CHAPTER 11: She's Mine, He's Mine

JANINA MARIE

Ilang gabi na akong walang tulog. Nahuli kong may sikretong inabot si Xavier kay Jake noong huling dalaw ng bestfriend niya sa kaniyang bahay. Hindi ko alam kung ano iyon pero narinig ko ang usapan nila na isa iyong remembrance na naiwan ng isang babae kay Jake at itinago lang ni Xavier. Ganoon ba katindi ang selos ni Xavier sa babaeng iyon para kunin n'ya ang bagay na pagmamay-ari ng pinagseselosan niya?

Dahil sa bagay na iyon na binawi ni Jake ay napatunayan ko na sa relasyon nina Jake at Xavier, si Jake ang lalaki at si Xavier ang bakla. Sayang! Umasa pa naman ako dati na si Jake ang binabae at si Xavier ang lalaking-lalaki sa kanilang dalawa pero nagkamali ako.

"May bago ba, Janina? Matagal mo na rin namang alam na bakla ang pinakasalan mo pero hinayaan mo ang iyong sarili na unti-unting mahulog sa kan'ya kahit pinahihirapan ka n'ya," galit ko sa aking sarili.

Habang nakaupo sa harap ng isang bakanteng lamesa, matiyaga kong hinihintay si Althea. Abala pa s'ya sa pa