong klaseng mga salita.

"All of you! What are you doing here so early?!" malakas niyang sigaw na kinatahimik ng paligid.

Nawala ang kumpulan at naiwan sa gitna ang nagsasabunutan kanina. Kita niyang umirap ang tingin niyang si Mau habang ang isa ay puno ng luha.

"Ma'am, I-m sorry po. Hindi ko napigilan ang sarili ko," ani ng umiiyak.

Malamig niyang tiningnan ang dalawa.

"We don't need incompetent and unprofessional employees here. Both of you are fired!"

Namilog ang mga mata ng dalawa ngunit wala siyang pakialam. Lumakad siya agad patungo sa elevator.

"Ma'am, huwag naman po. May mga anak po akong umaasa sa akin—Ma'am Crystal, please!"

Agad niyang sinara ang elevator at hindi ito pinakinggan. Pagkarating sa tamang floor ay dumiretso siya sa opisina niya.

"Stay outside, Ella," agad niyang utos sa sekretarya niyang susunod sana sa loob.

Pagkasara ng pinto ay napahawak siya sa kanyang d*bdib. Para siyang hindi makahinga. Pakiramdam niya ay siya ang sinabihan ng mga salita kanina ng empleyado. Hindi naman siya kabit di ba? Hindi naman siya ang lum*ndi kay Royce di ba? F*ck! Siya dapat ang misis at hindi kabit!

Gigil niyang hinagis ang bag sa sofa. Paglapit niya sa mesa ay agad niyang pinindot ang intercom.

"I need a glass of f*cking cold water, Ella," utos niya sa sekretarya, "Hurry up!"

Hindi na niya hinintay ang sagot nito. Nahampas niya ang mesa at napabagsak ng upo sa kanyang swivel chair. Hindi siya makalma sa kaalamang ganoon din siya, kabit siya ni Royce.

"Bwisit na iyan! Ako dapat kasi ang legal!" bulalas niya bago ginulo ang buhok.

Natigilan siya noong bumukas ang pinto at iluwa noon ang Ate Courtney niya na may bitbit na baso ng malamig na tubig. Nahigit niya ang hininga at nanlamig sa pwesto niya lalo na sa seryosong titig nito. Narinig ba siya nito?

Humakbang ito palapit, "I heard—"

"Mali ang narinig mo," agad niyang sagot sa kabila ng kaba niya.

Kumunot ang noo nito at nagpatuloy sa pagalalakad. Nilapag nito agad ang baso sa mesa niya.

"Mali ba ang narinig ko na pareho mong tinanggal sa trabaho ang nag-away?" usisa nito.

Umiwas siya ng tingin, "They are unprofessional. Hindi dapat sila nagdadala ng personal na problema sa trabaho."

"Really? Hindi mo man lang ba pinakinggan ang problema nila?"

Inis niya itong nilingon, "Ate, pwede ba? Stay out of it. Ayoko ng gulo sa kumpanya at wala akong oras para makinig sa kanila. Hindi sila pinapasahod dito para mag-away."

Napairap siya at napabuga ng inis na hangin. Sobrang sikip na ng d*bdib niya kaya't kinuha niya ang baso para makainom.

"Nakinig ako, Crystal. I fired Mau but not Elena—"

"And who's that Elena?" litong tanong niya bago nilapit ang baso sa kanyang bibig.

Bumuntong hininga ang ate niya, "Si Elena ang legal na asawa at si Mau ang kabit. Tama lang na tanggalin ko si Mau at hayaan sa trabaho si Elena. Kahit sino naman ay magagalit kapag nalaman mong may kabit ang asawa mo di ba?" pagdidiin nito dahilan upang manginig ang kamay niya at maibaba ang baso.

Umawang ang mga labi niya sa kapatid, "W-hat do you mean?" parang tangang tanong niya.

Tumikwas ang kilay ng ate niya, "Kung sa akin nangyari iyon at nalaman ko na may kabit si Royce, lintik lang ang walang ganti mas lalo na siguro kung kapatid ko pa ang babae," seryosong bigkas nito na nagpataas sa mga balahibo niya at nagpanginig sa kanyang tuhod.