Kabanata 357

Hi, everyone!

Gusto ko lang sana magbigay ng kaunting paliwanag at humingi na rin ng paumanhin sa ilan sa inyo na nagsasabing masyado nang MAHABA ang story nina Marikit at Mikael.

Sa ngayon, nasa CHAPTER 356 na tayo. Pero ang totoo, kung pagbabasehan ang original kong manuscript, CHAPTER 254 pa lang talaga ito.

Bakit po nagkaroon ng malaking diperensya?

Si GoodNovel po ang naghahati ng mga chapter kapag lumalagpas sa maximum word count na 1,200 words bawat kabanata. Madalas kasi akong magsulat ng 1,500–1,600 words, at kung minsan ay mas mahaba pa. Dahil dito, awtomatiko nilang hinahati ang isang chapter sa dalawa, at may mga pagkakataon pa ngang nagiging tatlong chapter.

Kaya kung napapansin ninyo na may mga kabanatang parang bigla na lang natapos o naputol sa gitna ng eksena, hindi po iyon sinadya. Wala po kaming control doon bilang mga author.

Gusto ko rin pong linawin na ang mga top-up, unlocks, gifts, at iba pang binabayaran ninyo sa app ay hindi rin po napupunta nang buo sa amin. Porsyento lamang po ang natatanggap naming mga author. Kaya sana po ay huwag ninyo kaming sisihin o magalit po. Naniniwala po ako na pare-pareho lang nating gustong matapos nang maayos ang kuwento.

Isa pa, ayoko rin pong madaliin ang story. Kung pagmamadaliin ko ang lahat, mawawalan ng saysay ang lahat ng pinagdaanan nina Marikit at Mikael. Gusto kong maibigay sa kanila ang ending na talagang deserve nila, at magiging sulit din ang oras na inilaan ninyo sa pagbabasa.

Maraming salamat sa inyong pang-unawa, sa walang sawang suporta, at sa patuloy na pagtitiwala sa akin bilang writer.

Mahal na mahal ko kayong lahat. Hanggang sa susunod na update!

— Genn Writes (⁠ ⁠◜⁠‿⁠◝⁠ ⁠)⁠♡